(2) انا ومدونتى ... مع حيــــــاة ❤

[*فجر الاسلام*]

السلام عليكم ورحمة الله وبركاته
اعضاء منتدى بنات مصر يسعد ربى كل اوقاتكم بكل خير
النهارده معانا صاحبة المدونه الراقيه
http://forums.banatmasr.net/msryat481268/
معانا الاميره حيــــــاة ❤ مشرفتنا الجميله صاحبة القلب الجميل


اولا ازى الحال ؟
الحمدلله حبيبة قلبي

عامله المدونه من امتا؟
بالظبط 12/8/2014
وليه اخترتى الاسم ده؟
بالاول كان اسم مدونتي اشتاق لك ربي
غيرته لأمل حياة يعني بتحصل حاجه بتدايقني جدا
لدرجه اني اسميها امل حياه
لاني بكتب فيها اي شئ تقريبا

ايه السبب اللى خلاكى تدخلى صفحات مكشوفه وتفكرى تعملى مدونه
او كان ايه هدفك ساعتها؟
هههه بصي هو ايامها مكنتش حابه الفكره خالص اصلا
بس مراقبتنا الجميله الاميره رودي وحبيبتنا رووكه شجعوني وقتها

شايفه انك قادره توصلى افكارك وارائك عن طريقها ولا لا ؟

اه جدا كتير حصل كمان.. انتي بتوصلي بالاسلوب
وانتي واسلوبك

ايه المميز فى المكاااان (المدونه) ؟

عامل شبه الخن كدا هههه بحس اني بتكلم فيه براحتي
وبفضفض بحاجه محبش افضفض فيها مع حد مباشرة

قابلتك مشاكل بسببها او بسبب كتاباتك قبل كده ؟
ممممم مش متذكره بس متذكره اني انا اللي عملت مشكله
مش انا اللي قابلتني

مين اكتر الاعضاء اللى بيدخلوها ؟وايه اكتر مدونه بتحب تتابعيها؟
انتي وطارق طروق وانجي، بحس مافي مشاركه الا وتشوفوها
بس دا شئ يسعدني جدا طبعا..

من المدونات اللي لازم ادخلها

انا مجرد عابر سبيل فى الدنيا
~schezOophrenia
Be loving those who love you
خربشات انثى
بحس فيهم بالبساطه والتلقائيه وكلام م القلب
وشويه ضحك هههه

شايفاها مكان عادى زى اى مكان بالمنتدى ولا مختلف؟

لا دا حبيبي هو والفضفضه
مافيش زيه طبعا مختلف بطابعه
بيت تاني ع قولتك

لوقلتلك انى هحذف مدونتك دلوقتى هتعملى ايه

لأقتلنك

عندك افكار او اقتراحات حابه تخدمى بيها القسم و المدونات؟

حاليا لا والله
لكن لو حصل باذن الله لن اتاخر

وشكـــــرا
ميرسي يافجر ع الاستضافه الجميله دي

والله انتى اللى جميله ومتشكره ليكى على تواجدك الحلو ده
نورتينى اتفضلى الورد اللى بتحبيه


وشكرا لكم للمتابعه
دمتم فى حفظ الرحمن

[فصيح]

الأميرة حياة منوره البرنامج والمنتدى حقيقة
اجابات بخفة ظل ربنا يسعدك هاجر

برنامج مميز فجر ودائما انتي مميزة
بانتظار ضيوفك الكرام
خالص تحياتي وتقديري لكما

[YOo YA]

هههههه حلوة اوي الاستضافه
ولو اني حاساها قصيرة اوي
حاولي تطوليها شويه ي فجر
جوجو حبيبتي منورة
واجاباتك جميله
ومدونتك بحبها اوي
يرب ع طول بامل ي حياه 😉

[حـيـــــآة ❤]

الله علي الورد يافجر ميرسي اوي ياقلبي
وكنت مبسوطه معك

[حـيـــــآة ❤]

اقتباس المشاركة الأصلية كتبت بواسطة فصيح الأميرة حياة منوره البرنامج والمنتدى حقيقة اجابات بخفة ظل ربنا يسعدك هاجر برنامج مميز فجر ودائما انتي مميزة بانتظار ضيوفك الكرام خالص تحياتي وتقديري لكما

اميره حته واحده هههه
تسلم دا من ذوقك والله ياسبف
نورت اكيد

[حـيـــــآة ❤]

اقتباس المشاركة الأصلية كتبت بواسطة YOo YA هههههه حلوة اوي الاستضافه ولو اني حاساها قصيرة اوي حاولي تطوليها شويه ي فجر جوجو حبيبتي منورة واجاباتك جميله ومدونتك بحبها اوي يرب ع طول بامل ي حياه 😉

حبيبتي ياناس

وانا بحبك اوي بئا

نورتس ياختي:*

[طبيب الهوى]

أبنتي فجر

أُحَييكِ كثيراً لفكرتك القيمة واستضافتك لأبنتي هاجر

أحسنتِ الرد يا هاجر هكذا تكون المدونة يا بتي ويجب أن تكون

أسئلة قيمة ورائعة منك يا فجر وأجوبة راقية من هاجر

كعادتها بسيطة وتلقائية لا تتجمل

تثبيت كَي يقرأه الأعضاء والزوار معاً

تحياتي وودي وورودي

أبو عصام

[حـيـــــآة ❤]

اقتباس المشاركة الأصلية كتبت بواسطة طبيب الهوى أبنتي فجر أُحَييكِ كثيراً لفكرتك القيمة واستضافتك لأبنتي هاجر أحسنتِ الرد يا هاجر هكذا تكون المدونة يا بتي ويجب أن تكون أسئلة قيمة ورائعة منك يا فجر وأجوبة راقية من هاجر كعادتها بسيطة وتلقائية لا تتجمل تثبيت كَي يقرأه الأعضاء والزوار معاً تحياتي وودي وورودي أبو عصام

تسلم يارب استاذي القدير
بتشرف برايك
نورت اكيد

[بنت خديجة]

جميلة انتي ياحياة ومدونتك ياعسل

[*فجر الاسلام*]

اقتباس المشاركة الأصلية كتبت بواسطة فصيح الأميرة حياة منوره البرنامج والمنتدى حقيقة اجابات بخفة ظل ربنا يسعدك هاجر برنامج مميز فجر ودائما انتي مميزة بانتظار ضيوفك الكرام خالص تحياتي وتقديري لكما

تسلم يا اخى نورت ربنا يسعدك
شرفنا مرورك الطيب