الدرس الاول ... فوتوشوب سكول

[.Lamar]

مساء الخير على الجميع انهاردة هنبتدى اول درس فى دورتنا للفوتوشوب الكل اجمع ان الصور اسهل فى الفهم بس للاسف هى اصعب جدا فى الشرح فاللى مش هيطبق هو حر و هنا هتنزل التطبيقات بس واى سؤال هيكون فيه موضوع تانى هيتعمل مع كل درس المهم نبدأ كدة بسم الله و نفتح الفوتوشوب و هنلاقى عندنا قائمة افقية وواحدة رأسية هنتعلم سوا المهم منها و انهاردة هنشوف كلمة file مخبية لنا جواها ايه اول حاجة new ودى نضغط عليها حين نكون هنفتح عمل جديد و ممكن نفتحها اننا نضغط ctrl+n ودة اختصار من اختصارات الفوتوشوب بدل ما نضطر نستعمل القوائم هتنفتح لنا مستطيل فيه عدد من الاختيارات مكان لاسم العمل اللى هنفتحه بنضبط المقاسات عرض وطول وشغلنا كله بالبيكسل الدقة غالبا بتكون 72 و اخر حاجة الخلفية لما نفتح السهم هيطلع 3 خيارات زى كدة نختار اللى يناسبنا و نضغط ok لو اخترنا اول حاجة white هيتفتح لنا خلفية العمل اللى هنشتغل عليه بالشكل دة و لواخترنا transparent هتطلع بالشكل دة و ان اخترنا background color هتاخد دايما لون المربع السفلى و دة هنعرفه بعدين تانى حاجة فى قائمة file هى open واختصارها ctrl+o ودى بنختارها لما نكون هنفتح صورة من جهازنا على الفوتوشوب هيتفتح نافذة نختار منها الصورة و نضغط open هنعرف دلوقتى حاجة مهمة و هى فك القفل عن اى صورة لما نفتح الصورة على البرنامج صور كتير هنلاقيها كدة بصوا الدايرة الحمراء دى معناها انى مقدرش اشتغل عليها اول حل ليها نيجى عند القفل و نضغط مرتين هتنفتح نافذة و نضغط ok لو ما اتفك القفل هنيجى على كلمة image ونختار mode وبعدها نختار RGB color و نروح تانى للقفل و نضغط مرتين و ok هنلاقى القفل اختفى كدة يتبع ......

[.Lamar]

نيجى نكمل مع قايمة file فيه اختيارين مهمين اولهم save as و اختصارها من الكيبورد shift+ctrl+s ودى بنستخدمها لما نحب نحفظ شغلنا كملف مفتوح ممكن نعدل عليه بعدين بسهولة نضغط هيتفتح نافذة هنختار منها المكان اللى نحب نحفظ الصورة فيه و اول حاجة اسم العمل اللى هنحفظه هيكون ايه و التانية هى الصيغة اللى بتخلينا نحفظه كملف مفتوح و نضغط save تانى حاجة مهمة بأة هى save for web ودى الصيغة العادية عشان نقدر نحفظها و ننزلها على المنتدى كمثال بعد ما نضغط عليها هتتفتح نافذة تانية نشوفها سوا بنختار منها صيغة الصورة وجودتها ونعمل save بعدها نختار مكان حفظها على جهازنا وخلص نيجى لنقطة مهمة جدا و هى صيغة الصور و الصيغ المعروفة هى jpg ودى للصور الثابتة العادية وصيغة gif ودى لحفظ الصور المتحركة و صيغة png لحفظ الصور خلفيتها شفافة و من السهم زى الصورة بنختار الصيغة المناسبة قبل الحفظ يا رب يكون مفهوم لحد كدة الواجب بأة الصورة دى هنحفظها الاول ونروح نفتحها بالفوتوشوب ونرجع نحفظها على جهازنا بصيغة gif ونحطها فى درس التطبيقات و الصورة دى هنحفظها وعايزاها تتغير بالفوتو لصيغة jpg كدة درسنا خلص و بتمنى من الجميع يلتزم و يطبق لان دة بجد اللى هيحدد هنكمل ولا تعبنا مالو لزوم اشوفكم على خير و اى سؤال ينزل فى موضوع الاسئلة الخاصة بالدرس دة هنا التطبيقااااات بس

[Aya 7ekaya]

مجهود جميل ي ميرو وشرح سهل خالص
وليا باك بقا

[Eng Esraa]

تٌـسِـلَمًيِّ عٌ مًجّـهّـوٌدٍکْ يِّأّ قُلَبًيِّ
هّـفُـتٌـحً مًنِ أّلَجّـهّـأّﺰ أّنِفُـذِ وٌ أّرجّـعٌلَکْ

[۩۩ elMagic ۩۩]

ميس لمار
انا المفروض اعمل الواجب دا بردوا
مش كبرنا عليه ولا ايه

[حـيـــــآة ❤]

مجخود جميل اوي ياقلبي

[شاعرة الرومانسيه]

يااااااااابخت بقن الى بينفذ

انا متغاظه كان نفسى امسى معاكى خطوه خطوه

هاعمل ايه بقن فى الحظ السىء

[YOo YA]

بجد مجهود رائع
وكمان متعب
ربنا يعينك بقا
كنت اتمني ابقي فاتحه من جهاز
ع شان اقدر اشارك معاكي
ف الحاجات اللي مش اعرفها اوي ع الفوتو
متابعه يمكن استفيد

[دمعه حائره]

ماشاء الله مجهود عالى انا عارفه قد ايه الشرح بالصور صعب
وكده انتى عملتى اللى عليكى واكتر وان شاء الله الكل يطبق الدروس
وانا تطبيقى اهو وتقديرى لمجهودك العالى
بس سؤال يطرح نفسه احنا بنستفيد ايه من صيغه الحفظ دى؟
والدرس الجاى لو سمحتى عاوزاه تصميم عن الحج

[شاعرة الرومانسيه]

اقتباس المشاركة الأصلية كتبت بواسطة ۩۩ elmagic ۩۩ ميس لمار انا المفروض اعمل الواجب دا بردوا مش كبرنا عليه ولا ايه

انا شامه ريحه تريقه على الضغننين المبتدأين الى زى حلاتنا

ربنا يخليكى لنا مس لمار