انا مجرد عابر سبيل فى الدنيا

[طارق طروق]

بيعجبنى اوى اخلاص البنت فى حبها لحبيبها
تعالوا نشوف
الحبيب فى الفون:الو اهلا يا حياتى وحشانى جدا
الحبيبه:اهلا حبيبى وانت وحشنى جدا جدا
الحبيب:ممكن حبيبتى نتقابل بعد ساعه فى المكان اياااااااه؟
الحبيبه: اوكى ياروح قلبى وعنيه هكون هناك قبل ساعه
منتظراك بلهفه وشوق انا مليش غيرك حبيب
الحبيب:واااااااااااو على الكلام الحلو الجميل
انا عارف يا حياتى انى كل دنيتك وبحبك وبحب اخلاصك
اسبقينى انتى وانا جايا على طول مش هتأخر
الحبيبه:انا هروح الميعاد من الان يا روح قلبى وهنتظرك بشوق

طبعا زى ما هتشوفوا فى الصوره هى سبقته على المكان
وجه من وراها وغمى عيونها بيده وقالها انا ميييييييييييييين؟
نشوف كان ردها ايه؟




اللى مزعلنى انها مقلتش طارق

[طارق طروق]

قبل ما اطلع عايز اسألكم سؤال
بس تجاوبوا وتختاروا
ولكم مطلق الحريه ومش هزعل من الرد بتاعكم مهما كان
عندكم من 1_7
هـــل بيعجبكم كل ما بكتبه فى مدونتى؟

اختاروا بكل حريه ومتخافوش
.
...................
1: نعــم
2 :اه
3:يـــس
4: اكيــد
5 :أيــوه
6 :طبعــا
7:وي

جــاوبوا بكــل حريــة رأيــكم بهمنــى

نحن في عصر حرية التعبير عن الرأي
ومع السلامه بقى
كفايه كدا النهارده

[طارق طروق]

بجد مش عارف اقول ايه
ولا اوصف الاحساس اللى حاسس بيه ناو
بالمناسبه ناو يعنى الان يلا اتعلموا الانجلش منى
المهم خلينا فى موضوعنا كنت هقول ايه؟
اه ايوه افتكرت افتكرت
كنت عايز اشكر الجميع فى جميع انحاء العالم
العالم العربى والعالم اللى مش عربى
وبخص بالذكر العالم المصرى طبعا
لأنى عشان مدخلتش امبارح بالليل هنا
ومكتبتش حاجه هنا لقيت العالم كله اتقلب
ايشى تليفونات وايشى رسايل وايشى فاكسات
وناس انتحرت وبنات عملوا مظاهرات
ال ايه كل ده عشان مدخلتش امبارح بالليل
ولا القنوات التلفزيونيه العالميه ومنها قناه
ط ط سى ان ان الاوربيه العالميه
المذيعه عماله تبكى بالانجلش
وهى وبتقول اين انت يا طارق قلقتنا عليك
العالم كله قلقان عليك
وانا من موقعى هذا بطمن الجميع
على مستوى العالم كله وبقولهم
اطمنوا انا بخير وخليكم زى ما انتم
فى لعبه الكباب والارهاب

[طارق طروق]

رساله الى اختى العزيزه هاجر
اولا حمدالله على السلامه
واتمنى انك تكونى بخير الان ودائما
وياريت متغبيش عن اصدقائك واخواتك هنا فى المنتدى
لأننا كلنا هنا اسرتك التانيه
وسيبك من اسرتك الاولانيه اللى انتى عايشه معاهم فى البيت
دول مش هينفعوكى فى شىء اسرتك التانيه هى اللى هتنفعك

طبعا يا هاجر اكيد عيونك دمعت فى اول كلامى
واول ما قولتلك سيبك من اسرتك الاولانيه ضحكتى صح؟

[طارق طروق]

اه صح افتكرت حاجه
وياريت المسؤلين عن المنتدى
يكون حد فيهم متابعنى
ياريت قسم صفحات مكشوفه
يكون مكشوف فقط لا غير
لاسره المنتدى زى باقى المنتديات
دى مجرد وجهه نظر مش اكتر

[طارق طروق]

نفسى كدا يكون عندى فيل ابيض
لا لا مش الفيل ده بقول ابيض
لأن فيه مثل قالهولى عمى شكسبير
قالى يا طارق يابنى
الفيل الابيض بينفع فى اليوم الاسود

[طارق طروق]

والبنت من دول تكون شغاله على عربيه كارو بحمار
وتدخل على الفيس تكتب
بابى اشترى لى عربيه رينج روڨر 2016
بمناسبه عيد ميلادى
وتلاقيها كل شهر تقول يا جماعه
قولولى كل سنه وانت طيبه عيد ميلادى النهارده
طبعا الكل فى الفساكونيا ولا فاكر شىء
الفول عملهم زهيمر يقولولها
ايه ده معقول؟ كل سنه وانتى طيبه
وعقبال 1000000000000000000000000 سنه
طب والله انا ما اعرف انطق العدد ده ولا اعرف كام ده

[طارق طروق]

خلاص بقى ضحكنا وهزرنا خلينا بقى فى الجد اوكى؟
بصراحه مش فاكر كنت هقول ايه جد

[طارق طروق]

ما تقوم يا اخويا تغسل وشك وتحلق دقنك
ولا عايز تضحك علينا الجماعه بتوع منتديات بنات مصر؟

[طارق طروق]

امبارح كان الجو نار بجد
انا قولت بدايه الصيف ده ولا ايه؟
يكونش ارتفاع الحراره مرتبط بأرتفاع الاسعار؟
دا احنا على كدا فى الشتاء
درجه البروده هتبقى عاليه جدا جدا
عشان الاسعار هترتفع اكتر واكتر
وبكدا الطقس هيكون مرتبط بالاسعار
وعشان كدا المفروض نجهز لبس الاسكيمو
عشان الشتاء على الابواب