أصل الزملكاويه عايشين في نظرية المؤامره

[محمود الصاروخ]

السلام عليكم ورحمة الله وبركاته
--



مباراة الزمالك والمصري القادمه هي مباراة الزمالك ومن حق الزمالك
أن يختار الملعب الذي يحب أن يلعب عليه المباراه وبالرغم من ذلك قرر
إتحاد الكوره إقامة المباراه علي ستاد الاسماعيليه ولا اعلم لماذا
وهذا الامر لم يشغل بال جماهير الزمالك بدرجه كبيره ولكن
عندما نتابع أخر الاخبار ونجد مجاملات لابد من وقفه ،!

مباراة الاسماعيلي والاهلي القادمه هي مباراة الاسماعيلي ومن حق
الاسماعيلي ان يختار الملعب الذي يحب أن يلعب عليه المباراه حتي وإن
كان في المريخ وليس من حق اتحاد الكره أو الاهلي الاعتراض بشكل عام
ولكن اتحاد الكره قرر إقامة المباراه علي ملعب الاهلي الرسمي وهو برج العرب
ولا اعلم لماذا لا يحب الاهلي أن يلعب المباراه في ستاد الاسماعيليه
أو في أي ستاد يختاره الاسماعيلي وهذا حقه ،!

ثم يخرج علينا القائم بأعمال رئيس اتحاد الكوره ويقول بأنهم يريدو
تأجيل مباراة القمه القادمه بين الاهلي والزمالك بسبب استدعاء رمضان
للعب في منتخب الشباب بشكل عام وفي الوقت نفسه لعب الزمالك الموسم
الماضي مباراة النجم الساحلي وهي اهم من أي قمه في وقت ما ابراهيم صلاح
واحمد توفيق لعبو في منتخب الشباب وخسر الزمالك من النجم بنتيجه كبيره
ثم يقول بأن القمه ستلعب في برج العرب أيضا وهي من حق الزمالك
ومن حق الزمالك أن يختار الملعب الذي يحب أن يلعب عليه
وهنا نقول أين العدل ؟؟ ولماذا يقف اتحاد الكره مع الاهلي ؟؟

( المهم )

1- مباراة الزمالك والمصري من المفترض أن تقام في بتروسبورت أو أي
ملعب يختاره الزمالك بشكل عام - وهذا حق الزمالك

2- مباراة الاسماعيلي والاهلي من المفترض أن تقام في الاسماعيليه أو أي
ملعب يختاره الاسماعيلي بشكل عام - وهذا حق الاسماعيلي

3- مباراة القمه لا يجب أن تؤجل بسبب غياب لاعب مهما كان ومن المفترض
أن تقام في بتروسبورت أو أي ملعب يختاره الزمالك بشكل عام وبالفعل
هذا حق الزمالك وليس من حق اتحاد الكره أو الاهلي التدخل
حتي لو اقيمت القمه في بورسعيد ،!

وفي النهايه بيتقال علينا كـ زملكاويه
عايشين في نظرية المؤامره ،!



تحياتي لكم جميعا محمود الصاروخ

[واد حبيب]

اهلا يا محمود
اولا ارجع كده لمباره الزمالك والمصري في الدور الاول واتاكده هيه اتلعبت فين وانت هتعرف كويس ازاي كانت المباره دي بتاع المصري او الزمالك
اما بخصوص مباره الاسماعيلي
الاسماعيلي مش عوز يلعب في برج العرب واختار 6ملاعب علشان يلعب عليهم المباره ولكن الامن رفض اللعب علي الاستادات دي
يعني الموضوع مش في يد الاهلي ولا اتحاد الكوره
وكمان الاسماعيلي عامل مؤتمر الساعه 10النهارده علشان يعلن انه مش هيلعب المباره في برج العرب لما نشوف المباره هتتلعب فين
اما بخصوص لقاء القمه
وزير الرياضه اكد بنفسه لمرتضي منصور ان المباره في موعدها
ومن الصعب ان اللقاء يتاجل علشان لاعب واحد بس

[محمود الصاروخ]

اقتباس اهلا يا محمود اولا ارجع كده لمباره الزمالك والمصري في الدور الاول واتاكده هيه اتلعبت فين وانت هتعرف كويس ازاي كانت المباره دي بتاع المصري او الزمالك اما بخصوص مباره الاسماعيلي الاسماعيلي مش عوز يلعب في برج العرب واختار 6ملاعب علشان يلعب عليهم المباره ولكن الامن رفض اللعب علي الاستادات دي يعني الموضوع مش في يد الاهلي ولا اتحاد الكوره وكمان الاسماعيلي عامل مؤتمر الساعه 10النهارده علشان يعلن انه مش هيلعب المباره في برج العرب لما نشوف المباره هتتلعب فين اما بخصوص لقاء القمه وزير الرياضه اكد بنفسه لمرتضي منصور ان المباره في موعدها ومن الصعب ان اللقاء يتاجل علشان لاعب واحد بس

منور يامعلم
مباراة الزمالك والمصري الدور الاول كانت علي ستاد الاسماعيليه
وفاز وقتها الزمالك بهدف عالمي لمصطفي فتحي لو تفتكر

أما بخصوص مباراة الاسماعيلي
مدير امن الاسماعيليه طلع قال ان مفيش حاجه جاتله بخصوص المباراه اصلا
^_^

وبخصوص ماتش القمه مينفعش يتأجل فعلا
ولازم يتلعب علي ملعب الزمالك
مش كده ولا ايه ؟
^_^

[كريم عاصم]

بص ياحودة هجيب من الآخر وباختصار شديد
الدورى السنة دة مكتوب بأسم الأهلى
لداوعــــــي أمنيــــــــــة

[واد حبيب]

اقتباس المشاركة الأصلية كتبت بواسطة محمود الصاروخ منور يامعلم مباراة الزمالك والمصري الدور الاول كانت علي ستاد الاسماعيليه وفاز وقتها الزمالك بهدف عالمي لمصطفي فتحي لو تفتكر أما بخصوص مباراة الاسماعيلي مدير امن الاسماعيليه طلع قال ان مفيش حاجه جاتله بخصوص المباراه اصلا ^_^ وبخصوص ماتش القمه مينفعش يتأجل فعلا ولازم يتلعب علي ملعب الزمالك مش كده ولا ايه ؟ ^_^

يا حوده
المباره الاولي بتاع الزمالك
انا شوفت المباره وشوفت الهدف

مفيش حد طلع وقال كده الاسماعيلي اصلا مخترش ملعب الاسماعليه علشان يلعب عليه


القمه في معادها يا برنس
وهتتغلبو يرده كعاده ههههههههه

[جنون قلب]

سيبك انت بقى يا حوده من الهرى بتاع كل سنه
واتحاد الكوره ولجنه الحكـآم والمسـآبقــآت
انت عارف من الاول ان الاهلى مبيلعبش فى مدن القنـآه
ومتقنعيش ان الاهلى بقى الاهلى السكندرى ..
وكده كده الماتش من غير جمهور
والاهلى بيلعب فى الملعب ده عشان هو انضف ملعب يعنى مش بتاع الاهلى زى ما بتقول
امـآ مباراه القمه وموضوع رمضان
ف الاهلى من حقه انه يقول لاء فى الوقت ده
وبعدين انت لو هتمشى ورا رئيسكـ ف انت يبقى من الاساس على باطل



ب النسبه بقى ل نظريه المؤآمره
انتوى مش هتطلعوآ منهــآ
ولو حلفتلى على المـآيه تجمد برضه مش مصدقكـ
أصل آلآنتمـآء ده مآلوش دوآ انا معاكـ
بس اللى انا عارفه ان انت ك زملكـآوى تخليكـ فى فريقكـ
أنتوآ بتتكلموآ عن الاهلى اكتر ما بتتكلموآ عن الزمــآلكـ



وان شاء الله الاهلى هيخسر من الاسمـآعيلى
عشان يبقى ماتش الاهلى والزمـآلكـ هو الفيصل بينــآ
ونبقى بقى نشوف الفريق العالمى ..



خد بالكـ انت لسه هتلعب المصرى وسموحه ..؟!
ولسه فرق 5 نقط ..!
ولسه طول ما الاهلى عايش هتبقى فى نظريه مؤآمره




زملكـآوى أه .. بس صحبى
وخد بالكـ احتمـآل كبير نمسك فى بعض قريب

[محمود الصاروخ]

اقتباس بص ياحودة هجيب من الآخر وباختصار شديد الدورى السنة دة مكتوب بأسم الأهلى لداوعــــــي أمنيــــــــــة

الموضوع حاليا مش موضوع دوري أو غيره ياكريم
الموضوع ان كل واحد لازم ياخد حقه بشكل عام
مش هنقضيها دواعي أمنيه
^_^

[محمود الصاروخ]

اقتباس يا حوده المباره الاولي بتاع الزمالك انا شوفت المباره وشوفت الهدف مفيش حد طلع وقال كده الاسماعيلي اصلا مخترش ملعب الاسماعليه علشان يلعب عليه القمه في معادها يا برنس وهتتغلبو يرده كعاده ههههههههه

اتأكد انت يامعلم من كلامك
المباراه اقيمت في ستاد الاسماعيليه وهو الملعب الرسمي للمصري
وكانت وقتها مباراة المصري مش الزمالك
^_^

وبخصوص مدير الامن تقدر تجيب التصريحات الاخيره بخصوص الماتش
وهتتاكد من كلامي
^_^

أما بخصوص القمه
اديني حقي ياسيدي واخسر
بس اديني حقي والحق ميزعلش
مش كده ولا ايه ؟؟؟

[واد حبيب]

اقتباس المشاركة الأصلية كتبت بواسطة محمود الصاروخ اتأكد انت يامعلم من كلامك المباراه اقيمت في ستاد الاسماعيليه وهو الملعب الرسمي للمصري وكانت وقتها مباراة المصري مش الزمالك ^_^ وبخصوص مدير الامن تقدر تجيب التصريحات الاخيره بخصوص الماتش وهتتاكد من كلامي ^_^ أما بخصوص القمه اديني حقي ياسيدي واخسر بس اديني حقي والحق ميزعلش مش كده ولا ايه ؟؟؟

الفريق البطل يا حوده
مش بيدور علي الحاجات دي
البطل بيكسب اي فريق حتي لو لعب في الصين

[محمود الصاروخ]

اقتباس سيبك انت بقى يا حوده من الهرى بتاع كل سنه واتحاد الكوره ولجنه الحكـآم والمسـآبقــآت انت عارف من الاول ان الاهلى مبيلعبش فى مدن القنـآه ومتقنعيش ان الاهلى بقى الاهلى السكندرى .. وكده كده الماتش من غير جمهور والاهلى بيلعب فى الملعب ده عشان هو انضف ملعب يعنى مش بتاع الاهلى زى ما بتقول امـآ مباراه القمه وموضوع رمضان ف الاهلى من حقه انه يقول لاء فى الوقت ده وبعدين انت لو هتمشى ورا رئيسكـ ف انت يبقى من الاساس على باطل

ياراجل حرام عليك يعني ايه مينفعش ياكبير ؟
ولما هو مينفعش ليه بتحط قوانين من البدايه ؟؟
طيب مامن البدايه بقي الدوري كله يكون علي ملعب واحد وخلاص
يامعلم اسلام ، انت راجل فاهم كوره ومتابع بشكل كبير ف من الاخر
ميبقاش ده كلامك ، ماتشات الدوري بيكون ماتش ذهاب وعوده
ماتش علي أرضك وماتش بره ارضك ياكبير
ولما مشكلة الملاعب مابتفرقش يامعلم
ليه الاهلي صمم انه يلعب علي برج العرب ماتش القمه الاول ؟
وليه اعترض علي كلام الزمالك ياكبير ؟؟
فيه قوانين لازم الكل يمشي عليها وتطبق علي الكل

وبخصوص مباراة القمه ،
الاهلي من حقه يقول لا علي رمضان انه ميروحش المنتخب ،
وهنا يكون الموضوع بينه وبين اتحاد الكوره يجامله أو مايجاملوش ملناش فيه
لكن المباريات ليها قوانين يامعلم ، وعايزك تفتكر كلام اتحاد الكوره
ان الجدول مايستحملش أي تأجيل ولكن وقت مايقول الاهلي يبقي يستحمل

وعلي فكرة يامعلم بنفس مبدأك يبقي الزمالك بقي يلعب
كل مبارياته علي أي ملعب هو عايزه وهرد واقولك
ده احسن ملعب بالنسبه للزمالك ، مش كده ولا ايه ؟؟؟

المباراه ياغالي هي مباراة الاسماعيلي
والملعب الرسمي للاسماعيلي هو ستاد الاسماعيليه
والا مكانتش تبقي ذهاب وعوده
^_^

اقتباس ب النسبه بقى ل نظريه المؤآمره انتوى مش هتطلعوآ منهــآ ولو حلفتلى على المـآيه تجمد برضه مش مصدقكـ أصل آلآنتمـآء ده مآلوش دوآ انا معاكـ بس اللى انا عارفه ان انت ك زملكـآوى تخليكـ فى فريقكـ أنتوآ بتتكلموآ عن الاهلى اكتر ما بتتكلموآ عن الزمــآلكـ

بالظبط كده يامعلم إحنا عندنا نظرية المؤامره
وانتو كده بالظبط عندكو نظرية عدم الواقعيه
وفي أدله كتير علي الكلام ده بس مش موضوعنا بشكل عام

أما بخصوص أخليني في فريقي يامعلم
هنا هيكون فيه سؤال بسيط واتمني الرد عليه
هو الاهلي بيلعب في دوري والزمالك في دوري تاني ؟؟
لو كل واحد في دوري يبقي كل واحد في فريقه
لكن مانبقاش في دوري واحد ونشوف مجاملات ومانتكلمش
وعلي فكره انت كمان من حقك تتكلم علي الزمالك
فاهمني انت اكيد
^_^

اقتباس وان شاء الله الاهلى هيخسر من الاسمـآعيلى عشان يبقى ماتش الاهلى والزمـآلكـ هو الفيصل بينــآ ونبقى بقى نشوف الفريق العالمى ..

الاهلي هيكسب عموما وده توقعي بشكل عام
بس العب المباراه بره أرضك أو علي ارض الاسماعيلي
وان شاء الله كلامك ده يتحقق ، وبخصوص مباراة القمه
لنا لقاء فيها بإذن الله سواء حسم الدوري أو لا
^_^

اقتباس خد بالكـ انت لسه هتلعب المصرى وسموحه ..؟! ولسه فرق 5 نقط ..! ولسه طول ما الاهلى عايش هتبقى فى نظريه مؤآمره

وانت لسه هتلاعب الاسماعيلي والاتحاد
وعموما انت لو راجعت كلامي اللي فات بشكل عام في مواضيع كتير
هتلاقيني قايل مليون مره ان الدوري للاهلي بشكل عام لكن اللي بنطالب بيه
هو حقنا مش أكتر - هو الحق مزعلك ف ايه يامعلم ؟؟

اقتباس زملكـآوى أه .. بس صحبى وخد بالكـ احتمـآل كبير نمسك فى بعض قريب

ياعم هي الكوره تنفع اصلا من غير كل ده ؟؟
التعصب جزء من اللعبه اصلا وبعيد عن كل ده
أهلاوي وزملكاوي حبايب يعني انت ناسي ان
كابوهات الاولتراس صحاب اصلا ؟؟


حبيب قلبي يااسلام والله
^_^