قولولي رايكم

مساء الخير
انا حبيت احكي لكم على مشكلتي وعيزاكم تقولولي رايكم
انا بحب واحد والمفروض هو بيحبني وقعدنا مع بعض سنة ونص وهو ديما كان بيقول انه هيتقدم لي
انا بضايق من تصرفاته معايا لانه مش مهتم اوي
وانا اكتشفت انه بيكدب عليا في حجات كثير
لما واجهته بكدبه ليا بيقول لي دي كدبة بيضة عشان متزعليش مني
انا لما بتعصب بشتم صحابه وقرايبه بيني وبينه يعني مش قدامهم فهو بيزعل مني وبنتصالح بعدها
دلوقتي هو قفل عني الواتس من اسبوع مبقاش بيكلمني واتس ولما سالته عالفيس قال لي اصل تلفوني بايظ وبفتح الفيس من الابتوب
اكتشفت ان تلفونه مش بايظ ولا حاجة وانه مسح الواتس
وكلامه ليا قل عالفيس ومبقاش بيكلمني
بكلمه فيس مش بيرد عليا وبيتجاهلني وبيتهرب مني
وبعد كام يوم غياب لما رد عليا قال لي انا بعلمك الادب بس عشان بتشتمي قرايبي وصحابي ومش بتتصالحي بسرعة
وبعدها بيشوف كلامي برضه ومش بيرد
وبقيت انا وهو زي الاغراب عن بعض
يعني فين وفين اما يقول لي عاملة ايه انا ارد اقول له الحمد لله وميردش عليا برضه
ولما سالته قلت له انت عايز نفركش يعني ليه بتعمل معايا كده انت اتغيرت بيقول لي لاء انا عايزك ومش هسيبك بس بعلمك الادب بعدت عشان تعرفي قيمتي وعشان تتغيري وتبطلي تشتمي ف قرايبي وصحابي وتبطلي عند معايا
وانا مش قادرة استحمل طريقته الجديدة دي معايا
انتو شايفين ايه ؟ وايه رايكم في اللي بيحصل بيني وبينه ده ؟
عايزة اعرف اعمل ايه واتصرف ازاي

[Aya 7ekaya]

بصى حبيبتى
اللى بيحب حد مستحيل يتعامل بالجفاء ده
ولا يكون عنده المقدرة انه يبعد واصلا يقول كلمه اعلمك الادب دى !
كل اللى عايزة اقولهولك من الاول العلاقه دى مش تمام
وهو لو عنده نيه انه يتقدم ليكى ليه كل ده مش اتقدم ؟
مهما كانت الظروف !
ليه يكدب لو بيحبك !
من الاخر انتى لازم تاخدى قرار وتبعدى ولو رجع كلمك تانى ف اعرفى انه كان ضامن وجودك ف بيتعامل معاكى انك شىء مهمل ولما تحاولى تبعدى هيقولك نرجع اللى فات وده هيكون اكبر دليل على كدبه وانه بيتسلى مش اكتر
الحل الوحيد انك تبعدى وتاخدى القرار بقوة علشان ربنا ، بنيه ان ربنا يعوضك خير ببعدك عن الشخص ده وتعرفى انك اغلى من ان واحد يتجاهلك او يكدب عليكى وف الاخر يسيبك ويجرح قلبك

وربنا يسعد قلبك ي قمر

[۩۩ elMagic ۩۩]

باين انك مقابيلتوش ولا شوفتيه قبل كده في السنه والنص دول !
انك تكملي بالشكل دا عموما
فا بترخصى نفسك وباين انه بيتسلى !
وبعدين العلاقات اللى زي دي
مع تقديري ليكي ولكنها تعتبر مشبوهه بتضرك انتي قبل اى حد تانى ،،
ان متحطتش خطوات متسستمه تمشوا عليها في اطار محترم
لغاية ما ربنا يجمعكوا مع بعض في النور زي ما الدين بيقول
يبقى بطلي تتكلمي معاه وانسيه وشوفي حياتك بشكل مختلف
وابعدى بقى عن جو الفيسات والواتسات داا
ربنا يصلحلك امورك ويقدملك اللى فيه خير

[الفيلسـوف]

مبدئيا رمضان كريم
لو حنتكلم عن العلاقه بوجه عام
اولا العلاقه فيه شى غلط منك اولا هو ماينفعش يكون لما اتعصب اشتمه بااهله واصحابه
وهنا يكون العلاقه خل فيه شى من شروط الخلال هو الاحترام
ثانيا مافيش حاجه اسمها بعلمك الادب اللى يحترم حد ويحبه
يكشف ليه عيوب ويحاول يصلحها معاه لانى اى بنى ادم جواه الخير والشر
واى انسان جواه عيوب زى مافيه مميزات يعنى اللى يحب يحب العيوب والمييزات
من وجهه نظرى دى حجج غير منطقيه انتى اعترفتى بالغلط وهو عاقبك
ف الحل عندك دلوقتى الصمت وليس التجاهل لحد اثبات ان كان نيته صادقه ام لا
خاص شكرى وتقديرى

[ParoOo]

انا عملت زيك كدا رخصت نفسى اوى واخرتها وقــعت فى مشاكل كتيره واتجوزت بدرى وخلفت بدرى
علشان كنت فاكره ان الحب كل حاجه وحاجه حلوه
نصيحه منى ابعدى انتى مفيش اتنين كلموا بعض من غير حاجه رسميه وعاشوا مع بعض حيااه سعيده
وكام يوم وهيتصل بيكى وهيقولك آسف مش هقدر اكمل معاكى وهيتكلم كلام فاضى فبلاش تجرحى وترخصى نفسك اكتر من كده .. وابعدى !!

[حـيـــــآة ❤]

بعلمك الادب

من الواضح انه بيتسلي بيكي ياحبيبتي
دي مش طريقه واحد عايز واحده وشاريها
دا بيخاول يبعدك عنه بشتي الطرق
بس مش قادر يجيبها من ناحيته عشان ميبقاش واخد دور الشرير
وانتي البريئه المضحوك عليها!
انتي فهمتيني
فـ من الافضل لكِ الابتعاد من دلوقتي قبل اي تطورات

ولو حدثت تطورات اظن عمرك ماهتقدري تستحملي العيشه،دي
لا انتي ولا غيرك
معايا؟
فـ انهي الموضوع بكل اريحيه دا قرارك
..
تحياتي ليكي الله يسعدك

[SaMa.]

رئي انك تدعي ربنا كل يوم انو يبعدو عنك
وتخفي من مرض الحب الل شعلقك بواحد
مبيحبكيش وارتباطك بيه اذي ليكي

[βÄşmα ♥]

اولا ربنا يكون فعونك
ثانيا حبيبتي ابعدي عنه المفروض انه الايام دي هتكون احلي معامله من نحيته ليكي وانتي عارفه ان الارتباط والخطوبه كل واحد بيبين للتاني اد اه هو غالي او مش غالي عنده
حبيبتي ربنا يعوضك بأحسن منه عمر ما حد بيحب حد ويقسي عليه اكتر من يوم ده لو قدر يكمل يوم .. دعواتي ليكي وربنا يصلحلك حالك ويوفقك للخير ديما ♥ وبلاش الفيس والواتس والكلام ده الراجل اللي بجد بيدخل من الباب ده كلام يمكن يكونلك كلام ناس قديمه بس ده الصح والموضوع ده ما ينفعش فيه غير الصح

[BaAnOtA 7eKayaa]

ربنا معاكى
رأيى ابعدى عنه لانه مش بيحبك :/
لو بيحبك عمره ما هيعمل معااكى كدا !

[Lamees]

باينة زي الشمس
الباشا زهق وعايز يغير
فاحتفظي ببقايا كرامتك
واديله السكة قبل ما يزحلقك هو