انا مجرد عابر سبيل فى الدنيا

[طارق طروق]

روحت السوق الصبح زى ما قولت
والورقه اللى كنت كاتب فيها الطلبات
عشان منساش نسيتها هنا فى البيت
كنت ضارب لخمه كبيره اوى اوى
بقيت اشترى حاجات قولت كدا ولا كدا
هتنفع فى البيت والمفاجئه الظريفه
ان الحاجات اللى جبتها امى اول ما شافتها
قالت برافو عليك يا طارق كويس انك اشتريت حاجات
انا كنت ناسيه اقولك عليها مع ان معظمها كان خارج
الورقه اللى كنت كاتبها يمكن امى تقريبا كدا كانت بتجاملنى
ولا مش عارف بقى المهم طلعت شطور

[طارق طروق]

هو لما انتظر من اللي قدامي انه يعاملنى زي مابعامله
يبقى كده كتير يابشرررر؟؟؟
لا طبعا مش كتييير يا بشر

[طارق طروق]

اوعى تتعشم كتير فى حد احواله بتتغير
انت شايفه فى نظرك كبير
وهو شايفك فى نظره صغير
وعجبى

[طارق طروق]

فجأه وبدون ماتشعر بتصرفاتها ظهرت عيوبها
الغير مقبوله والصعب احتمالها

القطه بتاعت جيرانا

كنتم فاكرين مين؟
عيب عليكم انا مش وش ذلك
محدش يظلمنى

[طارق طروق]

ايه الصمت الرهيب ده؟؟؟


ناقص يطلع لنا اشباح


الكل نايم دلوقتى ولا ايه؟

ولا نافع بدرى ولا نافع متأخر

ربنا يهدكم قولوا امين

[طارق طروق]

ذات مومنت..
وقفت اعمل مج نسكافيه وسرحت مع نفسي
وقلت انا هزود عليه معلقه قهوة كمان
يلا عشان أفوق واصحصح
جبت المج وظبطت السكر وفرغت باكو النسكافيه
وحطيت البن فوقيه
بس ماعليناااا
وعادي جبت الكيتيل وصبيت الميه وقلبت
فى حد هيقولى وايه الجديد يا رخم عادى
هقوله مافيش جديد غير انى صبيت الميه
من غير ما تغلى
رميته وعملت واحد تانى عشان ركزت
المره دى
يااااااااااااااااا رخميييييييييييييييييييين

[طارق طروق]

بنت كاتبه على البروفايل بتاعها
احنا بنات لو جت الشدائد نرمى ثوب الدلع
ونلبس عمايم وفى الحرب تشوفنا رجال

وحيات امك انا لو رميت عليكى صرصور
لتموتى من الرعب والخوف ويا سلام بقى
لو كان صرصور بيطير

[طارق طروق]

مره اصدقاء السوء وانا منهم طبعا
ادونى سيجاره حشيش
كنت وقتها مضايق وقالولى
السيجاره دى لو شربتها هتخلى مزاجك عنب
واى زعل هيروح منك على طول
قولتلهم بس بلاش كلام فاضى
قالولى جرب جرب خدتها لكن مرضتش
اشربها قدامهم عشان ميضحكوش عليا
وقولتلهم هشربها فى البيت مع نفسى
المهم لما وصلت البيت متأخر وكانوا نايمين كلهم
مع نفسى وانا فىاوضتى ولعت السيجاره وفتحت شباك وبلكونه اوضتى
عشان ريحه الحشيش وشويه كدا لقيت نفسى واقف قدام المرايا
وعمال اعمل حركات مضحكه واشوف اللى جوه المرايا اللى هو انا
بيعمل زى انا ولا لأ كان شغل جنان فى جنان لما نمت وفوقت
وافتكرت اللى كنت بعمله حلفت ما اسمع كلام اصدقاء السوء
ولا اشرب سيجاره حتى فى حياتى
وقد كان

[طارق طروق]

امهات كتير اكتشفوا ان بناتهم بيحبوا بنات زيهم
حب رومانسى طبعا بعض الامهات كانت بتضحك
وتقول دى مرحله مراهقه وهتعدى وبعض الامهات
كانت تقول بكره تنساها لما تتجوز
وانا بقول للأمهات دى كلامكم صح برافو عليكم
وخصوصا لما يوصلوا مع بعض للسحاق
وده اكيد ولابد ان يحصل
خليكم نايمين فى العسل

[طارق طروق]

تخاريف شريره

لو فيه رحلات للقمر
كنت اشتركت فيها وطلعت القمر
وفرشت بساط على ارضيه القمر
ومعايا مخدتى ونمت عليها وافضل افكر افكر
تفكير شرير وجنونى ازاى اقدر اسد فتحه القمر
عشان يخلى الارض ظلام فى ظلام بالليل واشوف ايه اللى
ممكن يحصل على الارض وكلها ظلام
ممكن حد يقول يا ناصح فيه كهرباء على الارض
هقوله ما انا هكون خربت كل كابلات الكهرباء
قبل ما اطلع القمر