الحكاية م البداية

[فصيح]

قد إيه صعبة الحكاية

إني أحكي للنهاية

إني أقول إني انجرحت

وإن قلبي مش معايا


* * * * *

نبتدي منين الحكاية


* * * * *

في وسط اليأس والتجريح

أمل ينعش هبوب الريح

ولاقتني في حبكِ صريح

قلت دا قدري ونصيبي

إني أعيش ويا حبيبي

وفضلت أحلم إني معاك

وإن هوايا أكيد هواك

وقلت ليكِ

إنك حياتي رغم القليل

وإنك لروحي عشق ودليل


قولت ليه حبك كفاية

السما والأرض .. قلبك

يبئا إيه يفرق معايا


قلت دا فرحي وهنايا

القدر حقق منايا

ورجعت بعد الغربة ليكِ

مشتاق لهمسك ، ضحكتك ،

نظرة عينيكِ


لاقتني ليه عنك غريب

معقوله حبي وقلبي نسيت

وبعدت رغم الجرح فيه

والأسى مالي عينيه



رجعه تاني قولي ليه

بعد القساوة عايزه إيه

الدموع اللي في عينيكِ

كدابين فتنوا عليكِ

عامله فيها دور ضحية

مسرحية وتمثليه ،،،

والحقيقة هي هي


مش هقول الحب مات

واندفن ويا السكات

اللي راح عدى وفات


لسه بحلم من جديد

إني أعيش حب سعيد

حب يكبر يبئا فرح

يبئا لمة في أحلي عيد



فصيح

[دمعه حائره]

راجعه ليه يمكن حست بالندم
واللى بينكم حاجة صعب تتهدم
اصل المشاعر اوقات تكون قدر
وصوت جوانا صعب يتكتم
الله من جمالها خلتنى ارد بكلام
بس مش قد المقام
تسلم سيف

[همس الكناريا]

ودائما للحكاية نهاية
ولكن ما أقساها النهايات ٱن باءت بالفشل والخذلان

شاعرنا الراقي / سيف
دام جمال حسك ورقي نبضك
دمت لنا عطر الاحرف
وشمس إبداع أبدا لا تغرب
أرق وأسمى تحياتي

همس الكناريا

[شاعرة الرومانسيه]

دام نبض قلبك اخى سيف

دائما لحروفك احساس مميز

تسلم ايديك

[العاشق الذى لم يتب]

حكاية جميلة
وبداية ونهاية اجمل
وميت غير المبدع سيف
يحكى لينا احلى حكاية
روعة على روعة
سلمت يمناك
باقات السوسن
تحياتى وودى

[شاعر الحب الحزين]

الحكاية من البداية إن إبداعك اجمل حكاية

بجد قدرت تقفلها باحتراف كبير بعد إحساس جميل عالي

تسلم ويسلم نبض قلبك الجميل شاعرنا الحبيب سيف

دواااام التألق يا نجم الكلمة

الله يوفقك ويسعدك

[.Lamar]

الفشل مش معناه نهاية الدنيا
لو كان خير كان استمر
و احلى شى الثقة فى تدابير رب العالمين

كلمات و حروف نابض بالاحساس
تحياتى و تقديرى

[السفيره عزيزه]

الله .جميله واجمل ما فيها
الامل والاصرار على البحث عن السعادة.

لما حد حلمه ما يكملش دا مش معناه
ان الدنيا وقفت خلاص.

لما حد يتصدم فى حد مش معناه ان
باقى الناس ستعيد صدمتك تاني.

بجد انا بفرح اوي ويعلى فى عينى اوي
الانسان القوي الا رغم المه يفضل واقف
رغم حسرة يظل مبتسم حتى يعود شفاهه عليها
رغم ضياع الاشياء من حوله الا انه يعلم ان الخير
اتى اتى فقط ننتظر .

احييك على الرساله الجميله
ال بتقول ..انا هبدا من تانى

[αЛαstoOorα]

شاعر العاميه مفيش كلام ^^
بس القصيدة عاميه باحته يافصيح
ليه جايبها هنا .. حد زعلك هناك ^^
/
بوناسيرآآآ