انا مجرد عابر سبيل فى الدنيا

[طارق طروق]

وخالتى ام اسماعين قالتها حكمه
عارفه يا خلود لو شتمتى خالتى ام اسماعين
المره دى بقى هتجيلك تجرك من شعرك جر
مع انها بتقولى خلود لابسه باروكه وده مش شعرها
نرجع لحكمه خالتى ام اسماعين لما قالت
فيه ناس تحبك وتصونك وناس تحبك وتخونك

[طارق طروق]

واحد بيتمشى على البحر لقى ازازه
فتحها طلع منها جن قاله شبيك لبيك تطلب ايه؟
قاله ابوس رجلك عايز شقه بقالى خمس سنين
مش عارف اتجوز
الجن ضربه بالأفا وقاله وانا لو كنت لاقى لنفسى شقه
كنت نمت فى الازازه يا بغل

[طارق طروق]

المنتدى كدا روووووووعه وهو هادى
على الاقل لو فكرت انام هنا فى المنتدى
هنام فى هدوء بلا وجع قلب

[طارق طروق]

ونرجع تانى لخالتى ام اسماعين
لما قالتلى
سيب كل واحد على راحته
بكره تجيبه مصلحته

[طارق طروق]

انا ولا عايز حد يحبنى ولا عايز حد يكرهنى
انا عايز كل واحد بس يركز فى حياته هو
ويسبنى فى حالى انا

[طارق طروق]

ودائما ابحث
ابحث عن ايه عن ايه
اه ابحث عن طفولتى المفقوده

[طارق طروق]

الله يرحمك يا مصر
كل يوم والتانى كوارث كوارث كوارث
ولا حد بيتشال ولا حد بيتحاسب
والله والله قريت مره ان حادثه قطار
حصلت فى اليابان وزير النقل قدم استقالته
فى الحال حزنا على ضحايا القطار
والكوارث بتزيد وهتزيد اكتر عشان محدش من الكبار بيتحاسب
لكن بيحاسبوا الصغيرين فقط لا غير
عليه العوض منه العوض

[طارق طروق]

وعلى فكره الزمن مش بيغير حد
الزمن بيكشف حقيقه الناس بجد
اللى فات ده من اقوال خالتى ام اسماعين

[طارق طروق]

وعامل الناس فى حدود
هتلاقى نفسك بتعيش مبسوط
واللى يبيعك اعتبره مش موجود

مش كل مره بقى هقول ده من اقوال خالتى ام اسماعين

[طارق طروق]

اعرف ناس كتير قلوبها زى الماس
وناس تانيه عندها الحقد فى قلوبها اساس
صح الكلام يا ام عباس؟