انا مجرد عابر سبيل فى الدنيا

[طارق طروق]

وتحيه لكل بنت طولها اقل من 170 سم
لكن البنت اللى طولها اكتر من 170 سم
بقولها مش هتلاقى عريس يرضى بيكى ياختى
هو العريس هيلعبك كره سله فى البيت لو اتجوزك على طولك ده؟

[طارق طروق]

وبقول لأى حد
تحبنى ولا تكرهنى مش هتفرح معايا
لو حبتنى هكون فى قلبك
ولو كرهتنى هكون فى عقلك

[طارق طروق]

وزى ما الذكاء بيكون موهبه
الغباء يردو بيكون موهبه

[طارق طروق]

انا من عادتى فى الفتره
اللى بتبقى فيها تغيير
من الشتاء للصيف بحب اشرب يوميا
عصير برتقال بلدى طبعا عشان البرتقال
بيحتوى على فيتامين c
وكنت بحسب انه بيحتوى على فيتامين c فقط
الجديد اللى عرفته ان البرتقال بيحتوى على كالسيوم كمان اه وربنا

[طارق طروق]

دلوقتى بالنهار باللبس صيفى نص كم
وبالليل تى شيرتات بكم طويل
خوفا من البرد لحسن يجيلى
وانا مش ناقص بصراحه وبعدين لما بيجيلى برد
اوبااااااااااااااااا بتبقى وقعتى سودا

[طارق طروق]

زى ما كل السلع ليها انتهاء تاريخ صلاحيه
بردو بعض الناس بيبقى ليهم انتهاء تاريخ صلاحيه
امممممممممممم
قاصدى انتهاء تاريخ صداقه

[طارق طروق]

وعمى شكسبير قالى
شوف يا طارق يا ابنى
بعض الناس فى وشك ابرياء ومساكين
وفى ضهرك سكاكين
قولتله كلامك صح يا واد يا عمى

[طارق طروق]

وعمى شكسبير قالى
يا طارق يا ابنى مهما كنت مثاليا
هتلاقى اللى يكرهك
والدليل على كدا ان الشياطين بيكرهوا الملائكه
قولتله كلامك صح يا واد يا عمى

[طارق طروق]

وعمى شكسبير لسه جاى يقولى نصيحه
قولتله اخلع من نفوخى دلوقتى يا واد يا عمى
شويه كدا ابقى قولى نصايح براحتك
لكن مش ورا بعض كدا عشان الاصدقاء
والصديقات هنا فى المنتدى مش يزهقوا منك ومنى

[طارق طروق]

وخدوها منى نصيحه
وبعيد عن عمى شكسبير
اللى بيبيع الثمين بدون ثمن
بيبيع الغالى بأرخص ثمن
لو محدش فاهم انا بقول ايه
يتصل بعمى شكسبير وهو يفهمه كلامى