خسر الاهلي من زيسكو - ولكن

[محمود الصاروخ]

السلام عليكم ورحمة الله وبركاته
--



خسر الاهلي اليوم من زيسكو - ولكن
تبقي فرصة الاهلي في الصعود من هذه المجموعه السهله قويه جدا وبالفعل
الخساره اليوم ليست نهاية البطوله ف الاهلي قادر علي الصعود في المباريات القادمه
وبالنظر لهذه المجموعه " السهله " سنشاهد بأن الاهلي هو الفريق الابرز فيها
والوداد وأسيك ليسو بقوة الاهلي ولذلك قد يحسمها الاهلي في المباراه القادمه
بعد أن تعود الغياباات لصفوفه من جديد وقد يتفق معي البعض بأن هذا
ليس أداء الاهلي المعتاد وقد يكون بسبب الغيابات أو الصيام ومع
المباريات القادمه سيعود الاهلي لمقدمة المجموعه

ولكن لابد أن يعترف كل ماهو اهلاوي بأن الاهلي اليوم استحق الهزيمه
لأنه لم ولن يحترم فريق بحجم " زيسكو " قد يكون هذا الفريق بالمقارنه
مع الاهلي لا شيء ولكن في كرة القدم لايوجد قوي وضعيف ولابد
من احترام المنافسين أيا كان اسمهم وأيا كان حجمهم

مارتن يول
في البدايه هو مدرب صاحب صولات وجولات في العالم وأعتبره من
المدربين أصحاب القدرات الخاصه " جدا " ولكن تبقي مشكلة
هذا المدرب " رد الفعل " وخصوصا إذا كان الاهلي متأخر
ينتظر كثيرا وكثيرا ثم يتعامل مع المباراه وفي المباريات الأخيره له
مع الاهلي شعرت بأنه لايوجد لديه علم بالكره المصريه و الافريقيه
بشكل مميز وهذا قد يأخذ الاهلي لطريق مظلم فيما هو قادم - والله اعلم

حسام غالي + دفاع الاهلي + شريف اكرامي

لا تعليق عليكم في المباريات الاخيره وبخصوص شريف اكرامي
ف هو من الأساس لا يستحق اللعب في صفوف الاهلي
ف بأي منطق يكون متواجد في صفوف منتخب مصر ؟

رمضان صبحي
بعيدا عن المقارنه " بالاحصائيات " التي سيخسر فيها رمضان كما ذكرت
من قبل يبقي رمضان صاحب إمكانيات وقدرات خاصه وما يقدمه رمضان
مع الاهلي في المباريات الاخيره حتي وإن كانت " قليله " تبشر بالخير
وننتظر منه المزيد والمزيد من أجل منتخب " مصر " ولكن كالعاده
أنا ضد كل من " ينفخ " في رمضان لمصلحته ولكني لست ضده
علينا جميعا أن نعمل علي تطوير هذه الموهبه الصاعده لا لدفنها
وما يفعله جماهير الاهلي أو الاعلام معه أتوقع بأنه سيؤثر عليه
وقد تكون مسيرته كأمثال لاعبين في الماضي نعرف ماذا حدث لهم

أخيرا
هذه هي وجهة " نظري " بعد خسارة الاهلي اليوم من زيسكو
وقد تكون صحيحه وقد تكون خاطئه وبالفعل أتمني وصول قطبي الكره
المصريه " الاهلي والزمالك " للمرحله النهائيه من البطوله
وبالتوفيق للزمالك في مباراة الغد بإذن الله



تحياتي لكم جميعا محمود الصاروخ

[El_Magic]

ههههههههههههه يعني بعد الماتش بتاع المصرى وماتش ويسكوا ولسه الاهلي فرصته قويه

الهزيمه مخلياكم مش عارفين تقولوا حاجه

ان شاء الله الزمالك يكسب بكره او يحقق نتيجه ايجابيه ونوصل للنهائي ونكسب البطوله

[محمود الصاروخ]

اقتباس ههههههههههههه يعني بعد الماتش بتاع المصرى وماتش ويسكوا ولسه الاهلي فرصته قويه الهزيمه مخلياكم مش عارفين تقولوا حاجه ان شاء الله الزمالك يكسب بكره او يحقق نتيجه ايجابيه ونوصل للنهائي ونكسب البطوله

ماجيك ،
بص علي الانديه المفضله عندي هتلاقيه الزمالك
بص علي مواضيعي بشكل عام هتلاقيها زملكاويه وضد الاهلي
ولكن مباراة اليوم بعيده تماما عن مباراة المصري وكل مباراه منهم
ليها حساب خاص بيها لان مباراه في دوري ومباراه في افريقيا
وحسابات افريقيا تختلف تماما عن الدوري في كل الاحوال
انا زملكاوي واتمناها زملكاويه بالفعل
ولكن الحق يجب أن يقال
الاهلي استحق الهزيمه اليوم بالفعل
ولكن الواقع يقول بأنه الاقوي والمرشح الاول للوصول في مجموعته
ولا تنسي بأن مجموعة الزمالك " ناريه " واتوقع خسارة أو تعادل الزمالك غدا
اتمناه توقع غير صحيح ولكن بكلمك علي " ورق " والملعب هيكون شيء تاني
وربنا يكرم ان شاء الله
منورني يامعلم

[كريم عاصم]

لقد سبقتنى فى التحليل ياحودة عن مباراة زيسكو الزامبي والأهلى المصرى ولكن كان عنوانى هو هل سيخرج النادى الأهلى مبركرا من دورى المجموعات لدور الثمانية هى المجموعه سهلة كما علمناها ولكننا فوجئنا اليوم بفريق زيسكو انه فريق ليس بالسهل وأداءة بلا عشوائية فهو فريق جدير بالاحترام وللعلم ودون تحيز الهدف الثانى ل سيزيكو أفصايد الأهلى متأثر جدا بغياب عبدالله السعيد أما نجم المباراة بصفة حياديه هو رمضان صبحى خط الضهر للنادى الأهلي بيتكشف مع وجود فريق فاهم كورة وعلى الأهلى الإسراع بشراء حارس مرمى يليق بكيان نادى الأهلى واعتقد أن الجميع متفق معى أن شريف إكرامى خلص كورة وهو مسئول مسئوليه كامله عن الهدف الأول من وجهه نظرك ياحودة إن مجموعه الأهلى سهلة وأنا أقول لك لا أسيك إبيدجان فريق لايستهان به الوداد المغربى كعبه دائما عالى على الاهلى وفريق لايستهان به فى النهايه تمنياتنا للأهلى بالتوفيق وهارد لك وتعوضها ان شاء الله ... وان شاء الله ميعادنا بكرة الساعة الخامسة حيث مباراة الزمالك وأنيمبيا النيجرى فهى مباراة ليست بالسهل بس قول من دلوقتى يامحمود انت اللى هتحلل المباراة ؟؟؟؟ أهداف مباراة زيسكو الزامبى والأهلى المصرى 2/3 مع ملخص للمباراة

[El_Magic]

اكيد ملهاش علاقه بمباراه المصري بس بحب اغيظ الاهلاويه

بس اه لو ساره بنت مصر سمعتك بتقول خساره الزمالك هتفضل طول الليل متغاظه

[محمود الصاروخ]

اقتباس لقد سبقتنى فى التحليل ياحودة عن مباراة زيسكو الزامبي والأهلى المصرى ولكن كان عنوانى هو هل سيخرج النادى الأهلى مبركرا من دورى المجموعات لدور الثمانية هى المجموعه سهلة كما علمناها ولكننا فوجئنا اليوم بفريق زيسكو انه فريق ليس بالسهل وأداءة بلا عشوائية فهو فريق جدير بالاحترام وللعلم ودون تحيز الهدف الثانى ل سيزيكو أفصايد الأهلى متأثر جدا بغياب عبدالله السعيد أما نجم المباراة بصفة حياديه هو رمضان صبحى خط الضهر للنادى الأهلي بيتكشف مع وجود فريق فاهم كورة وعلى الأهلى الإسراع بشراء حارس مرمى يليق بكيان نادى الأهلى واعتقد أن الجميع متفق معى أن شريف إكرامى خلص كورة وهو مسئول مسئوليه كامله عن الهدف الأول من وجهه نظرك ياحودة إن مجموعه الأهلى سهلة وأنا أقول لك لا أسيك إبيدجان فريق لايستهان به الوداد المغربى كعبه دائما عالى على الاهلى وفريق لايستهان به فى النهايه تمنياتنا للأهلى بالتوفيق وهارد لك وتعوضها ان شاء الله ... وان شاء الله ميعادنا بكرة الساعة الخامسة حيث مباراة الزمالك وأنيمبيا النيجرى فهى مباراة ليست بالسهل بس قول من دلوقتى يامحمود انت اللى هتحلل المباراة ؟؟؟؟ أهداف مباراة زيسكو الزامبى والأهلى المصرى 2/3 مع ملخص للمباراة

عملاق من عمالقة قراءة المباريات ياكريم ماشاء الله
علي " الورق " الاهلي أقوي بكثير من " زيسكو " ولكن الاهلي استهان
واستحق الهزيمه وقد يكون بسبب الغيابات أو الصيام أيضا ولكن
في النهايه النتيجه هي الخساره ومستحقه للاهلي
وبخصوص المباراه انا كتبت تعليقي عليها بشكل عام بس هاخد من كلامك
موضوع مجموعة الاهلي والزمالك ف عاوزك تعرف ياغالي إن في
مجموعة الاهلي ، هتشوف ان الاهلي هو الابرز فيها
والوداد واسيك ليسو بقوة الاهلي وحتي الوداد يوم ما وصل نهائي
خسر وملوش تاريخ افريقي اما عن مجموعة الزمالك
ف الاربع انديه المشاركه ياغالي مرشحه للوصول
بص علي كل فريق واحكم عليه بشكل عام

بالتوفيق للزمالك بكره
وعادي ياكبير أي حد ينزل - واحد
منورني دايما كريم

[كريم عاصم]

عملاق من عمالقة قراءة المباريات ياكريم ماشاء الله
علي " الورق " الاهلي أقوي بكثير من " زيسكو " ولكن الاهلي استهان
واستحق الهزيمه وقد يكون بسبب الغيابات أو الصيام أيضا ولكن
في النهايه النتيجه هي الخساره ومستحقه للاهلي
وبخصوص المباراه انا كتبت تعليقي عليها بشكل عام بس هاخد من كلامك
موضوع مجموعة الاهلي والزمالك ف عاوزك تعرف ياغالي إن في
مجموعة الاهلي ، هتشوف ان الاهلي هو الابرز فيها
والوداد واسيك ليسو بقوة الاهلي وحتي الوداد يوم ما وصل نهائي
خسر وملوش تاريخ افريقي اما عن مجموعة الزمالك
ف الاربع انديه المشاركه ياغالي مرشحه للوصول
بص علي كل فريق واحكم عليه بشكل عام

بالتوفيق للزمالك بكره
وعادي ياكبير أي حد ينزل - واحد
منورني دايما كريم

بص ياحودة أنا لو اتكلمت ممكن هيقولوا عليا متعصب انظر لدور التأهل ل دور ال 8 .. للزمالك .. والأهلى ستجد ردى على ماوضحتة الاهلى ليس بالصعب كما تقول ولكنة فريق مصرى جدير بالاحترام والمنافس التقليدى لنادى الزمالك الأهلى سهل جدا ياحودة بس واخد حجم أكبر بمعنى بيلعب بأسمة ولا تنسى اننا نلعب فى بطولة افريقيا وليس الدورى المصرى يعنى مفيش حكام هتحسب بال 10 دقايق وال 14 دقيقى وقت بدل ضائع ختاما لكلامى البطوله السنه دة مختلفة عن السنوات السابقة فالنادى الاهلى أشتهر عالميا انه لايكسب الا بالحكام والاتحاد الافريقى حاطط فى اعتبارة كل دة وياريت الاهلويه متزعلش منى بقى تسلم حودة على تحليلك الرائع

[morshooo]

مزاج الخير :d

اقتباس تبقي فرصة الاهلي في الصعود من هذه المجموعه السهله قويه جدا وبالفعل

اول حاجا ضدك فيها
لو شوفت مباراة اسيك والوداد
هتعرف مستوى المجموعه الى
لان ناس كتير دلوقتى مش بتبص فى افريقيا الا على
الاهلى ومازيمبى والصفاقس والترجى وكام فريق
لو حد فيهم مش فى مجموعه يقولك دى مجموعه سهله ^_^
الاهلى فرصته فى المجموعه اكيد كبيرة لانه النادى الاهلى
واسمه وفرصه فى التاهل بتكون قبل اى فريق تانى .
وكويس ان الماتش والخسارة كانت بدرى لان الاهلى انا متاكد
هيلعب باقى المباريات كمباريات بطوله .

اقتباس وبخصوص شريف اكرامي ف هو من الأساس لا يستحق اللعب في صفوف الاهلي ف بأي منطق يكون متواجد في صفوف منتخب مصر ؟

عايزك ترجع كدا لتاريخ المنتخب فى اخر يجى 10 والا 15 سنه
وشوف كدا نادر السيد وعبد الواحد وعبد المنصف
كانو بينضمو للمنتخب بأمارة ايه :d
الزمالك كان مهدد بالهبوط وعادى كان بياخد عبد المنصف وعبد الواحد
ايه المشكله الزمالك كان بيشيل فى الدورى بالـ 30 و 40 جول وكان مفيش مشكله
فمش فاهم انتا شايل من أكرامى ليه كدا :d
لو عايز الناس تقولك الشناوى وجنش احسن حراس اوك ياعم
هم احسن حراس فى مصر وتاريخ مصر لو دا هيريحك يا صاروخ
والا هتقولى الاحصائيات :d .

اقتباس رمضان صبحي بعيدا عن المقارنه " بالاحصائيات " التي سيخسر فيها رمضان كما ذكرت

الوحيد فى مصر الى شايف رمضان مش كويس :d
وانا مش هكلم عن رمضان صبحى لانه نجم مصر الاول حاليا .

[محمود الصاروخ]

اقتباس بص ياحودة أنا لو اتكلمت ممكن هيقولوا عليا متعصب انظر لدور التأهل ل دور ال 8 .. للزمالك .. والأهلى ستجد ردى على ماوضحتة الاهلى ليس بالصعب كما تقول ولكنة فريق مصرى جدير بالاحترام والمنافس التقليدى لنادى الزمالك الأهلى سهل جدا ياحودة بس واخد حجم أكبر بمعنى بيلعب بأسمة ولا تنسى اننا نلعب فى بطولة افريقيا وليس الدورى المصرى يعنى مفيش حكام هتحسب بال 10 دقايق وال 14 دقيقى وقت بدل ضائع ختاما لكلامى البطوله السنه دة مختلفة عن السنوات السابقة فالنادى الاهلى أشتهر عالميا انه لايكسب الا بالحكام والاتحاد الافريقى حاطط فى اعتبارة كل دة وياريت الاهلويه متزعلش منى بقى تسلم حودة على تحليلك الرائع

الادوار السابقه من البطوله شيء ودور المجموعات شيء تاني
وانت هنا بتقول ان الاهلي بيلعب بإسمه وكلام من ده وانا بكلمك
بنفس المبدأ وبقولك إن مجموعة الاهلي عموما علي الورق
مفيش فيها غير الاهلي و الوداد و الوداد ليسو بقوة الاهلي
وبطلب منك فعلا تشوف قوة كل فريق وهتفهم كلامي
وعلي فكره كريم التحكيم " الافريقي " اسوء بكتير من التحكيم المصري

منورني دايما ياكبير

[محمود الصاروخ]

اقتباس مزاج الخير :d

يامزاج النور عليك يامعلم

اقتباس اول حاجا ضدك فيها لو شوفت مباراة اسيك والوداد هتعرف مستوى المجموعه الى لان ناس كتير دلوقتى مش بتبص فى افريقيا الا على الاهلى ومازيمبى والصفاقس والترجى وكام فريق لو حد فيهم مش فى مجموعه يقولك دى مجموعه سهله ^_^ الاهلى فرصته فى المجموعه اكيد كبيرة لانه النادى الاهلى واسمه وفرصه فى التاهل بتكون قبل اى فريق تانى . وكويس ان الماتش والخسارة كانت بدرى لان الاهلى انا متاكد هيلعب باقى المباريات كمباريات بطوله

انت بتقول ياغالي لو كنت شوفت مباراة أسيك و الوداد
وفي نفس الوقت بتقول إن الاهلي فرصته في المجموعه أكبر عشان اسمه
كلامك عموما متناقض ومش عارف انا غلطت في ايه ؟
انا بحكم بناءا علي كل اللي انت قولته عموما ويمكن قريبين من بعض
في وجهات النظر وبخصوص مجموعة الاهلي ياكبير بالنظر عليها
هنلاقي ان الفريق الابرز فيها زي ماقولت قبل كده هو الاهلي
وبخصوص الوداد لو تفتكر انه موصلش لنهائي البطوله عموما
غير مره واحده وخسر وبخصوص زيسكو اللي كسب الاهلي
النهارده ف الحكم عليه هيكون انه مش فريق بطولات عموما
وبالفعل زيسكو هيكون قوي مع الاهلي والهلال ولكن الواقع
يقول بان الاهلي هو الابرز ثم يأتي خلفه الوداد
وأما بالنظر لمجموعة الزمالك ف عايزك تكلمني عن الاربع
أنديه المشاركه ف هتلاقيهم أندية بطولات ومرشحين جميعا
للوصول للنهائي بشكل عام ولذلك مجموعة الاهلي علي الورق سهله
ومجموعة الزمالك علي الورق ناريه وكلامنا بشكل عام علي المرحله
القادمه ماهو الا كلام علي ورق ولكن في الملعب بيبان كل شيء
وبخصوص مبارايات النهارده ، ف هما تقريبا أول مباريات في المجموعه
وكل الفرق بتعمل كل اللي عندها يعني مثلا زيسكو كسب الاهلي النهارده
هل زيسكو بقي كدة اقوي من الاهلي ؟ ومباراة الوداد نهايتها
كانت كما متوقع وهو فوز الوداد مش كده ولا ايه ؟؟
طبيعي انك تلاقي المباراه فيها حماس وتكون قويه
ولكن الكفه تميل لمين ؟ مين صاحب الخبره ؟
مين اللي هيحسم الماتش ياغالي ؟؟

انا اللي قصدته يامعلم إن المجموعه علي " الورق " سهله
بس طبعا ده كله بعيد عن الاستهانه بالخصم أيا كان هو مين
لان ده اللي حصل النهارده والاهلي استهان ب زيسكو وقبل خساره
مش كده ولا ايه ؟؟؟
^_^

علي الورق ياغالي وبالتاريخ
مجموعة الاهلي " سهله " ومجموعة الزمالك " ناريه "
ومعاك لو حابب تحسبها علي حسب تاريخ و وصول كل نادي للنهائيات

اقتباس عايزك ترجع كدا لتاريخ المنتخب فى اخر يجى 10 والا 15 سنه وشوف كدا نادر السيد وعبد الواحد وعبد المنصف كانو بينضمو للمنتخب بأمارة ايه :d الزمالك كان مهدد بالهبوط وعادى كان بياخد عبد المنصف وعبد الواحد ايه المشكله الزمالك كان بيشيل فى الدورى بالـ 30 و 40 جول وكان مفيش مشكله فمش فاهم انتا شايل من أكرامى ليه كدا :d لو عايز الناس تقولك الشناوى وجنش احسن حراس اوك ياعم هم احسن حراس فى مصر وتاريخ مصر لو دا هيريحك يا صاروخ والا هتقولى الاحصائيات ::d

حبيب قلبي افهم القصد من الكلام واعرف انت بتحكم ازاي
نادر السيد وعبدالواحد وعبد المنصف اللي انت بتتكلم عليهم
كان فيه أفضل منهم في الدوري عشان ينضمو ؟ ولو فيه - مين ؟؟
فيه فرق كبير ياغالي إن " حارس " يقبل الكميه دي كلها بسبب
غلطات " دفاعيه " وان حارس يقبلها ك اخطاء منه هو
فاهمني ولا أوضح اكتر ؟؟

وبخصوص الشناوي وجنش واكرامي ياكبير
كلمني عن اداء كل حارس فيهم بشكل عام وتحديدا جنش واكرامي
وقولي خسارة الاهلي عموما بتكون بسبب مين " معظمها " ؟؟
وفي الوقت نفسه بيكون الزمالك " وحش " وجنش عامل ايه ؟؟
جنش لو محظوظ زي مانت فاكر يوم ما اتكلمنا قبل كده كان وقع
ولكن كل ماتش يلعبه يامعلم يثبت انه حارس " مميز "
بس فعلا انا نفسي افهم انت بتقيم اداء الحراس ازاي ؟؟
وعلي فكرة اقسم بالله انا عمري ما كرهت لاعب سواء هنا او هنا
بس ده كلام كوره وانت عارف ان ده مقبول عموما ،!

ومعلومه اخيره
نسيت الاهلي لما كان بيلعب مع المنصوره كان مهدد ب ايه ؟؟؟

اقتباس الوحيد فى مصر الى شايف رمضان مش كويس :d وانا مش هكلم عن رمضان صبحى لانه نجم مصر الاول حاليا

ياعم أحمد بلاش كده إنك تجيب اللي علي مزاجك وترد عليه ،!
انا هطلب منك طلب بسيط ياغالي بخصوص النقطه دي عموما
عايزك تجيب لي مقارنه " بالارقام " والاحصائيات بين رمضان
وبين كل لاعب بيلعب في مركز رمضان ونشوف مين هيتفوق
هتلاقي كتير متفوقين علي رمضان " بالارقام " والكوره عموما ماهي
الا احصائيات والا بقي مكنش الاهلي ياخد الدوري في سنين كتير
كان فيه فرق بتقدم كوره حلوه نجيبها بقي تاخد البطوله ،!
الاحصائيات رقم " 1 " والكورة كده عموما ،!
هاتلي بس إحصائيه تكون فيها مقارنه شامله يامعلم
،،،

وابقي ارجع لكلامي عن رمضان انه موهبه ومفيش خلاف علي كده
لكن فيه أفضل منه لان لو همشي علي نفس مبدأك يامعلم
يبقي سنين كتير جدا لاعيبه من فريقك أخدت احسن لاعيبه في مصر
في وقت ما كان شيكابالا متألق وشايل الزمالك لواحده
^_^

وأخيرا يامعلم
شريف اكرامي - زي الفل
حسام غالي - كابيتانو
دفاع الاهلي - حديد
مؤمن - حراق
هو انا هخسر حاجه ؟؟
ماتسيبو اكرامي ياعم والله ماهخسر حاجه
بس معلش لما الاقي حارس تاني أو لاعب مظلوم يبقي لازم اتكلم
:d