حُب مَهزوم ..!

[جنون قلب]

هِى شـآفته غير كُل النــآس
لآبس بدلته ومتهندم
طول وعرض ومنظر
وماشى على الارض يتغندر
وعنيه كُلهــآ إحســآس
جريت عليه ومدلهــآش اى وش
بصت فى وشه .. والحب جواها حرق القش
وبقى قلبهــآ ضعيف ومحتـــآس

عملت معاه اللى مـآ يتعمل
عشـآن يقرب مِنهَــــآ
ومهمــآ صدهـآ عمر قلبهـآ منه مـآ مل
وكأن بيتحمل
كانت تلبس اجمل فسـآتينهـــآ .. وتتجمل
عشـآن يلمحهـآ وهى مـآشيه فى الشـآرع
كأن برضه يسيبهــآ ويشمى
ومهمـآ نـآدته بيعمل نفسه مُش سَـآمع
قام الحب قـآلب معهــآ ب عنــآد
وحلفت تجيبه تحت رجليهــآ رآكع

الفكره مش أنه غَـآمض
ولآ إنهــآ حـآبــآه
الفكره انه سـآبهــآ
وهى اللى بتجرى ورآه
كـآن يتأخر عليهــآ ب السـآعـــآت
وبرضه هى تستنـــآه
الفكره فى قلب حـآبب الاختلآف
لقيت فيه الصمت عُنوآن
شىء غريب مشفتوش فى اى إنســآن

كـآنوآ الرجـآل يترموآ تحت رجليهـــآ
وكـآن عنتر زمـآنه يسيب عبله ويجيهـــآ
جـآرر ورآه الفين نَــآقه
وحـآلف ل يأخدهــآ ولو عمل مليون خنــآقه
هى على الغموض مبصتش
ولآ أهتمت
هى كـآنت عايزه إختلآف
وأول مـآ شـآفته
قوآم فى حضنه اترمت .
وأتـآسرت
وفى معركه حبهــآ أتهزمت
مـآ هى اللى دورت على المنظر
اللى فوق الغلآف

يوم زفـآفهم جـآلهــآ رآكب حُصــآنه
الكل شـآفوه واتمصمصوآ
وقـآلوآ يا بختهـــآ .. فـآرس زمــآنه
نزل ع الارض

وقـآل ليهــآ أنــآ مش ليكى
لآ كنت فى يوم حـآبكـ .. ولآ انا الكحل اللى فى عنيكى
ولآ آنتى كُنتى حـآبـآنى
انتى بس كُنتى عايزآنى
أكون مدآس فى رجليكى

زى صـآحبى اللى عملتى نفسكـ حبتيه
ولمـآ ضـآعت زهوته فى ثـآنيه خونتيه
ودورتى على غيره وكنت أنـآ
تصورتى يكون معايا الهنـــآ
ومنتظره انى اجى و اركع
لآ دآ آنــآ جـآى اقولكـ أن ده ذنب صـآحبى
اللى عمره مـآ هيسـآمح ولآ هيشفع ..


!!

[.Lamar]

يمكن دة طبع الانسان
يحب دايما الحاجة البعيد عن ايده
اللى يتعب عشان يوصلها
مبيحسش بقيمة الشىء السهل
بس هى هنا بتلعب بالقلوب
واللى حصل اقل عقاب تستاهله
داين تدان

جميلة خاطرتك اخى
تسلم ايديك

[ويبقى الأثر]

يعنى هيا كده شربت من نفس الكاس
وداقت يعنى ايه جرح وخذلان
جميله كتير جنون رغم قسوة العقاب
دام قلمك الجميل
ودام حضورك الاجمل

[Aya 7ekaya]

يمكن الانسان بيحب اللى مش ف ايده
الممنوع مرغوب
تسلم ايدك
دام الابداع

[SaMa.]

قصة بتتكرر كتير وبنشوف ناس
عاملين قلوب غيررهم لعبه وتسلية
عجبني الكلام ثانكس...

[راجعة لحبيبى]

تسلم اسلام
خاطره فيهاقصه حب مهدوم
قبل مايكون مهزوم
روعه كلماتك
لروحك السعاده

[مُنـــــايا]

كما تدين تدان.....
نموذج سيء لأنثي لا تهوي إلا حب الإمتلاك....
ولا يهمها إلا المظهر العام...

..........،
أبدعت سيدي في نسج حروفك
كلمات سلسة بانسيابيه رقراقة
عشت معها وكإنها قصة تسرد
سلمت وسلم نبض قلمك سيدي
لروحك السعادة....

[*فجر الاسلام*]

جميله اوى تسلم ايدك
وكما تدين تدان قاعده معروفه
تحياتى

[YOo YA]

وربنا عيني دمعت
دا واقعنا بالحياه
بنحب الحاجه الصعبه .. اللي شبه مستحيلل نطولها
نرمي حب ناس حبونا
ع شان نجري ورا قلبنا
ورا ناس مش فاكرينا اصلا
واقع مؤلم فعلا
احساس عالي بكلماتك اخي
تسلم ي رب
دوام الابداع
ودي ~