على الشباك

دمعه حائره · منذ /06-30-2016, 11:30 PM

علي الشباك

تملي أنا واقفة بستناك

أسقى الوردة والفله

واستني منك ولو طلة

تاخدني معاك

وناس في الرايحة والجاية

يشاوروا عليا ويقولوا

شاغلها هواك

تغيب عني تحيرني

وعارف هاصبر اكمني

روحي واخدها معاك

ياما ليالي تزعلني

تسكت ولامرة تفهمني

بس أنا فهماك

حتي لو بتكشيره

ونظرة عينيك دي تأشيره

تاخدني معاها للجنة

أعيش وياك

وهافضل يوماتي كدة استني

علي الشباك
mena_hassan

30-6-2016

فداااااااااااء · منذ /06-30-2016, 11:37 PM

جميلة اوى منة
تسلم ايدك قمرى
ويدوم نبضك الحلو دوماا

*فجر الاسلام* · منذ /06-30-2016, 11:38 PM

رائعه كالعاده
يدوم هذا الابداع غاليتى
تحياااااتى

مُنـــــايا · منذ /06-30-2016, 11:48 PM

ولحروفك نكهة خاصه ...
تسلمي حبيبتي
ويدوم الابداع
لروحك السعادة

بنت خديجة · منذ /07-01-2016, 01:56 AM

عارفة لما قريتها افتكرت مشاهد في الافلام المصرية القديمة ايام فاتن حمامة وشادية وزهرة العلى وسعاد حسني
زمن فيه حاجة كدا مختلفة حتى لو كانت الافلام دي ابيض واسود بس نفس الاحساس الي بيعشنا فيها
مختلف
الشباك كان سر التقاء العشاق

بشكرك على هذه المعزوفة منة بجد شكرا

احساسى صحيح · منذ /07-01-2016, 04:42 AM

الله الله عليكى دمعه
دايما كلامك بيخطف قلوبنا ويعيشنا معاه حكايات جميلة
تسلمى يا رب ويدوم الابداع الجميل

βÄşmα ♥ · منذ /07-02-2016, 06:17 PM

حتي لو بتكشيره
ونظرة عينيك دي تأشيره
تاخدني معاها للجنة
أعيش وياك

تسلمي بجد حلوه اووي ♥ منتظره جديدك

ويبقى الأثر · منذ /07-03-2016, 12:27 AM

الله يامنه
جميله اوى حبيبتى
تقديرى وتقييمى

حكاية حب · منذ /07-07-2016, 02:56 PM

علي الشباك لقيتها الحلوه واقفه هناك

شاورتلي ورمشها سلم انا بستناك

قولت يا حلوه سامحيني علي النظره

بتقتلني وتحيني علي الشباك

روعه بجد يا دمعه

تسلم ايدك وقلمك وقلبك

مودتي وتقديري

جبل عالي · منذ /07-08-2016, 01:16 PM

ايوة بقا...رووعه يامنه فعلا ااا
فكرتني باغنيه نجاة الصغيرة
سلاسه تلازم قلمك الرقيق دائما
دمت مبدعه ورائعه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السباك ده اهبل ولا ايه ؟؟؟؟؟؟؟؟؟؟؟؟؟؟؟؟؟	ابراهيم دياب	صور - كاريكاتير - مناظر - خلفيات	22	02-04-2013 05:58 PM
بس مش هفتح الشباك	Lαzєzα	نكت - طرائف - وناسة - فرفشة	15	04-29-2012 02:02 AM
قبل ان تلقى نفسك من الشباك	دودو2000	مواضيع عامة - ثقافة عامة	2	12-13-2011 01:26 PM
نغمه عصفور طل من الشباك روعه mp3	شادي مان	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	1	05-04-2011 05:38 PM
دبور دخلي من الشباك......	ranomaa	نكت - طرائف - وناسة - فرفشة	10	04-23-2008 09:11 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

على الشباك

ابداعات الاعضاء العامية