ارحمونا يرحمكم الله

[محمود الصاروخ]

السلام عليكم ورحمة الله وبركاته
--



زملكاوي ولكن عاشق لكل فنون كرة القدم وبتابع الكوره الجميله حتي وان كانت
أهلاويه أو زملكاويه أو غيرها من الكوره العربيه أو العالميه وبالفعل الاهلاويه
اللي بيتكلمو عن كوره حقيقيه بعيدا عن الاوهام أو الكلام الكتير لهم مني كل
الاحترام والتقدير ولا خلاف علي ذلك وبالتأكيد كل مشجع فينا شايف ناديه
هو الافضل وهو الاحلي وهو اللي بيقدم كوره نضيفه سواء في مصر
أو في افريقيا بشكل عام وده أمر طبيعي ولكن اللي مش طبيعي
إن الامور تتحول لضرب علي الهواء مباشرة زي ماحصل
مابين احمد شوبير واحمد الطيب من يومين في برنامج
العاشره مساءا مع وائل الابراشي مش كده ولا ايه ؟؟

بقينا للأسف بنقف لبعض علي الواحده وكل مانخرج من مشكله ندخل في مشكله
ونسينا الاهم وهو المهم إن منتخب مصر داخل علي مرحله مهمه وبالفعل احنا
علي موعد مع مباراه في غاية الاهميه أمام تنزانيا أول الشهر القادم ونسينا
الكلام ده كله ونسينا اننا داخلين علي مرحلة تصفيات ومحتاجين تركيز
من كل شيء داخل المنظومه لكي يتحقق حلم كل مصري والوصول
لامم افريقيا وكاس العالم القادم في روسيا مش كده ولا ايه ؟؟؟

أحمد الطيب في مباراة الزمالك وانبي الماضيه قال كلمتين انا شخصيا
شايف إن الكلمتين مفيش فيهم أي حاجه وكلام أحمد الطيب عموما في
المباريات اللي بيعلق عليها كلها بيكون كده سواء مع الاهلي أو مع الزمالك
ولكن مافعله احمد شوبير ماهو الا تصفية خلافات شخصيه علي حساب
إفتعال أزمه ومشكله كبيره وكبرت وبقت قضية في الشارع الرياضي

احمد شوبير قال إن احمد الطيب هو من يصنع التعصب بين الفريقين
ونسي نفسه لما قال علي الهواء الاهلي عمهم وحابس دمهم
ونسي نفسه لما قال علي الهواء الاهلي مكانه مش في مصر
ونسي نفسه لما قال علي الهواء احنا مابنحبش الزمالك ولا بنحب ماتشاته
طيب ده مش تعصب ولا ايه ياجماعه ؟؟؟
ولا بقينا بنصفي خلافات شخصيه علي الهواء وعلي حساب جماهيرنا ؟؟

وللأسف احنا لو راجعنا مع بعض حلقه شوبير مع الطيب في العاشره مساءا
هنلاقي إن كلام شوبير عموما من أول كلمه مستفز لأي حد منا ويبان انه كدب
ولكن انا مشجع زملكاوي بسيط وكلامي لا هيقدم ولا هيأخر وماهي الا وجهة
نظر في القضيه فقط لاغير وقد يتفق معي البعض وقد يختلف معي البعض
وهذا أمر طبيعي في كل شيء مش كده ولا ايه ؟؟؟

المهم
أحمد الطيب في مباراة الزمالك وانبي قال كلام طبيعي وحقيقي وعادي جدا
وشوبير بمجرد انه يتكلم علي نقطه زي دي هو ده التعصب اللي بيتعمل عموما
لان لو كل معلق أو كل اعلامي مسك لكل واحد علي كلمه البلد هتضيع وهندخل
في متاهات احنا كلنا في غنا عنها في الوقت الحالي وبالفعل لو ركزنا مع بعض
هنلاقي ان كتير من المعلقين الاهلاويه بيقولو كلمات زي اللي الطيب قالها ولكن
بتعدي من غير أي حاجه لان مفيش حد بيعلق عليها ولا بيتكلم زي ما عمل شوبير

الخلاصه
شوبير في الفتره الاخيره بيحاول يكسب ود جماهير الاهلي بعد اللي عمله معاهم
ولكن علي حساب افتعال مشكله ملهاش أي لزمه ونسي انه مثال للاعلامي السيء
اللي المفروض الاهلاوي قبل الزملكاوي يتخلي عنه نظرا لما يحدث منه في
الفترات الماضيه سواء من اعترافه بالتزوير أو مشاكل مع الاعلامين
أو الغرور في كلامه اللي شوفناه في الحلقه أو غيره

وفي النهايه اتمني محاكمة الاعلامي احمد شوبير
بتهمة التعدي علي المعلق المميز احمد الطيب علي الهواء

( اسئله للنقاش )

- رأيك في هذه القضيه بشكل عام ومن يجب محاسبته الطيب أم شوبير ؟؟



تحياتي لكم جميعا محمود الصاروخ

[واد حبيب]

هما الاتنين يتحسبو
علشان الطيب قاصد يهين جمهور الاهلي
وشوبير زودها معاه واللي حصل مع الابراشي دي فضيحه بكل المقاييس
المشكله دلوقتي مش في الرياضه بس
ده دخلت كمان في الفن بين الفنانين اللي الطيب ذكر اسمهم
لو الموضوع ده متلمش هتكون في مشكله جامده من كل الانحاء

[morshooo]

طيب اولا انا ضد ان معلق مايكنش محايد ودا موجود فى احمد الطيب
وضد انه يكون جبان وكل حوار يطلع يقولك انا بعشق السويس والاسماعيلى
وضد ان معلق رياضى ينزل على اليوتيوب ويقولك ان مش عارف اكسف ياحظ
والزمالك يبقا عمك والا مش فاكر قال ايه .
وضد انه كل يموين ينزل على الفيس بوست ويهاجم فيه مدافعى الاهلى
ال هم مدافعى منتخب مصر الى انتا بتقول لازم نقف مع المنتخب ودا حصل
قبل مباراة الكاميرون والناس كلها قلبت عليه حتى الزمالكاويه .
مش عيب انك تكون زملكاوى وتمدح فى الزمالك ولاعبيه وجماهيرة
لكن العيب انك تنكر زملكاويتك مش كدة والا ايه .

التصرف الى حصل من شوبير غلط لكن لو انا دخلت المنتدى وقولت
ياجماهع دا صاروخ والدته والا مراته ( ربنا يسمع منى وتلاقى الى تلمك اصاروخ ) ههههههههه
كلمتنى وقالتلى مثلا شوف شغلاته لصاروخ هيبقا رد فعلك ايه
اخلاف الى بين الطيب وشوبير ايه دخل
مراته وبنته فيه انا ضد الى حصل من شوبير لانه كان على الهوا لكن معاه
انه يكسر دماغه طالم جاب سيرة اهل بيته .

لكن الاتنين غلط اكيد

[محمود الصاروخ]

اقتباس هما الاتنين يتحسبو علشان الطيب قاصد يهين جمهور الاهلي وشوبير زودها معاه واللي حصل مع الابراشي دي فضيحه بكل المقاييس المشكله دلوقتي مش في الرياضه بس ده دخلت كمان في الفن بين الفنانين اللي الطيب ذكر اسمهم لو الموضوع ده متلمش هتكون في مشكله جامده من كل الانحاء

ومين قالك إن الطيب قاصد يهين جمهور الاهلي ؟؟
تحب أجيبلك تعليقات للطيب في مباريات للاهلي وتشوف عامله ازاى ؟؟
واشمعني الزملكاويه في المباريات دي ماخدوهاش كده ؟؟
سبحان الله يامحمد يعني عشان راجل قال حقايق
وفعلا شعبان والصغير وغيره اهلاويه يبقي مشكله جامده
أما راجل يضرب معلق علي الهواء ده عادي جدا
وتاني يوم نلاقيه علي الهوا ولا كأن حاجه حصلت
تصدق الطيب المفروض يتعاقب برضه ؟؟؟؟
طيب انت مشوفتش شوبير يوم ماتش الكاس كان عامل ازاى للاهلي ؟؟
بص للموضوع صح ياأبو اياد وهتلاقي شوبير اللي غلطان
وجهة نظرك تحترم أكيد
منورني ياكبير

[محمود الصاروخ]

اقتباس طيب اولا انا ضد ان معلق مايكنش محايد ودا موجود فى احمد الطيب وضد انه يكون جبان وكل حوار يطلع يقولك انا بعشق السويس والاسماعيلى وضد ان معلق رياضى ينزل على اليوتيوب ويقولك ان مش عارف اكسف ياحظ والزمالك يبقا عمك والا مش فاكر قال ايه . وضد انه كل يموين ينزل على الفيس بوست ويهاجم فيه مدافعى الاهلى ال هم مدافعى منتخب مصر الى انتا بتقول لازم نقف مع المنتخب ودا حصل قبل مباراة الكاميرون والناس كلها قلبت عليه حتى الزمالكاويه . مش عيب انك تكون زملكاوى وتمدح فى الزمالك ولاعبيه وجماهيرة لكن العيب انك تنكر زملكاويتك مش كدة والا ايه . التصرف الى حصل من شوبير غلط لكن لو انا دخلت المنتدى وقولت ياجماهع دا صاروخ والدته والا مراته ( ربنا يسمع منى وتلاقى الى تلمك اصاروخ ) ههههههههه كلمتنى وقالتلى مثلا شوف شغلاته لصاروخ هيبقا رد فعلك ايه اخلاف الى بين الطيب وشوبير ايه دخل مراته وبنته فيه انا ضد الى حصل من شوبير لانه كان على الهوا لكن معاه انه يكسر دماغه طالم جاب سيرة اهل بيته . لكن الاتنين غلط اكيد

نجم النجوم اللي منور من جديد
هاخد كلامك نقطه نقطه وأرد عليك وبالتأكيد وجهة نظرك تحترم ياكبير
انت بتقول ان الطيب مش محايد أو ده معني كلامك تمام كده ؟؟
وكمان بتقول ان الطيب في مباريات للزمالك بيقول فوق ياحظ ومش عارف ايه
طيب تحب أجيبلك مباريات للاهلي والطيب هو المعلق وكان بيقول نفس
الكلام للاهلي وتوت توت والكلام المعتاد بتاعه ؟؟
القضيه مش هنا برضه لان كل معلق وله ستايل خاص
ولو علي كلامك ف بالتأكيد معلقين كتير شوف بيقولو ايه للاهلي
يعني مثلا شوبير يوم ماتش الكاس والزمالك متقدم بهدفين
وبنلعب في الوقت الضايع - شوفت تعليقه كان عامل ازاى ؟؟؟
ليه احنا ماخدناش الأمور بالشكل ده ياغالي ؟؟

بخصوص الفيس يامعلم ف انا شايف ان دي ما دام علي الفيس الخاص
هو حر ويكتب اللي هو عايزه وبخصوص مدافعي الاهلي انا فاكر كويس
بوست احمد الطيب في الفتره دي وبالفعل كان حجازي في الفتره دي مستواه
في النازل لو تفتكر في بدايات الدوري لما كان بيكون سبب في كل هدف يدخل
في مرمي الاهلي وطبيعي ان معلق يقول رايه في اداء لاعب أو ينتقد لاعب
ولو بصيت هتلاقي ان هو هو نفس المعلق رجع وأشاد بحجازي
بعد ما استعاد مستواه من جديد

بخصوص انه بينكر
انا هنا أقول بينكر في حاله واحده اذا كان له تصريح حتي لو قديم انه زملكاوي
ولكن الراجل عمره ما صرح وقال انا زملكاوي ولو فيه تصريح له كده تمام
هاته وبكده النقطه دي تدين احمد الطيب - اصلك هنا بتحكم ان الطيب
زملكاوي بناءا علي مدحه للاعبي الزمالك وجماهيره ولو بصينا
لمباريات كتير للاهلي هنلاقي نفس كلامه هنا هو هنا
وبيمدح في لاعبي الاهلي كتير وفي أكتر من مباراه
ف الحكم هنا ميكونش بالشكل ده
الراجل قال انا سويسي

بخصوص التصرف اللي حصل من شوبير ياكبير
هنا بقي القانون بيقول شوبير يكون فين ؟؟ طيب هو مرتضي ممنوع من الظهور
في الاعلام ليه ؟؟ مش عشان لسانه ؟؟ طيب ما بالك بقي ب بني أدم يضرب
معلق علي الهواء ؟؟ علي ما اظن ان الاعتداء علي الهواء عقوبته الحبس
أولا وقرار من غرفة صناعة الاعلام بمنعه من الظهور تمام كده ؟؟
والغريبه ان تاني يوم لقينا شوبير علي صدي البلد عادي جدا
يبقي هنا الامور واضحه للكل ان احنا بنلاعب دوله

بخصوص كلامك ان الطيب جاب سيرة مرات شوبير ف ده أكدلي انك
فاهم الموضوع غلط أو قرأته من مكان أو شوفته بس فهمت غلط وهنا هوضحلك
دلوقتي ياغالي شوبير قال علي الطيب انه اخوان وانه بينفذ حاجات لقطر هنا
ف الطيب رد بكل احترام ومن غير اساءه لـ زوجة احمد شوبير وقال ايه ؟
قال ان شوبير تقريبا طلب منه حاجه لبنته في قطر أو مراته اللي طلبت
ف ده رد علي كلام شوبير مش أكتر انما بقي انك يدخل عليك ان شوبير
ضربه عشان جاب سيرة مراته والكلام ده ف معلش اسمحلي اقولك
ان مرتضي قبل كده مسح بكرامة اهل شوبير الارض وبما فيهم
مراته وشوبير ماتكلمش ولا عمل حاجه يبقي ماتجيش تقولي
رد فعل بقي لان الرجوله بتكون ثابته مش علي فترات
مش كده ولا ايه ياغالي ؟؟؟

وأخيرا
أحب أفكرك بكلام شوبير قبل كده علي الهواء
الاهلي عمهم وحابس دمهم
مابنحبش الزمالك ولا بنحب ماتشاته
الاهلي مكانه مش في مصر والمفروض يلعب في دوري لوحده
ده بقي مكنش تعصب ؟؟

منورني ياكبير

[morshooo]

تمام انا هكلمك على مجمل كلامك

فى فرق يا صاروخ بين معلق معروف ميوله
ومعلق بيتظاهر ان مالوش ميول بمعنى
شوبيى اهلاوى معروف لما يجى مجد فى الاهلى ولاعبيه فى مباراة
طبيعى ودى حاجا غصب عنه عندك خالد لطيف كان بيعلق فى فترة
من الفترات وكان بيكون ليه تعليقات للاعبى الزمالك وعادى لانه زملكاوى
ودا غصب عنه .
فى ناس اخدت دور المحايده زى مدحت شلبى
لما بيعلق مابتعرفش هو اهلاوى والا زملكاوى مع انى متاكد انه اهلاوى .
مفيش حد ينكر ان الطيب غلطان سواء فى تصريحاته او تعليقاته
زى مثلا لما كان مع ابراهيم فايق كل كلامه يهاجم الاهلى ولما يكون فى حاجا
ضعيفه فى الزمالك بيتهرب منها ^_^ وبرضو يومها جابلك هدف روما فى الاهلى
واكلم على ربيعه اذاى يستلم بين مدافعين ..... الخ
مع انه ماتش ودى .

بخصوص انه جاب سيره زوجته وبنته
قبل شوبير ما يدخل الاستديو الطيب قال
ان مراته وبنته كلموه عشان يشغل بنته فى الامارات
ممكن تكون مخدش بالك منها ودا السبب ان شوبير يروح الاستديو

[محمود الصاروخ]

اقتباس تمام انا هكلمك على مجمل كلامك فى فرق يا صاروخ بين معلق معروف ميوله ومعلق بيتظاهر ان مالوش ميول بمعنى شوبيى اهلاوى معروف لما يجى مجد فى الاهلى ولاعبيه فى مباراة طبيعى ودى حاجا غصب عنه عندك خالد لطيف كان بيعلق فى فترة من الفترات وكان بيكون ليه تعليقات للاعبى الزمالك وعادى لانه زملكاوى ودا غصب عنه . فى ناس اخدت دور المحايده زى مدحت شلبى لما بيعلق مابتعرفش هو اهلاوى والا زملكاوى مع انى متاكد انه اهلاوى . مفيش حد ينكر ان الطيب غلطان سواء فى تصريحاته او تعليقاته زى مثلا لما كان مع ابراهيم فايق كل كلامه يهاجم الاهلى ولما يكون فى حاجا ضعيفه فى الزمالك بيتهرب منها ^_^ وبرضو يومها جابلك هدف روما فى الاهلى واكلم على ربيعه اذاى يستلم بين مدافعين ..... الخ مع انه ماتش ودى . بخصوص انه جاب سيره زوجته وبنته قبل شوبير ما يدخل الاستديو الطيب قال ان مراته وبنته كلموه عشان يشغل بنته فى الامارات ممكن تكون مخدش بالك منها ودا السبب ان شوبير يروح الاستديو

من غير ماندخل في جدال في النقطه دي تحديدا لان ربنا اللي عالم بالنوايا
بس زي ماقولتلك يامعلم ان احمد الطيب زي ما مدح في لاعيبة الزمالك
مدح في لاعيبة الاهلي كتير جدا وجدا كمان والسؤال هنا
ليه الزملكاويه ماخدوش الموضوع كده ياغالي ؟؟
فاهمني انت اكيد - واكيد كمان عارف ان لو مكنش شوبير اتكلم
كان الموضوع هيعدي زيه زي أي ماتش عموما ولو هنتكلم كلام صح بقي
شوبير مكنش له انه يهاجم الطيب علي الهوا من البدايه ولو كان فيه حاجه
هو معترض عليها كان يكلم مسئولي القناه مش كده ولا ايه ؟؟
انت المفروض تكون فاهم اللعبه ماشيه ازاى من شوبير
وتكون فاهم انه عاوز يكسب ود جماهير الاهلي من جديد
بس المشكله ان الكل عارف حقيقته

بخصوص النقطه الاخيره
انا فاهم انت بتقول ايه ومتابع الموضوع من البدايه وعارف ان كلام
احمد الطيب قبل ما شوبير يجي وانت لو تابعت من البدايه هتعرف ان احمد
الطيب قال كلامه ده بناءا علي ان شوبير قال موضوع الاخوان وقطر قبل الحلقه
يعني قالها في صدي البلد في البرنامج بتاعه والطيب رد عليها
فهمت بقي القصه ؟؟

[سَـلمَى]

عل أي أساس بتدافع عن أحمد الطيب ؟!
وعل أي أساس في ناس بتدافع عن أحمد شوبير ؟

الإثنين نزلو من عين كل مشجعي الكورة
وال حــَصل ده عبارة عن قلة إحترام وإنعدام للروح الرياضة ..

بداية من أحمد الطيب ال وإن كان ال قاله صحيح
لكن كونك معلق ( حيادي ) وأنا بشك في كدا
مينفعش أصلا تدخل مواضيع زيي كدا في التعليق
المعلق مهمته يعلق عل مجريات المبارة إيه دخل ده بيشجع إيه وده بيشجع إيه
ده غير الكلام ال كان بيقوله قبل كدا ..
إحترم الكورة ومهنتك وإبعد عن أي حاجة ممكن تولد فتنة بين المشجعين ..

وبعدين يجي أحمد شوبير .. أوك زعلت من ال قاله ومفروض ميقولهوش
وقدمت شكوتك وأعلنت إنك مش هتعلق في القناة تاني وهو موجود تمام
ليه بقى تضرب الرجال وتنزل من قمتك !!

بجد وأسفاه عليهم ..

عل العموم الإثنين أخذو عقابهم وتم منعهم من التعليق ..
وأتمنى يكونو عظة وعبرة بقى عشان إحنا زهقنا ..

[محمود الصاروخ]

اقتباس عل أي أساس بتدافع عن أحمد الطيب ؟! وعل أي أساس في ناس بتدافع عن أحمد شوبير ؟ الإثنين نزلو من عين كل مشجعي الكورة وال حــَصل ده عبارة عن قلة إحترام وإنعدام للروح الرياضة .. بداية من أحمد الطيب ال وإن كان ال قاله صحيح لكن كونك معلق ( حيادي ) وأنا بشك في كدا مينفعش أصلا تدخل مواضيع زيي كدا في التعليق المعلق مهمته يعلق عل مجريات المبارة إيه دخل ده بيشجع إيه وده بيشجع إيه ده غير الكلام ال كان بيقوله قبل كدا .. إحترم الكورة ومهنتك وإبعد عن أي حاجة ممكن تولد فتنة بين المشجعين .. وبعدين يجي أحمد شوبير .. أوك زعلت من ال قاله ومفروض ميقولهوش وقدمت شكوتك وأعلنت إنك مش هتعلق في القناة تاني وهو موجود تمام ليه بقى تضرب الرجال وتنزل من قمتك !! بجد وأسفاه عليهم .. عل العموم الإثنين أخذو عقابهم وتم منعهم من التعليق .. وأتمنى يكونو عظة وعبرة بقى عشان إحنا زهقنا ..

بدافع عن الطيب بعيدا عن الانتماء بشكل عام نظرا لمتابعتي للموقف من أول
ثانيه لأخر ثانيه ومن هنا بحكم بناءا علي ما شوفته بعيني وكل انسان منا
له حريه انه يقول رأيه في قضيه أو مشكله في الوسط الرياضي بشكل عام
ولو سلمي درست الموضوع بشكل سليم من البدايه هتوافقني في كلامي
ولكن ده مش موضوعنا خلينا نتكلم في صلب الموضوع

من سنين طول عمرنا بنشوف نجوم الفن في المدرجات سواء مدرجات
الاهلي أو الزمالك ومن هنا تبدأ قصة الكلام عن نجوم الفن وارتباطهم بالانديه
وبدايه كلام المعلق المميز احمد الطيب في هذه النقطه كانت علي الحارس
محمد عبدالمنصف وقال بانه زوج الفنانه لقاء الخميسي وهذه معلومه
وطول عمرنا بنتكلم علي نجوم الفن وارتباطهم بالانديه وكتير
من المعلقين الاهلاويه اتكلموا عن الموضوع ده

وبخصوص موضوع الحياد اللي ذكرتيه سلمي حابب تكلميني عن
جميع الاستديوهات التحليليه المنحازه انحياز تام للاهلي والأدله كثيره وموجوده
أو المعلقين بيكونو عاملين ازاى في مباريات الاهلي ومباريات الزمالك
وأبسطهم الكابتن احمد شوبير في مباراة الكاس والزمالك متقدم بهدفين
وبنلعب في الوقت الضائع ولسه بيعشم نفسه علي الهواء ان الاهلي راجع
أين الحياد هنا سلمي ؟؟ وهو هو نفس الشخص قال علي الهواء من قبل
الاهلي عمهم وحابس دمهم وهو ايضا من قال بان الاهلي مكانه ليس بمصر
وهو ايضا من قال بانه لا يحب مباريات الزمالك وكل هذا علي الهواء
ليه الزملكاويه مأخدوش الموضوع زي كده عموما ؟؟

ومعلومه بسيطه بخصوص كلام احمد الطيب اللي اتكلمتي عنه
علي اتم الاستعداد أجيبلك مباريات للاهلي والطيب هو المعلق وبيقول
نفس الكلام وبيمدح في لاعيبة الاهلي - اشمعني دلوقتي ؟؟؟؟

نيجي بقي لنقطة الضرب
حابب أفكرك إن رئيس الزمالك ممنوع من الظهور في الاعلام بقرار من غرفة
صناعة الاعلام من حوالي 7 شهور بسبب الفاظه علي الهواء وهنا الكابتن شوبير
يضرب معلق علي الهواء وتكون النتيجه هي ظهور الكابتن شوبير تاني يوم
في برنامجه علي صدي البلد - اين الحياد هنا من غرفة صناعة الاعلام ؟؟
عرفتي بقي ان الرياضه مش فرحه بهدف وخلاص ؟؟
وعرفتي هنا المسانده بتروح لفين ؟؟
يا استاذه سلمي خالد الغندور تم منعه من الظهور في اون تي في
لكونه زملكاوي فقط لاغير وهناك من يمدح في الاهلي ليل ونهار وموجود

وأخيرا
انا كان ممكن ادافع عن احمد شوبير لو كنت شايفه علي حق ولكن
كونه يبدأ كلامه علي الهواء بانه الاعلامي الوحيد الذي لا يكذب ف هنا لابد
ان تكون وقفه ومن الاخر مش هدافع عن واحد مزور وهو اللي اعترف بكده
طيب بذمتك واحد معترف انه مزور - هيحب أهلي او زمالك ؟؟
يا سلمي شوبير بنفسه والاهلي بيعاني بأزمه هو اول من ضرب في الاهلي

عشان مطولش عليكي سلمي
احنا هنا اتنين في قسم اهو وشايف مثلا مواضيعك منحازه للاهلي
هل ان هعمل موضوع واهاجمك فيه قدام الاعضاء ولا هروح قسم الشكاوي
أشتكي للادره وهما يقومو باللازم ؟؟
طيب لو عديت كلامك ومتكلمتش فيه قدام الناس هتعدي صح ؟؟
كون ان اتكلم أو اعلق أو الفت الناس لأمر زي ده هو ده التعصب بعينه
ماطول عمر الطيب كلامه كده في التعليق وبتعدي وانتي نفسك قولتي كده
إشمعني بقي التعليق ظهر هنا في وقت مافيه خلافات شخصيه
بين شوبير والطيب ؟؟

أسف علي الاطاله سلمي
بس بكلمك لان شايف الموضوع من اول ثانيه لأخر ثانيه
ويشهد ربي إني بتكلم بعيدا عن الانتماء
وبقول بناءا علي اللي شوفته

منوراني سلمي

[سَـلمَى]

اقتباس المشاركة الأصلية كتبت بواسطة محمود الصاروخ بدافع عن الطيب بعيدا عن الانتماء بشكل عام نظرا لمتابعتي للموقف من أول ثانيه لأخر ثانيه ومن هنا بحكم بناءا علي ما شوفته بعيني وكل انسان منا له حريه انه يقول رأيه في قضيه أو مشكله في الوسط الرياضي بشكل عام ولو سلمي درست الموضوع بشكل سليم من البدايه هتوافقني في كلامي ولكن ده مش موضوعنا خلينا نتكلم في صلب الموضوع من سنين طول عمرنا بنشوف نجوم الفن في المدرجات سواء مدرجات الاهلي أو الزمالك ومن هنا تبدأ قصة الكلام عن نجوم الفن وارتباطهم بالانديه وبدايه كلام المعلق المميز احمد الطيب في هذه النقطه كانت علي الحارس محمد عبدالمنصف وقال بانه زوج الفنانه لقاء الخميسي وهذه معلومه وطول عمرنا بنتكلم علي نجوم الفن وارتباطهم بالانديه وكتير من المعلقين الاهلاويه اتكلموا عن الموضوع ده وبخصوص موضوع الحياد اللي ذكرتيه سلمي حابب تكلميني عن جميع الاستديوهات التحليليه المنحازه انحياز تام للاهلي والأدله كثيره وموجوده أو المعلقين بيكونو عاملين ازاى في مباريات الاهلي ومباريات الزمالك وأبسطهم الكابتن احمد شوبير في مباراة الكاس والزمالك متقدم بهدفين وبنلعب في الوقت الضائع ولسه بيعشم نفسه علي الهواء ان الاهلي راجع أين الحياد هنا سلمي ؟؟ وهو هو نفس الشخص قال علي الهواء من قبل الاهلي عمهم وحابس دمهم وهو ايضا من قال بان الاهلي مكانه ليس بمصر وهو ايضا من قال بانه لا يحب مباريات الزمالك وكل هذا علي الهواء ليه الزملكاويه مأخدوش الموضوع زي كده عموما ؟؟ ومعلومه بسيطه بخصوص كلام احمد الطيب اللي اتكلمتي عنه علي اتم الاستعداد أجيبلك مباريات للاهلي والطيب هو المعلق وبيقول نفس الكلام وبيمدح في لاعيبة الاهلي - اشمعني دلوقتي ؟؟؟؟ نيجي بقي لنقطة الضرب حابب أفكرك إن رئيس الزمالك ممنوع من الظهور في الاعلام بقرار من غرفة صناعة الاعلام من حوالي 7 شهور بسبب الفاظه علي الهواء وهنا الكابتن شوبير يضرب معلق علي الهواء وتكون النتيجه هي ظهور الكابتن شوبير تاني يوم في برنامجه علي صدي البلد - اين الحياد هنا من غرفة صناعة الاعلام ؟؟ عرفتي بقي ان الرياضه مش فرحه بهدف وخلاص ؟؟ وعرفتي هنا المسانده بتروح لفين ؟؟ يا استاذه سلمي خالد الغندور تم منعه من الظهور في اون تي في لكونه زملكاوي فقط لاغير وهناك من يمدح في الاهلي ليل ونهار وموجود وأخيرا انا كان ممكن ادافع عن احمد شوبير لو كنت شايفه علي حق ولكن كونه يبدأ كلامه علي الهواء بانه الاعلامي الوحيد الذي لا يكذب ف هنا لابد ان تكون وقفه ومن الاخر مش هدافع عن واحد مزور وهو اللي اعترف بكده طيب بذمتك واحد معترف انه مزور - هيحب أهلي او زمالك ؟؟ يا سلمي شوبير بنفسه والاهلي بيعاني بأزمه هو اول من ضرب في الاهلي عشان مطولش عليكي سلمي احنا هنا اتنين في قسم اهو وشايف مثلا مواضيعك منحازه للاهلي هل ان هعمل موضوع واهاجمك فيه قدام الاعضاء ولا هروح قسم الشكاوي أشتكي للادره وهما يقومو باللازم ؟؟ طيب لو عديت كلامك ومتكلمتش فيه قدام الناس هتعدي صح ؟؟ كون ان اتكلم أو اعلق أو الفت الناس لأمر زي ده هو ده التعصب بعينه ماطول عمر الطيب كلامه كده في التعليق وبتعدي وانتي نفسك قولتي كده إشمعني بقي التعليق ظهر هنا في وقت مافيه خلافات شخصيه بين شوبير والطيب ؟؟ أسف علي الاطاله سلمي بس بكلمك لان شايف الموضوع من اول ثانيه لأخر ثانيه ويشهد ربي إني بتكلم بعيدا عن الانتماء وبقول بناءا علي اللي شوفته منوراني سلمي

يعني إنت بعيد عن الإنتماء وكمان متابع الموضوع من أول ثانية
ومع ذلك بتدافع عن أحمد الطيب ؟!!!!

يا محمود قبل ما يتكلم أحمد شوبير من أساسه ويطلع يتنقد ال قاله الطيب
كانت جماهير الأهلي ومشجعين الكورة طالعين بهشتاجات في تويتر
وبوستات عل الفيس بتنقد أحمد الطيب وأسلوبه وبعض كلامه ال فيه بعض من العنصرية

وأنا في كل مبارة يعلق فيها الطيب كنت بشوف جماهير الأهلي تطلع وتتكلم عن ال بيقوله غريب
وتعدي .. لكن مش كل مرة جمهور الأهلي هيسمع ويعدي ؟! هيجي مرة جماهير الكورة بصفة عامة
تنزعج من ال بيقوله وتبدأ تتكلم ولما أكتر من الكتير يتكملو يبقى إعرف إنه الموضوع إتعدي الحدود
وده ال حصل بالضبط مع الطيب ..

ولولا كدا مكنش طلع شوبير من أاساسه وكان الموضوع عدى ..

ألوووو أنا هنا بتكلم عن معلق ساب التعليق وراح قال كلام بعيد عن المبارة
استديوهات التحليل مين ال بنتفرج عليها في مصر أصلا -_-

عل فكرة الأهلوية عارفين كويس شوبير وال قاله وال عمله وفي منهم ال ضده
لكن لما إثنين يغلطو هنا مفهاش أهلاوي ولا زملكاوي
في عقل وإحترام للمشجع والروح رياضية ..

واحد قال كلام مكنش لازم يقوله وإن كان صحيح ..
وواحد إتحمق أوي وقام ضرب -_-

تيجي وتدافع عن أي واحد منهم عل أساس إيه بقى ؟!

الإثنين غلطانين والإثنين يستحقو العقاب ..

بغض النظر عن مواقف وأقوال بعيد عن المشكلة ال حصلت ..

تحياتي ..