واحة اللغة والأدب

[حـيـــــآة ❤]

موضوع جميل
ومجهود رائع منك دكتور
متابعه

[د/ عبد الله]

أهلا بكم جميعا وكل الشكر لكم
أرجو أن يستمر التواجد والتفاعل

أبأ أسماء:
لم أفهم السؤال, فهذا ما نتحدث فيه بالفعل.

[د/ عبد الله]

بما إن أول سؤال كان خاص بالإملاء
فخلونا نكمل في الإملاء
وهنتكلم عن كتابة الهمزة اللي كتير بيغلطوا فيها دايما:

متى تُكتب الهمزة همزة قطعٍ ومتى تُكتب همزة وصل؟

على فكرة كتابة الهمزة ممكن تقلب معنى الجملة رأسًا على عقب.

لكن لو فيه أي أسئلة أو إضافة خاصة بنقطة الهاء والتاء , نشوفها الأول..

[حـيـــــآة ❤]

السلام عليكم
السيد الفاضل ابو اسماء بيتكلم عن
متي نكتب التاء كدا (ت)
ومتي تكتب كدا(ـة)

[رضا التركى]

بالنسبة لسؤال الاخ احمد الماجيك بخصوص التاء والهاء

يتبين لنا أنهما هاء وتاء

والتاء اللى بنقول عليها مربوطة اسمها الحقيقى ( تاء التأنيث المتحركة)

منها الساكنة والمتحركة الساكنة بقى تختص بالفعل الماضى زى غابت الشمس

ولما تكون ساكنة وييجى بعدها ساكن نضطر لتحريكها زى مثلا (قالتِ امرأة فرعون)

أما القسم التانى اللى هى متحركة

فدى تتبع الاسماء زى شجرة فاطمة حافلة من الآخر تدل على التأنيث

لو انت عرفت النقطة دى هتفرق بين الهاء وتاء التأنيث المتحركة

لاحظ كمان فيه تاء الفاعل زى فعلتُ أقمتُ شربتُ نمتُ

[د/ عبد الله]

شكرا ليكي حياة على التوضيح
وشكر خاص لأخي رضا على الإضافة اللي هتوضح لنا كتير

بخصوص كتابة التاء مربوطة ومفتوحة

التاء المربوطة هي وسط بين الهاء والتاء
أحيانا بتنطق تاء وأحيانا تنطق هاء

في حالة الوقف عليها بتنطق هاء
وفي حالة الحركة تنطق تاء
مثال: أحب اللغة العربية.
لما نيجي ننطق الجملة دي هننطقها كده:
أحب اللغتا العربيه.
اللغة نطقناها تاء لأنها متحركة ... العربية نطقناها هاء لأنها ساكنة
عشان كده كانت كتابتها وسط بين التاء والهاء

أما تاء الضمير فهي مفتوحة في كل الحالات:
سواء تاء الفاعل أو تاء المخاطبة أو تاء التأنيث
كتبتُ...كتبتَ ...كتبتِ

يعني الخلاصة:
التاء المربوطة(ة) تكتب في الأسماء اللى بتكون الهاء ملحقة للتأنيث سواء كانت متحركة أو ساكنة
التاء المفتوحة (ت).. تكتب في الضمائر فقط....يعني فى الأفعال

[أمنية شاعر]

السلام عليكم ورحمة الله و بركاته

لو سمح لي د / عبدالله

هناك قاعدة إملائية ثابتة - فيما أتذكر ، إذ أنَّ قراءتي في هذا الموضوع قديمة جداً لا تشذُّ إلَّا فيما ندر وهي:

جمع المؤنث السالم و ما يلحق به يكتب بالتاء المتوحة و مفرده يُكتب بالتاء المربوطة إلّا نادراً.

مثال: مسلمةُ-----------مسلمات
مؤمنةٌ ------------ مؤمنات
فتاةٌ ------------- فتيات
شجرةٌ -----------شجرات
حمامٌ ------------ حمّامات
سلام ----------- سلامات
بنتٌ --------------- بنات
لاحظ : أنّ ( بنت ) كتبت بالتاء المتوحة خلافا للقاعة في المفرد
أما ( ابنة - امرأة ) إذا لم تنسب لاسم الأب فتكتب بالتاء المربوطة
نقول: لي ابنة- لي امرأة
و أما إذا نسبت لاسم الأب جاز فيها الوجهان
نقول : ابنة عمران أو ابنت عمران
امرأة نوح - أو أمرأة نوح
و إن كانت التاء المفتوحة فيها أولى

والله أعلى و أعلم

إن كان فيما قلته خطأٌ فأرجو التصحيح من الأخوة الأفاضل و خاصةً د / عبدالله ، إذ أنّ قراءتي في هذا الموضوع قديمة - كما ذكرتُ آنفاً -.

جزالكم الله خيرا

[ويبقى الأثر]

ماشاء الله
موضوع مفيد جدا

وفى خطأ كمان بنقع فيه كلنا اتمنى توضيحه
فى كتابة حرف الياء اخر الكلمه
اما تكتب ى او ي فمالفرق

[د/ عبد الله]

اقتباس المشاركة الأصلية كتبت بواسطة أمنية شاعر السلام عليكم ورحمة الله و بركاته لو سمح لي د / عبدالله هناك قاعدة إملائية ثابتة - فيما أتذكر ، إذ أنَّ قراءتي في هذا الموضوع قديمة جداً لا تشذُّ إلَّا فيما ندر وهي: جمع المؤنث السالم و ما يلحق به يكتب بالتاء المتوحة و مفرده يُكتب بالتاء المربوطة إلّا نادراً. مثال: مسلمةُ-----------مسلمات مؤمنةٌ ------------ مؤمنات فتاةٌ ------------- فتيات شجرةٌ -----------شجرات حمامٌ ------------ حمّامات سلام ----------- سلامات بنتٌ --------------- بنات لاحظ : أنّ ( بنت ) كتبت بالتاء المتوحة خلافا للقاعة في المفرد أما ( ابنة - امرأة ) إذا لم تنسب لاسم الأب فتكتب بالتاء المربوطة نقول: لي ابنة- لي امرأة و أما إذا نسبت لاسم الأب جاز فيها الوجهان نقول : ابنة عمران أو ابنت عمران امرأة نوح - أو أمرأة نوح و إن كانت التاء المفتوحة فيها أولى والله أعلى و أعلم إن كان فيما قلته خطأٌ فأرجو التصحيح من الأخوة الأفاضل و خاصةً د / عبدالله ، إذ أنّ قراءتي في هذا الموضوع قديمة - كما ذكرتُ آنفاً -. جزالكم الله خيرا

أهلا وسهلا بك أخي الكريم
بالتأكيد تواجدك سيثري الموضوع وأنت لا تحتاج إلى إذنٍ للمشاركة
وكذلك الجميع, فالموضوع مفتح للمشاركة والتفاعل.

في الحقيقة أنا لا أعلم قواعد ثابتةً لكتابة التاء مفتوحة أو مربوطة
ولكن ما توصلت إليه بنفسي, وقد أكون مخطئًا:
أن التاء المفتوحة (ت) تُكتب إذا كان نطقها تاءً سواءً في حالة الحركة أو السكون

مثلا:
جاءت طالباتٌ كثيرات
التاء في جاءت ساكنة ونطقها تاء
التاء في طالبات هنا متحركة ونطقها تاء , كذلك لو كانت ساكنةً مثل كثيرات فنطقها تاء

أما التاء المربوطة(ة) فتُكتب في الكلمات التي يكون نطقها تاءً في حالة الحركة
وهاءً في حالة السكون
مثال: رأيتُ فتاةً جميلة.
التاء في رأيت متحركة ونطقت تاءً
التاء في فتاة متحركة ونطقت تاءً, أما لو كانت ساكنة مثل جميلة فتُنطق هاءً
وجميلة لو كانت متحركة لُنطقت تاء.

فالتاء المربوطة وسطٌ بين التاء والهاء, فتُكتب في الكلمات التي يكون نطق التاء فيها في
حالة الحركة والهاء في حالة السكون.

فهل كلامي صحيحٌ ؟

[رضا التركى]

بالنسبة لسؤال الأخت منة حرف الياء هناك فرق بين الياء و ألف التأنيث المقصورة

الياء حرف منقوط سواء فى الاول او الوسط او فى اخر الكلمة مع اننا اتعودنا

اننا نكتبها من غير نقط لما تكون فى اخر الكلمة وده غلط وأنا أول المخطئين

لانى ما زلت كالعادة بكتبها من غير نقط

أما ألف التأنيث المقصورة اللى بنقول عليها الف لينة تنطق الف وتكتب ياء

دى مش منقوطة ولازم يكون الحرف اللى قبلها مفتوح وبتكون فى اواخر الكلمات

استحالة تيجى فى وسط الكلمة او اولها زى سلمى حلوى سلوى نجوى هدى فدوى

وعلى حتى متى أبقى يخشى يقظى أمثلة كتيرة يعنى

عن فرض مثلا لو ياء فى كلمتين متشابهين زى

مصطفى ومصطفي هنعرف ازاى دى ياء ودى الف تانيث

لو هى اسم مفعول هننطقها مُصْطَفَى بقيت الف تانيث قبلها مفتوح ومش منقوطة

ولو هى اسم فاعل هننطقها كده مُصْطَفِي بقيت ياء مدية لان اللى قبلها مكسور

مثلا على وعلي هنعرفها من خلال سياق الكلام لو اسم تبقى علي ياء قبلها مكسور

لو حرف تبقى على الف تانيث مقصورة قبلها مفتوح

الخلاصة نكتبها حسب النطق لو ياء تتكتب ياء منقوطة حتى ولو فى آخر الكلمة

ولو نطقناها الف تتكتب ياء من غير نقط

اتمنى ان اكون وفقت فى الإجابة