دى البطــولة ب اختصـــار :))

[همس الكناريا]

دى البطــولة ب اختصــار / الملحمة الكل قال العنعنه إلا أنا أيوه انا / أنا مش هقول لك عن و عن وأرمى التهم ب مسكنه أنا اصلى خوفى خلاص رميته فى القنا من كاااااااااااااام سنة جثة يهودى معفنة / ديت يا سيدى مقدمة ونسيت اقول لك مين أنا أنا اللى غيرت التاريخ وجعلته يبدأ من هنا / من عندنا لما نطقنا البسملة والله أكبر شدنا صوتى ارتفع وقلت أنا أيوه أنا / ومش لازم لى عنعنه خلاص عبرنا القنا كل يهودى اتفنى وشلت على كتفى الهزيمة رمتها خارج أرضنا جثة يهودى معفنه عرفت طبعا مين انا دلوقتى اقول لك مش أنا دا أنت وأنا و دا كمان / ودا ودا اللى هناك واللى هنا واحنا الجميع وكلنا اللى صنعنا الملحمة / 6 سته أكتوبر ميلادى 10 عشره من شهر الصيام ده تاريخ طرد الأعادى اليهودى ابن الحرام عيد وبتعيشه بلادى / فى الميعاد ده كل عام نفتكر تحريرنا سينا وقتل أولاد اللذينه ورفع راية الأنتصار درس فى فنون القتال أبتدى قبل العصارى وانتهى ساعة الفطار كنا فوق بارليف بنضحك والعدو بلغ فرار / ملحمة بالمجد تنطق حرب أغرب م الخيال مهما قالوا وكتبوا عنها لسه فى الجراب كمان لسه قدام منى مشهد صعب يطويه الزمان كان زلازل كان بركان / كانت الأرض تزمجر والسما ب جنودنا تمطر ومن القنال طالع حيتان غيروا وجه التاريخ خلوا جيشهم اللى كااااااان واحنا أسياد المكان دى البطوله ب اختصار أتخلق م الليل نهار / أصبحوا فى ساعتين وليمة فوق موائد الفطار بس مين فى الصوم ها يا كل لحم خنزير أو حمار ...؟ .:::::::::::::::::::::::::::::::::::: همس الكناريا

[*فجر الاسلام*]

تسلم ايدك جميله اوى
ربنا يحفظ مصر من كل سوء
تحياتى

[SaMa.]

حلوووةاووي همس تحيا مصر

[دمعه حائره]

كل عام ومصر بشعبها وجيشها بخير
رائعه انتى همس كلمات فى منتهى الجمال

[a7med -3del]

عجوز شمطاء تتكلم عن مدي جمالها ايام الصبا والشباب
وانها كانت وكانت.. ودلوقت هيا عايشة في الوحل
ده تعليق عن الحالة اللي هي مصر
اما الكلمات
فانتي معجونة كلام
شاطرة وعندك مصطلحات جديدة ومميزة
تحيات

[همس الكناريا]

اقتباس المشاركة الأصلية كتبت بواسطة a7med -3del عجوز شمطاء تتكلم عن مدي جمالها ايام الصبا والشباب وانها كانت وكانت.. ودلوقت هيا عايشة في الوحل ده تعليق عن الحالة اللي هي مصر اما الكلمات فانتي معجونة كلام شاطرة وعندك مصطلحات جديدة ومميزة تحيات

مهما كانت ما تمر به هذه العجوز في نظرك
في نظر غيرك تظل عروس بأبهي زينتها
ولكن تمر بحقبة زمنية سيئة ...وليس لزاما علينا أن ننفر منها لمجرد ما تمر به
وليس العيب فيها كوطن ...بل العيب فيمن يسكن الوطن ..ومن أدي إلي ضعفها

عارف لو مصر بتتكلم يا أحمد كانت قالت ايه؟

بتقتلني يا ابني
خلاص بقيت مش مني
دانا ياما شلتك
ورويتك بدمي
ياولدي دانا حميتك
وربيتك وشرفتك
لماكنت بتحزن يابني
سهرت عليك وحضنتك
ولما كنت بتفرح
كانت شمسي بتضحكلك
ليةبقيت جاحديا ولدي
دانا عمري ماظلمتك
عايز تعريني يابني
داانا أم الدنيا وياماسترتك
خلاص ياا ابني
دنا ياما نصحتك
ياة يابني مش مصدقة
شرورك وغباوتك
بقي مسلم وحافظ قرآن
يقتل أمه
أنا خلاص حرمتك

[a7med -3del]

اقتباس المشاركة الأصلية كتبت بواسطة همس الكناريا مهما كانت ما تمر به هذه العجوز في نظرك في نظر غيرك تظل عروس بأبهي زينتها ولكن تمر بحقبة زمنية سيئة ...وليس لزاما علينا أن ننفر منها لمجرد ما تمر به وليس العيب فيها كوطن ...بل العيب فيمن يسكن الوطن ..ومن أدي إلي ضعفها عارف لو مصر بتتكلم يا أحمد كانت قالت ايه؟ بتقتلني يا ابني خلاص بقيت مش مني دانا ياما شلتك ورويتك بدمي ياولدي دانا حميتك وربيتك وشرفتك لماكنت بتحزن يابني سهرت عليك وحضنتك ولما كنت بتفرح كانت شمسي بتضحكلك ليةبقيت جاحديا ولدي دانا عمري ماظلمتك عايز تعريني يابني داانا أم الدنيا وياماسترتك خلاص ياا ابني دنا ياما نصحتك ياة يابني مش مصدقة شرورك وغباوتك بقي مسلم وحافظ قرآن يقتل أمه أنا خلاص حرمتك

انتي اللي علمتيني ااسي
وكرهتي قلبي الحياة
امشي الف خطوة ليكي
وانتي عكس الاتجاه
ابقي عايش كل همي
تبقي اجمل حاجة ليا
تدي ضهرك للي حابك
وببساطة تهدي فيا
ازاي اشوفك شمس عمري
وبتيجي يوميا عليا
مش ابنك انا ولا انتي امي
الام يعني الامان
يعني الحنان والحنية.
وانتي عملتي كل حاجة
واي حاجة
الا هيا
حاضر هاعيش ساكت
وهاغمض عينايا
ولو سالوكي انا موت ليه
قولي مالوش ديا
ابني جاحد
ابني رافض
وانتي خالص مش مؤذية

[همس الكناريا]

اقتباس المشاركة الأصلية كتبت بواسطة a7med -3del انتي اللي علمتيني ااسي وكرهتي قلبي الحياة امشي الف خطوة ليكي وانتي عكس الاتجاه ابقي عايش كل همي تبقي اجمل حاجة ليا تدي ضهرك للي حابك وببساطة تهدي فيا ازاي اشوفك شمس عمري وبتيجي يوميا عليا مش ابنك انا ولا انتي امي الام يعني الامان يعني الحنان والحنية. وانتي عملتي كل حاجة واي حاجة الا هيا حاضر هاعيش ساكت وهاغمض عينايا ولو سالوكي انا موت ليه قولي مالوش ديا ابني جاحد ابني رافض وانتي خالص مش مؤذية

هتفضل حتة مني
مهما تقول لا
حتي لو قسيت عليا
ورفضت فيا الحياة
يا كل جرح وألم
طالت بيا المعاناة
يوماتى صدمة وندم
على حلم مني تاه
مرت سنين م الزمن
مش لاقية شئ جنيناه
وكل ما أزيح جبل
ألاقى تانى وراه
احترت فيك يا زمن
والجرح زاد مأساة
بتعشقو ترابي نعم .. ؟
والعشق يا محلاه
من نيل وأرض وعلم
سد وهرم وقناة
لكن فى قلبى ألم
وجرح صعب أنساه
العدل فيا أنعدم
والظلم توبه رماه
واضح وبقى فى العلن
بقينا نتعاطاه
شربت كأس المحن
من طعمه مليون أاااااااه
أدمنا دمع الوجع
أصبح رتم الحياة
سؤال مالينى شجن
والرد بستناه
لحد امتى كده
ردوا يا خلق الله

[a7med -3del]

اللي جوه قلبي منك
حب لكن حب مر
اللي عايش فيا جرح
الف ظلم بطعم قهر
وانتي كاسرة حتي ضهري
ازاي اكون انا ليك ضهر
وازاي اعيش
وانا ماليش
ولا باقي عمر
هاموت هاموت
اوقات سكوت
ومفيش مفر
ايوة انا منكرش
كبرت فيكي
وانحنيت
وانا بين ايديكي
خدت عمري
وفرحي مهر

[همس الكناريا]

اقتباس المشاركة الأصلية كتبت بواسطة a7med -3del اللي جوه قلبي منك حب لكن حب مر اللي عايش فيا جرح الف ظلم بطعم قهر وانتي كاسرة حتي ضهري ازاي اكون انا ليك ضهر وازاي اعيش وانا ماليش ولا باقي عمر هاموت هاموت اوقات سكوت ومفيش مفر ايوة انا منكرش كبرت فيكي وانحنيت وانا بين ايديكي خدت عمري وفرحي مهر

أقول إيه
ملتمسة ليك العذر
ليه وفين وازاى وامتى .. ؟
أسئلة حيرة وشدة
عن وطن تاهت معالمه
وسط ألف طريق وسكة .. !
الوجع فارد جناحه
ع الجميع فى كل حته
ع الجولان أطلع ونادى
يسمعك اللى فى غزة
وف جنوب لبنان حكاوى
مين ها ينسى جنين وصبرا
وانتى يا قدس المداين
الف دمعة عليك وحسرة
يا نجف
ع الجمر صابر
وف قلوبنا إشارة حمرا
يا سودان الدور عليكى
والبشير وهلماجرة
قلبى أاااااه
ماسكه ب أيدى
ب ارتجف م اللى ها يجرى

فاكرة آااه صدام يا سيدى
والتهم كانت أونطه
ما احنا فى زمن العجايب
كل شئ محتاج لخارطه
ب ارتعش والفكر غايب
كل خوفى يروحوا مكه
إنكسار وشربنا كأسه
توهه
مش عارفين ل امتى