في زماننا

[ahmed 22]

في زماننا .. الحلم مجاني
بس الرحلة شاقة ..
وفي ناس تعيش الآه
من غير ما تعلي ..
وناس تصاحب لاء
وفي لحظة تصفي ..
وناس تفسر حلم
تلاقيها تغني ..
وناس تخاصم ذنب
وفي الهم راقدة ..

في زماننا .. العلم بفلوس
بس يقولوا مجاني ..
الورقة فيه عطية
لاء دي أغلي هدية ..
دي شهادة ممضية
جناب الدكتور .. لاء مش أنا
بس الحياة تيكية ..

في زماننا .. أصدروا كتاب الضحية
وبرعاية إنسانية قتلوا فينا المرجعية
صدروا الخوف بالدعاية
خوف مبرر .. قوم وفكر
مين يهمك ؟ مين يذمك ؟
مين يقولك؟ مين يعيدلك ؟
وفي سؤالك .. دي إجابتهم
ريحتهم .. عاشوا فيك
وبقيت ساكنهم ..

في زماننا ..الصورة كدبة
العالمة نجمة .. الصوت ده لعبة
الخوف ده نعمة.. الحق نقمة
السور طويل .. الجاب كبير
العيب خطير .. الموت ضمير ...

في زماننا .. الحياة هي الضحية
لناس رسموها لوحة جدلية
مافيهاش تواصل
قطعوا الاواصل ..
بدعوا الكلام ... عزفوه أغاني
خلص الكلام .. وبقت الأماني ...

[ندوشه 2011]

في زمانه تلاقي كل حاجه وحشه. في زمانه متلاقيش حد مخلص في زمانه تلاقي العالم بتتسلى ببعض في زمانه تلاقي كله بيخدع بعض انا تعبت

[بنت خديجة]

في زمننا لا شي يمشي بالطريق الصحيح كله عكس الطريق

تحياتي لقلمك والموضوع ذاته
احمد شكرا لك

[توحد ارواح]

الزمان هو الزمان
ولكن ما تغير هو نفوس الناس
تحيتى لجميل ما كتبت

[ايمان طلعت]

في ذلك الزمان سترى العجب
فلا يوجد شئ صحيح
بل كل شئ اصبح معكوس
تحياتي

[شاعرة الرومانسيه]

كلمات راقيه اخى

تسلم ايديك

[SaMa.]

صح كلامك وعجبني اووي
ثانكس احمد

[ahmed 22]

اشكر لكم جميعا طيب حضوركم ..
احترامي وتقديري للجميع ..

والعذر ان لم اتمكن من الرد كل تعليق علي حدا ..