" كان يامكان "!

[αЛαstoOorα]

كان يامكان فارس هيمان
كان في مره بنت جميله
شافها الشاطر فارس جايه
شاور هو عليها بفرحه
وقال لصحابه ياناس مين ديه
ردو قالولو دي مش آنسيه
دي ملاك جايبه آميرنا هديه
بنت آمير الدولة دي هي
بص عليها وكات نظراته
بتحرك جواه دقاته
ومحسش آن بخطواته
كان واقف قدمها بذاته
وقفت هي كمان قدامه
بصت جوه عنيه ملهوفه
ضحك الشاطر فارس ليها
قامت هي كمان مكسوفه
قالها جالي ف يوم عراف
فك الخط عليا وشاف
قالي ف يوم هتحب آميره
ف عيونها ملامح م الجنه
ومنقوشه آديها بالحنه
وقوامها ملوش ف الآوصاف
آوعي يافارس منها تخاف
هيكون ليها العشق بحاله
ويدندن قلبك مواله
لحظة ما تشوفها مكسوفه
لو خطفت عينك م الزحمه
آو وقفت وعليك ملهوفه
يبقة الحب اللي بتندهله
هي مكانه وبلده وآهله
وآنا شوفتك وآهي جتلي الحاله
نفس كلام العم آبو شالا
آنتي حبيبتي اللي مكتوبه
جوه كفوفي آهو ف رساله
قالت هي طب آسمك آيه؟
قالها قلبك عاشق لي
فارس من فرسان البلده
يا ملاك عمري وغزاله شارده
ههههه
كفاية كدا هكملها بكرة ^^
بس قولولي رآيكم

[بنت خديجة]

تحفة فارس كملها بجد

[*فجر الاسلام*]

جميله ايها الفارس العاشق
كمل بقى
ربى يسعدك

[دمعه حائره]

يسلام على الحب والاحساس فى كلامك
كلمات فى منتهى الجمال
مبدع من يومك

[حكاية حب]

جميله كلماتك يا منش

طيب في انتظار تكمل الحكايه

ونشوف الشاطر فارس هيعمل ايه

روعه بجد يا برنس

مودتي

[ويبقى الأثر]

فارس انت فنان بجد

[αЛαstoOorα]

منورني يا جماعه
ربنا يخليكم
آنا بكتب ليكم والله

[فصيح]

كملها يا غالي
تحياتي