حافظو على اطفالكم من الحضانات التى تسمي نفسها اسلامية

[جالس لحالي]

حافظو على اطفالكم من الحضانات التى تسمي نفسها اسلامية


مررت بجوار حضانات اسلامية ومعهد ازهري وسمعت المعلم يردد آيات الله والطلبة يرددون من خلفه

بسم الللللللللهي الرحمااااااااااااان الراااااااااااااااحيييييييييييييييم

الحمد للللللللهي رب العااااااااااالميييييييييين

الى آخر السورة !!

صوت عالي , ضوضاء , تلوث سمعي , حفظ وصم بدون فهم

وان سألت طفل من هو الرحمن الرحيم مالك يوم الدين لن يجيب ولن يعرف الاجابة

ورب العزة قال فى كاتبه الكريم " افلا يتدبرون القرأن "

تجنبو تلك الحضانات وان كان ولا بد من ارسال اطفالكم اليها لانشغالكم بالعمل فاشترطو على مسؤولين تلك الحضانات على تجنيب اطفالكم الدروس كلها من الرياضيات واللغة العربية والتربية الدينية فقط دعوهم يلعبو

اطفالكم فى هذا السن هم مثل الاسفنج يمتصون كل شىء يتم تصديره اليهم دون التمييز بين الخطأ والصواب والدليل ان الطفل لا يتحدث العربية لان ابويه يتحدثونها ولكن يكتسبها من المحيطين به

تجنبو الشجار امامهم

تجنبو الكذب امامهم

تجنبو الالفاظ امامهم

لا تتركوهم امام التلفزيون

لا تتركوهم امام التلفزيون

لا تتركوهم امام التلفزيون


لا تذهبو للمساجد الا وهم معكم واشرحو لهم لماذا تصلون ولماذا تذهبون الى المساجد لا تجعلونهم مسلمين بالتبعية

اتركوهم للعب والابتكار بارخص وابسط الوسائل كالمكعبات

اجلسو معهم وعلموهم ولو لساعة واحد فقط فى اليوم الحروف والارقام وآيات القرأن

استخدمو معهم التحفيز كلما فهمو آية كافئوهم ولو بعناق تصحبه ابتسامه

هل يستطيع الفرد انشاء مبنى مكون من دور واحد فقط على الاقل بدون اساس

انتم من تبنون الاساس وعليكم التحكم فيه

لا تتركوهم فى المدارس الحكومية والخاصة والازهرية لمعلمين غير مؤهلين

تدخلو فى طريقة واسس تعليمهم

حتى لا تجدو جيل يخرج معتاد على الصياح والشجار والعنف والتشدد وبالاخير نسأل ما السبب

السبب هو نحن

[Aya 7ekaya]

اولا اعترض على التلوث السمعى لان القران مهما كانت طريقه تلاوته لا يجوز انه يتقال عليه ضوضاء وتلوث سمعى
تانى حاجة الاطفال زى الاسفنج بيمتصو كل حاجة ف السن ده الكلام هنا يتقال لو الحضانه بتعلم الاطفال بمناهج تحتوى على معلومات مخالفه للدين او للعرف
لكن لمجرد انهم بيحفظو مش بيفهموا ف هنا تقصير و الاعل مقصرين كمان
زمان الكتاب كان بيحفظ بنفس الطريقه مااعتقدش شوفت اطفال بيتعلمو قرآن بتفسيرة الا لو راح لشيخ مختص
ف هنا الافضل نقول تقصير لكن مش لدرجه تحذير
اعتقد فى مبالغه شويه

[حـيـــــآة ❤]

فعلا
وعلي راي المثل من بره هالله هالله ومن جوه يعلم الله
يعني مبينين انهم فاهمين وعارفين
وهما بالتفاصيل ولا حاجه
ربنا يهدي الحال

[احساسى صحيح]

مش عارف ليه بشعر دايما
إنك متحسس لأى حاجه فيها قرآن أو بتتكلم عن الدين
تقريبا شاهدت كل موضوعاتك
نفس المنهج والاتجاه والسلوك
إنتا تقريبا توجهك نفس توجه الحكومة فى إغلاق المساجد
ودور تحفيظ القرآن ومحاولة إتهامها إنها بترعى الارهابأو التشدد
بالعموم اخى الكريم الحضانات الاسلامية مهما كانت طريقة تحفظيهم
بالـتاكيد كل الاهالى بتراجع معاهم ما تلقوه من دروس
وتعيد عليهم ما حصلوا عليه وتعيد تحفيظهم
وهى مهمة لنا كالماء والهواء
وتعلم القرآن او التفقه فيه ليس فيه أى تشدد من أى نوع
ما هى إلا أقوال الكارهين للاسلام بالعموم
متهيئلى فى إتجاه عام من بعض الاتجاهات العلمانية التى ظهرت بكثرة فى الفترة الاخيرة وكل أو أغلبية تصريحاتهم هو رفضهم للدين أو التدين
وبكل أشكالة بل ظهرت أصوات بعدم تدريسة فى المدارس
وكأن الدين هو البعبع الذى يضج مضاجعهم ..

[جبل عالي]

سيدي الفاضل ... الاولى بنا المناداة بالابتعاد
عن صرعات الميديا المجنونة
اما ...غرس كلمات الله فمهما كان الاسلوب
او النطق او الصوت .........فهو ارحم بكثير


ولو لم يعي الطفل مامعنى البسمله في اوائل عمره
سياتى السن والوقت الذي يبدا عقله في تدبر ما قام بتخزينه
في تلك الحضانات ......ايا كانت ....

بالله عليك ...انا امر ع كثير من تلك الحضانات
واسمع اصواتهم .....فيهتز قلبي لذكر الله باصواتهم الجهورة
ولندعوا الى تزويد المناطق التى لايكون بها مدرسين
متمرسين ع القراءة الجيدة ...ومتابعين ع قدر من العلم
بدلا من هذا التحذير .....


ربما يكون قد خانك التعبير عما ضايقك من قراءة ساذجه


لكن لتعلم انك لو تابعت اذاعة القران الكريم
ستفاجئ ان هذه القراءة للتعلم يطبقها الشيوخ
في القراءات التعليميه بها


تقبل مداخلتي وكل التحيه والتقدير

[اميرة الحب الضائع]

الاول طبعا بعترض على كلام حضرتك ان القران تلوث سمعى

بص حضرتك مفيش حاجه اسمها حضانه اسلاميه اى حضانه بيبقاا فيها تحفيظ قران كريم

بنسبا بقا انك بتقول ان الاطفال مش فهمين فاده مش بتبقى مشكله لان فى فائه عمريه مش بتستوعب

الكلام ده انا وحده من الناس لما باجى احفظ الاطفال فى المسجد واحكلهم قصة السوره دى جة منين فى اغلبيه مش بتبقا مركذه انا بقول ايه اصلا فا بالتالى بدخل فى الحفظ على طول

انت لا تتخيل اصلا كم السعاده الى الناس بتيجى بس عشان تسمع صوت الاطفال دى وهم بيحفظو معيا حتى لو مش بالتجويد كون ان طفل يرتل كلمات الله عز وجل ده فى حد ذاته بيخلى القلب يفرح

وبعدين يعنى مش فهمه مشكلة حضرتك بدل ما تشجع الحضانات دى وتقول لازم نوعيهم حتى لو فى غلط تقول متودوش ولادكو منين بقا هيتعلمو ويعرفو ربنا

غرس حب الاسلام وطاعة الله عز وجل والمشى على نهج الرسول صلى الله عليه وسلم مش بيجى مره واحده ده بينشاء عليه الطفل زى ما كلنا اتربنا على ده

تحياتى بجد وبتمنى تراجع نفسك فى كلامك ده

[د/ عبد الله]

الطفل في السن ده بيبقى محتاج يحفظ لأنه مش هيقدر يستوعب الفهم
لكن ممكن نفهمه بعض الحاجات البسيطة سواء ف البيت أو الحضانة أو المدرسة
وهنا الدور بيبقى أكبر ع البيت لأن ف الغالب محدش ف المدارس بيشرح للطلبة
إلا لما يكونوا كبروا شوية.
فمتجيش تقولي ضوضاء وتلوث سمعي, وإن كانت الكلمة خرجت بدون قصد.
ومتجيش تحط كلام حلو نتقبله وسط الكلام عشان ده يتوه في ده
طريقة ومنهج معروف.
كان ممكن أخد كلامك بحسن نية لكن مواضيعك كلها متدلش على كده.

[حـيـــــآة ❤]

السلام عليكم
توضيح فقط
الاخ هنا بيقصد نقطه واحده
وهي ان احنا بنعبي اطفالنا وهما ميعرفوش بيتعبوا ايه
بعيدا عن المبالغات في السرد..
تحياتي

[حازم34]

مرحبا جالس لحالي ونورت قسم النقاش


اولا انا لا وافق ابدا ان صوت الاطفال في دور الحضانه وهم يرددون تلاوه القران تلوث


بل علي العكس ان صوتهم هذا مرفوع الي السماء ويبارك الله في اهليهم وذويهم ومن يحفظهم القران



من قال ان الطفل الصغير ابدا ادرسه التفسير ومعني القراءه لايمكن


ابدا


واعرف اطفال اقارب لي وانا منهم ولله الحمد كنا نذهب الي الكتاب وباللوح نحفظ القران ونضرب وطبعا ما كان فيه


معاني لكلمات القران وكلنا يحمل لوحه ونذهب


ولله الحمد والمنه كل هؤلاء استاذه بالكليات العلميه وبعضنا تم تكريمه من حسني مبارك والاخر من جميع ادارت التعليم



اذا كان هم الدوله الان مجاربه دور تحفيظ القران

تعرف جالس لحالي لو البلد عاوزه الخير كانت جهزت لهؤلاء ارقي واحسن المباني


لتعليمهم القران وكانت بكل حرص وحب لهم والله لنهضت البلد


لان حاقظ القران يخاف من الفساد واهله

واني ادعوا كل ام تكون حريصه علي اطفالها تحفيظ القران افضل من الحضانه الاجنبيه مليار مره



وعندي شاهد ودليل


ايوا بقي لما نلاقي الطفال في الحضانه بيسمعوا ميوزيك غربي علي صوت هادي يا حلاوووه


كدا يبقي مش تلو سمعي


صدقني كبلد اسلامي هيروح في داهيه


وانا معك ان التعليم في الصغر كا النقش علي الحجر


فالاطفال تتعلم وتتقن كل شئ في صغرها ولكن من بدايه المرحله التعليميه


ويجب ان يعلموهم الاباء كل ما هو جميل


هل تعرف سيدي ان هناك كبار متعلمين وصلوا للدرجات العليا من العلم


لايعرفوا ان يقروا الفاتحه صح ولايعرفون الفرق بين الرحمن والرحيم


اسال الله ان يرفع اسم مصر عاليا بالقران واهله وان يبعد عنها الفاسدين يارب


لك مني خالص التحيه والتقدير

[جالس لحالي]

اقتباس المشاركة الأصلية كتبت بواسطة aya 7ekaya اولا اعترض على التلوث السمعى لان القران مهما كانت طريقه تلاوته لا يجوز انه يتقال عليه ضوضاء وتلوث سمعى تانى حاجة الاطفال زى الاسفنج بيمتصو كل حاجة ف السن ده الكلام هنا يتقال لو الحضانه بتعلم الاطفال بمناهج تحتوى على معلومات مخالفه للدين او للعرف لكن لمجرد انهم بيحفظو مش بيفهموا ف هنا تقصير و الاعل مقصرين كمان زمان الكتاب كان بيحفظ بنفس الطريقه مااعتقدش شوفت اطفال بيتعلمو قرآن بتفسيرة الا لو راح لشيخ مختص ف هنا الافضل نقول تقصير لكن مش لدرجه تحذير اعتقد فى مبالغه شويه

كتاب الله ليس مصدر للتلوث السمعي ولن يكون مصدر ولكن اصبح وسيله

والفرق بين المصدر والوسيلة معروف ومكبرات الصوت فى الافراح والافتتاحات خير دليل

معلمي الحضانات فى الغالب يكونون ربات بيوت غير مؤهلين ومن واجبنا كما يحدث فى كثير من البيوت التعاقد مع شيخ يقوم بالحضور الى المنزل لتعليم الاطفال كتاب الله او معلم خريج تربية نوعية ورياض اطفال يعي ما يقوم بتدريسه

شكرا على النقض البناء