المصريين فى شرم الشيخ شغل فلاحين

[جالس لحالي]

فى فصل الصيف من كل عام نلاقى حملة من الشباب الفانكي الى خايف على سمعة البلد

الحملة مختصرها ان فى اوباش وناس بيئة وفلاحين بيطلعو على شرم الشيخ وبينزلو البحر بالجلاليب وبالملابس الداخلية وكلام بقى يحسسك ان الناس دي هكسوس ومحتلين للبلد

لازم تعرفو ان الفئة الى بتشوفها من الشعب بالمنظر ده هما اكبر فئة طالع عين ابوها ومصدقو يلاقو منفس فى حياتهم يرفهو بيه عن نفسهم بابسط الطرق وباقل الاسعار

وبعيدا بقى عن قصة السياحة المضروبة وارتفاع الدولار واغلاق عدة فنادق سياحية

سيبو الناس تعيش

الناس دي قبل 2011 كانو بيسمعو عن شرم وبيشفوها فى التلفزيون على انها بلد تانية مش فى مصر ومحرمة عليهم بسبب ارتفاع سعر المعيشة فيها

الناس دي مش ذنبهم انهم بيتعاملو بطبيعتهم فى مكان المفروض تكون ثقافتهم احسن من كده علشان مظهر العالم

بدل ما تتريقو عليهم وصوتكم يعلى لمنعهم وانقاذ شرم الشيخ منهم

لازم تفتكرو ان بلدنا نصها فلاحين والنص التاني صعايدة

ويا تشوفو طريقة تعلمو الناس فيها ازاي يتعاملو فى الاماكن السياحية يا تفكو القصة من دماغكم

[Lamees]

اجمل حاجة في بلدنا شعبها الطيب الفلاح والصعيدي
واحنا اولى ببلدنا من الغرب
وياريت الفئة العالية متتريقش على الغلابة
لانهم اصحاب البلد الاصليين
شكراً للطرح

[αЛαstoOorα]

وهما اللي مش لابسين جلاليب آساسهم آيه؟؟
من آنجلترا؟
مهو كلها فلاحين وصعايدة ..بس فيه اللي بينسي آصله
وبيعيش الدور وبيكتبر ع الغلبان ..وفيه اللي عارف ومتآكد
آن هو من الناس دي والناس دي منه مهما كانت ظروفه
غير ظروفهم او مظهره وسلوكه غيرهم بس ف النهاية
عارف آن هو والناس دي طينة واحدة وبيتصرف ببساطة