للأسف - مصر في التصنيف الثاني ..

[محمود الصاروخ]

السلام عليكم ورحمة الله وبركاته
--



للأسف منتخب مصر بقي تصنيف تاني في القرعه
وده إن دل علي شيء يدل علي أن المسئولين في مصر عباره عن
مجموعه من الفشله وأصحاب المصالح الشخصيه وطول ماهم موجودين
علي قلوبنا مصر عمرها ماهتشوف خير أبدا ولا هنشوف كاس عالم
وبالفعل وقوع مصر في التصنيف التاني ده في حد ذاته بيصعب
علينا المشوار بنسبه كبيره جدا وكمان مش عاوزين ننسي إن الحظ
عمره ما بيلعب دوره معانا في تصفيات كاس العالم بالتحديد

وبعد العك اللي شوفته في المنتخب مش متفائل تماما في الفتره اللي جايه
وعشان مصر توصل كاس عالم المره دي لازم سياسة المنتخب تتغير
ويتم الاعتماد علي لاعيبه أصحاب قدرات خاصه مش إننا نعتمد
علي محمد صلاح وباقي المنتخب ضايع مش كده ولا ايه ؟؟

المهم

بعد مابقينا تصنيف تاني ولازم نرضي بالواقع بعيد عن أي شيء
أتمني القرعه تنصفنا ونبعد عن منتخب غانا اللي بيضم كوكبه من اللاعيبه
أصحاب القدرات الخاصه جدا واللي معظمهم بيلعب في دوريات أوروبا
بمختلف أشكالها وكل مباراه بيلعبوها بتكون بالنسبه ليهم حياه أو موت
وبعد اللي شوفناه في منتخب مصر اتوقع اننا لو وقعنا مع غانا
مهزلة السداسيه هتتكرر تاني في الوقت الحالي

وبعد كل ده لازم نقول كلمه لهاني أبوريده اللي هو سبب أساسي
في ضياع التصنيف الاول من منتخب مصر وخصوصا بعد تصريح كوبر
انه كان حابب يلعب ودية الكونغو بس الاخ واللي معاه قالو لا مش هتأثر
علي منتخب مصر وفي النهايه الشعب المصري كله جاله حاله من الضغط
والسكر وتبقي الكلمه لهم جميعا - الله المنتقم -

شخصيا أتمني مجموعة مصر تكون
السنغال - مصر - الكونغو - أوغندا

( اسئله للنقاش )

- كلمه حابب تقولها للمسئولين بشكل عام ولهاني أبوريده بشكل خاص ؟؟
- تتمني مصر تكون مع مين في مجموعه واحده ؟؟



تحياتي لكم جميعا محمود الصاروخ

[واد حبيب]

هاني ابو ريده قال للمنتخب لو فاز علي تنزنيا انا اطمن لكم التصنيف الاول
بس انا مش هتفرق معايا تصنيف اول ولا تصنيف تاني
طول عمرنا في تصفيات كاس العالم بتكون المجموعه سهله وبرده مش بنوصل
المنتخب الصح اللي عوز يوصل كاس العالم ويلعب مع الكبار
لزم يدوس علي اي منتخب يكون معاه
مصر قادره ان شاء الله توصل بس لزم يكون المنتخب عوز يعمل ده

[محمود الصاروخ]

اقتباس هاني ابو ريده قال للمنتخب لو فاز علي تنزنيا انا اطمن لكم التصنيف الاول بس انا مش هتفرق معايا تصنيف اول ولا تصنيف تاني طول عمرنا في تصفيات كاس العالم بتكون المجموعه سهله وبرده مش بنوصل المنتخب الصح اللي عوز يوصل كاس العالم ويلعب مع الكبار لزم يدوس علي اي منتخب يكون معاه مصر قادره ان شاء الله توصل بس لزم يكون المنتخب عوز يعمل ده

مش كده خالص ياكبير
كان المفروض اننا نلعب وديه مع الكونغو وكان كوبر مصمم عليها
وتم الغاء المباراه ولما كوبر سئل اتقال له انها مش هتأثر علي تصنيف مصر
وانا متفق معاك هنا ان اللي عاوز يصعد يكسب أي حد ولكن يبقي السؤال
لما اللي عاوز يصعد يكسب أي حد فين هنا شغل المسئولين طيب ؟؟

[سَـلمَى]

أنا إتفاجئت من التصنيف بجد

حسبي الله ونعم الوكيل في إتحاد الكرة

بسبهم وبسبب إلغاء ماتش الكونغو وتعادل تنزانيا وكينيا

مصر ممكن تكون في مجموعة قوية

ومحدش يقول إنه مش مهم التصنيف ومش مهم مين نقابل

المنتخب بيعاني سواء من الأداء أو تكيتيك كوبر

ياترى ممكن يعمل إيه قدام غانا أو الجزائر مثلا وهو بالشكل ده

ومعروف إنه لو تصنيفك كويس نسبة تأهلك بتبقى كبيرة

والأمثلة في كدا كتير ..

قرأت إنه في محاولات جادة في الكاف لاثناء الفيفا عن احتساب التصنيف الاستثنائي

لافريقيا بشكل تراكميوالاكتفاء فقط بحساب نقاط مباريات تصفيات

كاس الامم علي تصنيف 2 يونيو ..

وفي حجات حصلت ممكن تغير في التصنيف تاني

معرفش صحت الخبر ده

لكن لو صحيح يارب يحصل مصر تستاهل أكتر من تونس

وبجد التصنيف الأول هيفرق كتير ..

وربنا يسستر ويوفق منتخبنا يااااااااااارب ..


تشكرات يا محمود عل الطرح

كنت داخلة أكتب عن الموضوع

بس تسلم إيدك )

[morshooo]

طيب اولا مباراة الكونغو مكنتش هتأثر ف حاجا
لان الفيفا هتاخد بنتائج اخر 4 سنوات يعنى من 2012
يعنى انتا كمنتخب موصلتش بطوله أفريقيا بقالك 3 مرات متتاليه
وغير كدا نتائجنا كانت زى الزفت وموصلتش كاس العالم 2014
فالنتائج مكنتش فى صالحنا .

المنتخب المصرى محدش ينكر انه ضعيف جدا
ومنتخب بدون مهاجم وبدون جناحيين وبدون خط وسط ^_^
يعنى منتخب فاضى .

كوبر لازم يفصل بين الازمات الشخصيه سواء معاه او مع جهازة
وبين الاعبين ماينفعش استبعد واحد من نجوم مصر المفروض لو انا مدرب
كبير احتوى الازمات ماسبش المساعد بتاعى يحل الحوار مع ان الازمه معاه اصلا ^_^
والنتيجه كانت ان غالى رفض الجلوس معاهم او التصالح يعنى ممكن
مانشوفش غالى تانى فى المنتخب مع انه اهم من مساعد المدرب ويمكن من كوبر نفسه فى المباريات .

عموما عشان ماطولش عليك
المفروض المنتخب الى يوصل لكأس العالم
مايخافش من اى منتخب يقابله انا محبش اوصل
كأس العالم وارجع بفضيحه وخسارة من هناك
بس لو فعلا وصلنا كاس العالم واحنا تصنيف تانى
يبقا نستحق الوصول .
انا كمصرى وكواحد بفهم نوعا ما فى الكورة
ماينفعش افضل اقول يارب نلاعب منتخبات ضعيفه
عشان اوصل لكاس العالم وهناك هتكون انتا من اضعف الفرق
وكل المنتخبات هتتمنى تلاعبك انتا ^_^

[واد حبيب]

اقتباس المشاركة الأصلية كتبت بواسطة محمود الصاروخ مش كده خالص ياكبير كان المفروض اننا نلعب وديه مع الكونغو وكان كوبر مصمم عليها وتم الغاء المباراه ولما كوبر سئل اتقال له انها مش هتأثر علي تصنيف مصر وانا متفق معاك هنا ان اللي عاوز يصعد يكسب أي حد ولكن يبقي السؤال لما اللي عاوز يصعد يكسب أي حد فين هنا شغل المسئولين طيب ؟؟

لزم المسئولين يشتغلو من دلوقتي
ولزم نقابل منتخبات قويه علشان نلعب مع الكبار
انا مش زعلان من التصنيف
اللي عوز يوصل كاس العالم لزم يكون يستاهل انه يلعب مع الكبار
ولا احنا اخدنا علي العب مع تنزنيا وتشاد وبنبن
ولما نلعب مع فرقه كبيره زي غانا ناخد بجزمه

[محمود الصاروخ]

اقتباس أنا إتفاجئت من التصنيف بجد حسبي الله ونعم الوكيل في إتحاد الكرة بسبهم وبسبب إلغاء ماتش الكونغو وتعادل تنزانيا وكينيا مصر ممكن تكون في مجموعة قوية ومحدش يقول إنه مش مهم التصنيف ومش مهم مين نقابل المنتخب بيعاني سواء من الأداء أو تكيتيك كوبر ياترى ممكن يعمل إيه قدام غانا أو الجزائر مثلا وهو بالشكل ده ومعروف إنه لو تصنيفك كويس نسبة تأهلك بتبقى كبيرة والأمثلة في كدا كتير .. قرأت إنه في محاولات جادة في الكاف لاثناء الفيفا عن احتساب التصنيف الاستثنائي لافريقيا بشكل تراكميوالاكتفاء فقط بحساب نقاط مباريات تصفيات كاس الامم علي تصنيف 2 يونيو .. وفي حجات حصلت ممكن تغير في التصنيف تاني معرفش صحت الخبر ده لكن لو صحيح يارب يحصل مصر تستاهل أكتر من تونس وبجد التصنيف الأول هيفرق كتير .. وربنا يسستر ويوفق منتخبنا يااااااااااارب .. تشكرات يا محمود عل الطرح كنت داخلة أكتب عن الموضوع بس تسلم إيدك )

الفكره هنا مش فكرة قرعه قويه أو مش قويه سلمي
الفكره هنا ان فيه مسئولين مفيش ليهم أي دور إيجابي
ولا بيعملو أي حاجه للمنتخب تذكر وبالفعل الغاء ودية الكونغو
أثرت كتير علي منتخبنا - هوضح انا الموضوع ده كامل
في موضوع لوحده ان شاء الله
منوراني بقي

[محمود الصاروخ]

اقتباس طيب اولا مباراة الكونغو مكنتش هتأثر ف حاجا لان الفيفا هتاخد بنتائج اخر 4 سنوات يعنى من 2012 يعنى انتا كمنتخب موصلتش بطوله أفريقيا بقالك 3 مرات متتاليه وغير كدا نتائجنا كانت زى الزفت وموصلتش كاس العالم 2014 فالنتائج مكنتش فى صالحنا . المنتخب المصرى محدش ينكر انه ضعيف جدا ومنتخب بدون مهاجم وبدون جناحيين وبدون خط وسط ^_^ يعنى منتخب فاضى . كوبر لازم يفصل بين الازمات الشخصيه سواء معاه او مع جهازة وبين الاعبين ماينفعش استبعد واحد من نجوم مصر المفروض لو انا مدرب كبير احتوى الازمات ماسبش المساعد بتاعى يحل الحوار مع ان الازمه معاه اصلا ^_^ والنتيجه كانت ان غالى رفض الجلوس معاهم او التصالح يعنى ممكن مانشوفش غالى تانى فى المنتخب مع انه اهم من مساعد المدرب ويمكن من كوبر نفسه فى المباريات . عموما عشان ماطولش عليك المفروض المنتخب الى يوصل لكأس العالم مايخافش من اى منتخب يقابله انا محبش اوصل كأس العالم وارجع بفضيحه وخسارة من هناك بس لو فعلا وصلنا كاس العالم واحنا تصنيف تانى يبقا نستحق الوصول . انا كمصرى وكواحد بفهم نوعا ما فى الكورة ماينفعش افضل اقول يارب نلاعب منتخبات ضعيفه عشان اوصل لكاس العالم وهناك هتكون انتا من اضعف الفرق وكل المنتخبات هتتمنى تلاعبك انتا ^_^

بخصوص موضوع التصنيف ياغالي
راجع معلوماتك تاني وهتتاكد ان ودية الكونغو أثرت كتير
علي موضوع التصنيف وبالفعل متفق معاك إن اللي عاوز يصعد
بيكسب أي حد ولكن هنا لازم يكون فيه دور إيجابي للمسئولين
بمعني إنك تعمل اللي عليك واللي يحصل يحصل بس تكون
عملت اللي عليك مش تقول كلام انت مش أده
مش كده ولا ايه يامعلم ؟؟؟

بخصوص موضوع حسام غالي
ف ردي عليك هيكون ان المدرب مدرب واللاعب لاعب
وإن منتخبنا يقف علي لاعب زي حسام غالي أو غيره ف دي لواحدها مصيبه
ولا انت مش ملاحظ كده ؟؟ اننا بقينا نقف علي ناس كتير ؟؟

السؤال هنا برضه يامعلم
فين شغل المسئولين بشكل عام وأبوريده بشكل خاص ؟؟؟
وانت برأيك مصر تقع مع مين ؟؟

[محمود الصاروخ]

اقتباس لزم المسئولين يشتغلو من دلوقتي ولزم نقابل منتخبات قويه علشان نلعب مع الكبار انا مش زعلان من التصنيف اللي عوز يوصل كاس العالم لزم يكون يستاهل انه يلعب مع الكبار ولا احنا اخدنا علي العب مع تنزنيا وتشاد وبنبن ولما نلعب مع فرقه كبيره زي غانا ناخد بجزمه

ماهو ده اللي بتكلم فيه يامعلم
لازم المسئولين يتحركو ويشتغلو
واللي حصل عموما يدل علي ان المسئولين عباره عن
مجموعه من الفشله مش كده ولا ايه ؟؟؟

[حازم34]

اهعم شئ كابتنا المبير اننا وصلنا اعلي طموح لنا كاس الامم

الافريقيه ودا كل شغلنا الشاغل


عموما اخي الحبيب

لو احنا نريد الوصول حقا

فلابد من ان يكون المنتخب قادر علي ذلك بصرف النظر

اي هو

تسلم حبيبي