كارفور ليه كدا

[حازم34]

السلام عليكم ورحمه الله وبركاته


تحيه طيبه من القلب لكم جميعا دمتم بخير

وانتم مقبلون علي شهر الخير

كل عام وانتم بالف خير رمضان مبارك


طبعا شئ مؤلم حقا ما حدث بكارفور بمصر

وكارفور شركه فرنسيه لها مولات في اغلب انحاء العالم

وذهبت اليها بفرنسا

وهي للبيع بالتجزئه في المواد الغذائيه

والمولات والهايبر ماركت

وفي فرنسا تجد فعلا شكل رائع جدا جدا ففيها كل شئ

منظم ومرتب

وعدد موظفيها الي عام 2008 490الف موظف

وفي مصر كان لها افرع

وفرع القاهره وما خدث فيه شئ مؤلم حقا

وسؤالي هل الخطا من كارفور وادارته بمصر

ام هو ثقافه شعب

وان كان رواد كارفور اكيد من يملكون المال

وعلي الرز ال كنا بنضرب بيه المثل يتقاتلون

كانوا بيقولوا زمان مرطرط زي الرز

في بلد الرز يحدث هذا اين انتي يا وزاره الزراعه

يا حزناه علي ما رايت

في الارجنتين دخل احد الناس ليشتري البيض فوجد السعر قد ارتفع

فتركه مكانه وكل قد فعل هذا واضيرت شركات الانتاج جدا

ولم يشتري الناس حتي اعتذرت الشركه

وجعلت السعر للنصف

ياتري من المستفيد من تعطيل سلعه رئيسيه بمصر

[العاشق الذى لم يتب]

اه البرازيل
علشان بيقدروا الناس وعندهم ضمير
وشعب متحضر
مصر
قول ياباسط تلاقيهاهاصت
شكرا حازم
كل سنة وانت طيب

[دمعه حائره]

ثقافه شعب وجشع بيطمعوا فى اكتر من حقهم
واغلب اللى بيعمل المشاكل دى كل سنه
تجار مش مواطنين للاسف
تسلم دكتور

[Aya 7ekaya]

احنا شعب سلبى جدا
مفيش ثقافه ولا تحضر
ليه بقا ؟

حكوماتنا على مدار السنين اللى فاتت
نجحت انها تلهى المواطن الغلبان ف مافيش حاجة بقا يفكر فيها غير الاكل ، هيجيب الاكل لاولاده منين والمرتب هيكفى ولا لا
قدروا انهم يطحنونا

ماتستغربش من اللى حصل لاننا شعب معدوم مع ان الناس اللى بتروح كارفور والهايبر ماركت الكبيرة مفروض مقتدرة مادياً الناس دى بتروح معاها اقل حاجة 2000 جنيه مشتريات
لكن هو طبع ، اتربينا ع كده من زمان ومفيش ثقافه جديده للاسف

[حازم34]

اهلين اهلين اهلين وهلا وغلا ومرحبا القلم الجميل والعاشق الجميل


رفعت اولا وحشتنا والله

وكل عام وانت بالف خير يارب انت ومن تحب يارب

اسعدمي مروردك وردك القيم فعلا هيا كدا

يمشون بلا ثقافه قول يا باسط


لك مني خالص التحيه والتقدير اخي الحبيب

نورت وانرت والله مرور جميل احبه

اسعدك الرحمن اخي

[حازم34]

اهلين اهلين اهلين وهلا وغلا ومرحبا

الكاتبه والشاعره والاديبه القديره

منه حسن

نورتي والله وانرتي

ورمضان مبارك يارب عليكي ومن تحبين

اسعدني مرورك وردك القيم الهادف

لكي مني خالص التحيه والتقدير

مرور جميل اعتز به وافخر

[همس الحنين]

احنا شعب غريب والله

يتجمع على ماتش كوره ومش مهم لقمة العيش

يعنى لو تم مقاطعة السلع اللى ارتفه سعرها للضعف

سهرها هينزل لان زياده الاسعار نابعه من التاجر مالوش علاقه هنا بارتفاع سعر الدولار

انما تقول ايه لشعب بيجى وقت رمضان

ونفسه يخزن السوق كله وكأن الدنيا فى رمضان مختلفه عن غيره

ثقافه شعب للاسف مش عاوز يتغير

تسلم لنقاشك

وكل عام وانت بخير

[توحد ارواح]

الناس برده غلابه ما صدقوا وجدوا الارز بسعر قليل شويه تكالبوا عليه وتزاحموا
الناس مش عاد عندها تفكير او خايفين مش عارفين
اصبح هناك سلبيه ولا مبالاه والمهم انهم ياكلوا العيال وخلاص
وللاسف اصبح الاغلبيه كدا لان الارز سلعه اساسية ورئيسيه للشعب المصرى
الله المستعان وتتصلح الاحوال
شكرا ع الطرح القيم

[ايمان طلعت]

قضيه هامه للطرح
مشكور للمجهود
تحياتي