انا مجرد عابر سبيل فى الدنيا

[طارق طروق]

هحكى لكم على بعض الاصدقاء من الفنانين والفنانات
الصديقه اصاله والصديق صابر الرباعى قابلونى
بالصدفه وصابر الرباعى مكنش مصدق انه شافنى
اخدنى بالحضن وفينك يا طارق مش باين ليه
والصديقه اصاله رحبت بى طبعا بدون حضن عشان عيب
قولتلهم قصروا قصروا شكلكم عايزين تقولوا شىء مهم لى
ضحكوا الاثنين وقالوا عفارم عليك طارق برافو صح
عازمينك على حفله بنغنى فيها اغنيه اسمها عاللي جرى- متغربين احنا
ويلا بينا يا طارق بنترجاك ما ترفض روحت معهم الحفله وسجلت
الاغنيه عشان تشوفوها
لكن قبل ما تشوفوا الاغنيه بعترف ليكم بشىء
لا اعرف صابر الرباعى ولا اصاله
ولا هم اصدقائى وكل اللى حكيته فيلم هندى
اتفضلوا شوفوا الاغنيه يارب تبسطكم وتعجبكم

[youtube]https://

[طارق طروق]

بعتذر عن الكتابه اليوم
تعبان ومش فى الفورمه النهارده
تقريبا كدا بوادر برد
ربنا يستر بقى
بصراحه مش قادر اقعد
مع السلامه بقى

[طارق طروق]

ورجعتلكم تانى بعد غياب
اممممممممممممم
حوالى كام ساعه كدا
بس رجعتلكم وانا عندى برد
وبرد الصيف بيبقى اقوى واغلس من برد الشتاء
وخصوصا لما الواحد يتغطى فى الصيف تخيلو
انى بتغطى فى الصيف لما يكون عندى برد
على فكره اخت عزيزه علينا كاتبه فى مدونتها
انها هتعمل عمليه وهى الاخت هاجر
ادعولها معى انها ترجع بالسلامه ان شاء الله
وربنا يطمنا عليها
وبالمره انا كمان ادعولى اخف من البرد
بس ركزوا اكتر فى دعائكم لاختنا هاجر

[طارق طروق]

معلش بقى مضطر احرمكم من وجودى دلوقتى عشان تعبان
وكمان شويه ان شاء الله هحاول ادخل تانى
همدد جسمى كدا على السرير شويه
يمكن افوق مع انى طول اليوم ممدد جسمى على السرير
لما زهقت بصراحه من النوم هو مش نوم لا بكون نايم وانا صاحى
ومتغطى عشان بردان
يلا بقى هشيلكم الهم ليه بقى

[طارق طروق]

سعات تكون في عز ما انت مخنوق من علاقتك بحد


عايز تاخد نفسك وتبعدها عن كل اللى حواليك

[طارق طروق]

انا مين؟
انا انسان حساس بعشق الصدق
وبعشق الصمت والهدوء
بعشق البحر والقمر والنجوم
وبعشق السماء الزرقاء
وبعشق الوحده فى صمت الليل
وبعشق الشروق والغروب

[طارق طروق]

محدش يفتكر ان كل حياتى مرح وضحك وهزار وغيره
بالعكس دايما اللى بيضحك كتير ويهزر كتير
تلاقى وراه مشاكل ملهاش عدد
بس بيحاول ينساها بطريقته
والحمدلله على كل شىء

[طارق طروق]

فى نظرى انا الحياه دى عباره عن محطات
كلنا راكبين قطار والقطار ده بيفضل ماشى بينا طول العمر
لكن لكل منا محطه بينزل فيها ممكن تكون المحطه لسه بدرى عليها
وممكن تكون قريبه وممكن تكون بعيده
بمعنى لو القطار وقف ونزل اى احد منا فى محطته يعنى كدا خلاص وصل لنهايه عمره وتوفاه الله
وبصراحه انا حاسس انى راكب القطار والمحطه بتاعتى قربت انزل فيها لكن امتى الله اعلم

[طارق طروق]

ونخرج من جو الكأبه
مره لقيت نمله ماشيه قاعدت مراقبها لمده كبير وهى ماشيه
كنت عايز اشوف هى رايحه فين بالظبط قطعت نفسى وانا ماشى وراها
لحد ما قربت على الجحر بتاعها روحت شايلها ومرجعها تانى نفس
المكان اللى بدأت منه يعنى لسه هتقطع مسافه كبيره تانى عشان توصل لجحرها
تقريبا كدا النمله جالها شلل منى

[طارق طروق]

من الجمل المصريه التي حيرت العالم في تفسيرها
.
.
.
.
.تكون واقف مع واحد صاحبك ويقولك..
.
.
.
. .
.
.
.شايف الشخص اللي وراك ده .... بس اوعي تبص عليه !!!!