انا مجرد عابر سبيل فى الدنيا

[طارق طروق]

يعنى ينفع كدا يا جماعه
اتأخر شويه بره البيت وادخل متأخر هنا
اجى الاقى الكل نايم؟
طيب المره دى سماح لكن اعملوا حسابكم
لو الموضوع ده اتكرر وجيت لقيتكم نايمين
هفتح باب المنتدى مش هخبط على الباب
وهجيب معايا ميه
اممممممممممممممم
مش عارف بقى ميه سخنه ولا ميه بارده
عشان الجو متقلب شويه
وهرشها على اى حد نايم
واحتمال بقول احتمال
اسرق الموبايلات بتاعتكم وانتم نايمين

[طارق طروق]

ايه ده الساعه 3 معقول؟
لا لا هقوم احاول انام عندى شغل الصبح
هو انا هسهر لوحدى هنا فى المنتدى
وكلهم نايمين بيحلموا؟
هحاول انام يمكن احلم زيهم
مع السلامه بقى

[طارق طروق]

ورجعتلكم تانى بعد غياب طويل مش عارف كام ساعه بصراحه
احسبوها انتم بقى كام ساعه

والبنت من دول تعمل خناقه مثلا مع واحده صاحبتها
يعنى الخناقه تستغرق كدا بتاع خمس دقايق
ولما تيجى تحكى على الخناقه تحكى فيها لمده تلات ساعات

[طارق طروق]

عمى شكسبير قالى
يا طارق يا ابنى عايز اقولك حاجه
ورا كل فرح مصرى
بنات رايحه تصطاد عرسان
قولتله عيب عليك يا عمى
هزعل منك بعدين
ميصحش تقول كدا
بس بصراحه يا عمى كلامك صح

[طارق طروق]

ال ايه البت من دول تطلع تنشر الغسيل مع جارتها
فوق السطوح وتروح تكتب على الفيس ال
بجد كان يوم جامد جدا مع اصحابى فى النادى

[طارق طروق]

واحد غبى اتقدم لبنت عشان يخطبها
قالتله انا اسفه مش هقدر ارتبط بيك
عشان جوايا شخص تانى
قالها بلاش فلسفه بقى وقولى انك حامل

[طارق طروق]

ال ايه البت من دول لما تزعل من حد
تقعد تتكلم حوالى ست ساعات
بسرعه الصاروخ وبعدين فى الاخر تحط رجل على رجل وتقول
خلينى ساكته احسن

[طارق طروق]

قاله تعرف فلانه؟
رد وقاله ايوه
سأله تانى شوفتها من غير مكياج؟
رد وقاله لا
قاله تبقى متعرفهاش

وبمناسبه المكياج بنت كاتبه على الفيس
نحن نضع المكياج لكى نخفى جمالنا الحقيقى
على ما سمعت بيقولك ابليس
مش عارفين يفوقوه من كتر الضحك اللى ضحكه

[طارق طروق]

تعالوا بقى نشوف البنات اول ما يشوفوا بعض
بعد مثلا يوم اجازه من المدرسه او الكليه او غيره
وحشتينى يا حيوانه
ازيك يا جزمه
بقى متسأليش يا كلبه؟

ولما يتخانقوا مع بعض بقى

شوفى بقى يا روحى
اسمعى بقى يا حبيبتى

بناااااااات منخوليه

[طارق طروق]

انا اعز اوى البنات القصيرين
بس محدش يزعل منى
احلى حاجه فى البنات القصيرين اننا ممكن ناخد مقاساتهم بسلك الشاحن
وبعدين الشتاء جاى اهو ممكن توفر فى الشتاء كتير
يعنى ممكن بدل ما تتغطى ببطانيه تتغطى بفوطه مثلا
وبعدين البنت القصيره اذا حد ضربها تلاقيها حساسه وتنزل دموع
لكن البنت الطويله لو حد ضربها تنزل بلح مهى نخله بقى