مع أو ضد رحيل شيكا من القلعه البيضاء ؟؟؟

[محمود الصاروخ]

السلام عليكم ورحمة الله وبركاته
--



شيكابالا
الاسم الذي لا يختلف عليه إثنان مهما طال الزمان
الاسم الذي يمتلك مهارات كرويه لا يمتكلها غيره في الكره المصريه
الاسم الذي صال وجال مع الزمالك وكان مصدر سعاده بالنسبه
لجماهير الابيض في السنين الماضيه وسيظل مصدر متعه
داخل القلعه البيضاء مهما حدث ،

شيكابالا
بعد تجربة احتراف غير موفقه وعاد بعدها لصفوف الدراويش
وصال وجال معهم وفي كل مباراه لعبها مع الاسماعيلي أمتعنا جميعا
بجانب أنه كان يقوم بالواجبات الدفاعيه علي أكمل وجه وفي الفتره الاخيره
عاد اللي بيته من جديد وإنضم لصفوف الزمالك وكانت بدايه مبشره ولكن
في الفتره الاخيره يحتاج شيكا اللي وقت كبير لكي يعود شيكا الذي نعرفه

خبر
مجلس ادارة الزمالك في الفتره الحاليه يدرس العرض الذي جاء لشيكا
للبيع خلال الفتره القادمه من الانتقالات الصيفيه

- اسئله للنقاش -
- لو كان الخبر صحيح هل توافق مجلس ادارة الزمالك عليه ؟؟
- ما رأيك في اداء أو مستوي شيكابالا بعد العوده من رحلة الاحتراف الغير موفقه ؟؟؟



تحياتي لكم محمود الصاروخ

[العاشق الذى لم يتب]

جميل الكلام
محمود
تسلم

[كريم عاصم]

أكبر غلطة عملها شيكابالا انه مكملش مدة اعارته من الاسماعيلى كان خد الثقه كاملة اما الان تقل ولياقته ضعيفة ومحتاج يخس اكتر من 10 ك من وجه نظرى انه يفكر فى الاعتزال لانه مش هيضيف اى حاجة لنادى الزمالك أو اى نادى هيروحة مع العلم عشقى لشيكا ليس له حدود تسلم حودة على الموضوع

[محمود الصاروخ]

اقتباس جميل الكلام محمود تسلم

الاجمل هو مرورك رفعت
نورت ياغالي

[محمود الصاروخ]

اقتباس أكبر غلطة عملها شيكابالا انه مكملش مدة اعارته من الاسماعيلى كان خد الثقه كاملة اما الان تقل ولياقته ضعيفة ومحتاج يخس اكتر من 10 ك من وجه نظرى انه يفكر فى الاعتزال لانه مش هيضيف اى حاجة لنادى الزمالك أو اى نادى هيروحة مع العلم عشقى لشيكا ليس له حدود تسلم حودة على الموضوع

متفق معاك تماما كريم
كان المفروض شيكا يكمل مع الاسماعيلي لنهاية الموسم
ويفكر بعدها انه يرجع للزمالك وبالفعل رجوعه للزمالك فرحنا
ولكن النهايه ايه ؟؟ أحيانا الفرح بينسينا حاجات ممكن تحصل بعد كده
شيكا المفروض يختم مسيرته في الزمالك بأي حال
لان الراجل ده ياما شال النادي في اسوء السنين
ولذلك اتمني ان يعتزل في الزمالك إن كان الخبر صحيح
ومين فينا مايحبش شيكا ؟؟

منورني دايما ياكبير

[morshooo]

رجوع شيكا كان اكبر غلطه
ووقتها لو تفتكر قولت شيكا مش هيضيف
شيكا مجلس الزمالك غلط من وقت ماوقف معاه
بعد هروبه من البرتغال .
عموما اعتقد شيكا مناسب ليه سموحه
لانه فريق متكامل ومن الفرق الي اعتقد
هيكون بعد الاهلي و الزمالك الفتره الجايه
واكيد مع ان شيكا يمشي لسبب بسيط
حرام نتحرم من لمسات نجم زي شيكا

[حكاية حب]

رغم اني اهلاوي صميم

الا ان مفيش اتنين يختلفو علي مهارة شيكابلا وانه نجم لا يعوض

من الطبيعي هبوط مستوي اللاعب وده ناتج لعوامل ضغط كونه نجم وليس لاعب مغمور

رحيل شيكا يعتبر خساره كبيره للزمالك

المفروض الزمالك يحتويه ويساعده لرجوعه لمستواه واعطاءه الثقه

وهبوط مستوي اللاعب ليست النهايه واذكركم بلاعبين هبطت مستوياتهم وتخلت عنهم انديتهم وعادو نجوم مع انديتهم الجديده

اضرب مثال لبعض الاعبين الذين هبطت مستوياتهم وتخلت عنهم انديتهم وتفوقو مع انديتهم الجديده

اكبر مثال هو محمد بركات ورجع نجم النجوم مع الاهلي

حسين ياسر المحمدي تخلي عنه الاهلي وتفوق مع الزمالك وكان نجم فوق العاده

الامثله كثير ولكن الذاكره لا تسعفني

من الاخر شيكابالا هيكون خساره كبيره ولو تخلي عنه الزمالك تمسكو به وساعدوه علي استعادة مستواه

تحياتي ليك يا صاروخ

[محمود الصاروخ]

اقتباس رجوع شيكا كان اكبر غلطه ووقتها لو تفتكر قولت شيكا مش هيضيف شيكا مجلس الزمالك غلط من وقت ماوقف معاه بعد هروبه من البرتغال . عموما اعتقد شيكا مناسب ليه سموحه لانه فريق متكامل ومن الفرق الي اعتقد هيكون بعد الاهلي و الزمالك الفتره الجايه واكيد مع ان شيكا يمشي لسبب بسيط حرام نتحرم من لمسات نجم زي شيكا

وهو فيه نقاش بينا يتنسي يامورشو ؟؟
يمكن كنت بنزل مواضيع دايما هنا عشان النقاش اللي كان بيكون بينا
بس نفكر بالعقل كده ياغالي ونشوف شيكا مقدمش للزمالك حاجه ليه ؟؟
ماهو معلش شيكا مش هيلعب علي حساب نجوم موجوده في الزمالك
شيكا يمكن اللي مضيعه في الوقت الحالي كثرة النجوم وعدم اللعب
باستمرار وهو ده اللي بيخليه مابيرجعش لمستواه
لكن لو كان شيكا بيلعب باستمرار تفتكر الوضع كان هيكون كده ؟؟

عموما مختلف معاك في نقطة سموحه ياغالي
شيكا لو هيخرج من الزمالك يبقي يتوافق علي العرض الصيني
اللي جايله وربنا يكرمه هناك وفي النهايه انا ضد ده من الاخر يعني
نجم شال الزمالك في أسوأ سنينه واكيد انت عارف كده
وكان مصدر متعه بالنسبه لينا كلنا يبقي المفروض ينهي
مشواره في الزمالك وانا شايف الافضل له انه يعتزل
وينهي مشواره مع الزمالك ..

منورني دايما ياكبير

[محمود الصاروخ]

اقتباس رغم اني اهلاوي صميم الا ان مفيش اتنين يختلفو علي مهارة شيكابلا وانه نجم لا يعوض من الطبيعي هبوط مستوي اللاعب وده ناتج لعوامل ضغط كونه نجم وليس لاعب مغمور رحيل شيكا يعتبر خساره كبيره للزمالك المفروض الزمالك يحتويه ويساعده لرجوعه لمستواه واعطاءه الثقه وهبوط مستوي اللاعب ليست النهايه واذكركم بلاعبين هبطت مستوياتهم وتخلت عنهم انديتهم وعادو نجوم مع انديتهم الجديده اضرب مثال لبعض الاعبين الذين هبطت مستوياتهم وتخلت عنهم انديتهم وتفوقو مع انديتهم الجديده اكبر مثال هو محمد بركات ورجع نجم النجوم مع الاهلي حسين ياسر المحمدي تخلي عنه الاهلي وتفوق مع الزمالك وكان نجم فوق العاده الامثله كثير ولكن الذاكره لا تسعفني من الاخر شيكابالا هيكون خساره كبيره ولو تخلي عنه الزمالك تمسكو به وساعدوه علي استعادة مستواه تحياتي ليك يا صاروخ

كما ذكرت في ردي السابق علي مورشو بأن شيكا
يحتاج للعب باستمرار مع الزمالك ولكن في ظل وجود كوكبه من النجوم
في مركزه أري بانه لم يأخذ الفرصه كامله وفي الوقت نفسه لا اتمني
رحيل شيكا عن الزمالك واتمني منه الاعتزال في الوقت الحالي
حالة شيكا مختلفه تماما عن باقي اللاعبين لانك كما ذكرت
لا يختلف إثنان علي شيكابالا ولكن ما يعيب شيكا هو
مزاجه الخاص في بعض الاوقات ولسبب ده وصل
شيكا للحال اللي شايفنه عليه حاليا

وفي النهايه بالتأكيد نتمني التوفيق لمصدر المتعه والسعاده بالنسبه لنا
منورني ياغالي برد مميز

[morshooo]

ياراجل يعتزل ايه عيب جمهور الزمالك ف كدا
زي حازم امام من وهو ٢٩ سنه الجمهور
بيطالبه بالاعتزال شيكا لسه يلعب يجي
٥ سنين كمان وانا مع انه يلعب ف مصر مش برا
لانه مش هيكمل برا مصر مش هيستحمل .

اكيد هو شال الزمالك كتير ويجي ٥ مواسم
كان الزمالك هو شيكا لكن بلاش عواطف عشان
دا الي بيودينا ف داهيه 😂
زي متعب ف الاهلي انا ضد انه يلعب
وفي لاعبين اقوي منه بمراحل حاليا
وضد ان الاهلي يجددله عشان يحترمو تاريخه
انا مضيعش ملايين عشان ارضي لاعب كدا كدا
استفاد من النادي ملايين وشهره محدش يحلم بيها .

شيكا ومتعب لو تعبو شويه هيلعبو اساسيين
ف الاهلي و الزمالك ومنتخب مصر