يا انا يا النت تختارى مين؟

[طارق طروق]

اقتباس المشاركة الأصلية كتبت بواسطة انجي_1 بيص انا هقول له منا هخش عالنت عشان اكلمك واراقبك يا حمااااااار لاء نكلم جد بقا بص انا لو ربنا اراد يااارب ادعولي يحصل الاول وارتبطت والبني ادم الي هرتبط بيه قال لي يا انا يا انت وكان بيكلم بجدية وكده هحس انها غيرة هقول له - انت طبعا يا حبيبي - عشان يفتخر بنفسه كدهوت ويقول - الله ربنا كرمني ولقيت الزوجة المطيعة اخيرا - المهم هوافق على شرطه انا اصلا بحب الراجل الي من النوع ده الي بيحكمني ويشكمني ويخنقني بحس بانبساط سبحان الله بس محبش الراجل الي بيحسسني اني مش فارقة معاه المهم مع اننا في عصر النت وكده الوقتي ممكن من النت تكلم اهلك صحابك وتكون على دراية بكل ما يحصل في الحياة وانت قاعد عالنت بس لو هو طلب مفتحش النت هوافق بس بعد الجواز هقنعه اني افتح وان الباس وورد هيكون معاه وانه ممكن يفتح يفتش ورايا وعادي وهيكون بينا ثقة وكده حكم دماغه وموفقش خلاص بقى ده نصيبي هرضى بيه عارف وحدة صحبتي من المنوفية صحوبية سنين والله حبيبة قلبي دودو - تحية كبيرة لاهلنا في المنوفية العظيمة - المهم كانت مخطوبة لعماد وطول فترة خطوبتها كنا بنكلم عالنت انا وهي وموني ودودو وحدة ثانية من طنطا وجوجو - دولت الشلة صحباتي على فكرة - كنا خاربينها عالفيس وكده هو ديما ينكد عليها ليه قلتي ليه فتحتي وليه زليه وكان خانقها بعد الجواز بقى خد منها التلفون وجاب لها فون عادي عشان متفتحش النت ومانع عنها النت بشكل نهائي الحمد لله غير موضوع النت هي عايشة معاه كويس وعندها منه انس الوقتي بس بيكلم بجد انه ممنوع النت فييييييين وفين اما تكلمنا من وراه من فون ابوها او اختها اما تروح تزورهم يلا بقى سلام عشان انا مبحبش اطول على حد مبحبش ارغي كثير سلام يا طارق

ههههههه ايوه مش بتحبى ترغى كتير واضح ان شاء الله يحصل ويارب يحصل يا انجى
موافقه على شرطه فى فتره الخطوبه لكن بعد الجواز هيكون فيه كلام تانى
انجى انا هعلق على الموضوع كله بس فى الاخر
شكرا يعنىلتعليقك ومرورك الغالى
نورتى وشرفتى
سلام يا انجى

[طارق طروق]

اقتباس المشاركة الأصلية كتبت بواسطة ahmed 22 الحاجات دي مافيهاش فرض شروط بس بتيجي عن طريق منهج حياة بنختاره في عندنا فترة الخطوبة عن طريقها كل واحد ممكن بالطريقة يخلي شريك حياته يوصل معاه لطريق وسط لكل شئ بالاسلوب والطريقة .. بس انا واحد من الناس حابب في فعلا مايكونش في نت لا ليا ولا ليها او اطار الحياة مبني بشكل اوروبي اكتر بعيد عن البهرجة والافلام الكدابة.. والحياة تكون بسيطة بطريقة اكبر .. وقبل اي حاجة فكل شئ مبني علي الاختيار والتراضي بين الطرفين .. بس اللي انا دايما بقوله أن النت وما فيه من مواقع التواصل بيفتح عيون الناس علي المشاكل ليس الا .. وهو مصدر طريق للشك والغلط وخلينا مقتنعين بكدا .. احنا مش مثاليين والناس اكيد مش كلهم كويسين وماحدش معصوم أنه يغلط في شئ لو في طريق مفتوح قدامه دايما .. ومافيش حاجز يمنع غير النفس والنفس اضعف ما في اي انسان في حياتنا الصعبة اللي احنا عايشنها اليومين دول واسهل طريق لمعظم الناس هو الهرب منها لنفسه وده واقع حياتنا..

بس كدا يا احمد جايز هى ليها رأى تانى بخصوص النت
شكرا لتعليقك ومرورك الغالى
نورت وشرفت

[طارق طروق]

اقتباس المشاركة الأصلية كتبت بواسطة baanoota يعـني معقولة خطيبي هيهتم بالتفاهه دي ويقآرن بينه وبين نت ؟؟ يعني آنا شيفـآآها معادلة صعبه شويةة لأني محبش التشرطات ف أي علاقة ف العموم حتي لو كآنت تافهه وملهاش قيمه بس كـونك بتتشرط علي حد ده بيبين ضعفك وقلة حيلتك علشآن كده بتخيرة ي باستكمال العلاقة أو بالانفصال علشان اي سبب مش شرط يكون نت أنت سالت سؤال لذيذ وبصـرآحة لما حطيت نفسي ف الموقف ده واني خطيبي يسالني كده بصرآآحة يعني هرميله دبلته ف وشه مش علشان النت لان دي تفاهه والنت او الكمبيوتر عندي مش حببآهم اوى بس المبدأأ نفسه انه يتشرط علييا ف حآجة زى كده ف الاول بعد كده الوضع هيتطور وهيتشرط ف حاجات تانيه ونفضل نقدم ف تنازلات علشآن خاطر ايه ؟؟ يبقا نقعد ف بيتنا احسن بقي آنا ي جماعة شكلي اتعديت من أنجي ؟؟

فهمت من كلامك يا بنوته انك مش موافقه على الشرط بتاعه
هبقى اعلق على كل الموضوع فى الاخر ومنه تعليقك وتعليق
الاصدقاء والصديقات السابقين
شكرا لتعليقك ومرورك الغالى
نورتى وشرفتى

[السفيره عزيزه]

معلش بئا الاسلوب ده بيدل على الضعف
وايه كمان .بيدل على انك مبهدل الدنيا يا معلم .
وايه كوومان بيدل على ان حياتى معاك هتبقي هشه
يا اسمع الكلام يا .كدا عنى .

اولا النت ده نعمه كبيره من نعم الله .
انا شخصيا بدعي ربي يديمه نعمه ويحفظه من الزوال.
ايوه اووومال .فى كل المجالات وعلى كل الاسئلة
تلاقي اختيارات تدل على ان هناك اشاء كتيره كانت
هتفضل محدوده عندك لو ما جتلك بطريقه خفيفه ومشجعه .

وعلى فكره انا عارفه قصدك ايه.
اصدك البت التافه ال فاتحه بالساعات لا فادت
ولا استفادت .وعماله .تقول انا لون عيوني ......
وانتم ...وتلاقي تفاعل وتلاقي تفاهه غريبه
وحجات بئا وعلاقات ما انزل الله بها من سلطان.

يا عمونا طارق العيب مش فى النت
العيب فى البت ...

يا رب يوعدك بالشيخ صالح المغامسي
تقعد تسمعه بالسعتين وتقول هل من مزيد
ساعتها هتقول ...الله على النت ..

اخلاق ودين ...وما يهمك سيبها فين .

تسلم ودمت بخير

[Lamees]

مش هوافق ومش بحب الشروط
لازم يكون هو عنده ثقة في نفسه وفيا قبل ما يتشرط

[طارق طروق]

اقتباس المشاركة الأصلية كتبت بواسطة السفيره عزيزه معلش بئا الاسلوب ده بيدل على الضعف وايه كمان .بيدل على انك مبهدل الدنيا يا معلم . وايه كوومان بيدل على ان حياتى معاك هتبقي هشه يا اسمع الكلام يا .كدا عنى . اولا النت ده نعمه كبيره من نعم الله . انا شخصيا بدعي ربي يديمه نعمه ويحفظه من الزوال. ايوه اووومال .فى كل المجالات وعلى كل الاسئلة تلاقي اختيارات تدل على ان هناك اشاء كتيره كانت هتفضل محدوده عندك لو ما جتلك بطريقه خفيفه ومشجعه . وعلى فكره انا عارفه قصدك ايه. اصدك البت التافه ال فاتحه بالساعات لا فادت ولا استفادت .وعماله .تقول انا لون عيوني ...... وانتم ...وتلاقي تفاعل وتلاقي تفاهه غريبه وحجات بئا وعلاقات ما انزل الله بها من سلطان. يا عمونا طارق العيب مش فى النت العيب فى البت ... يا رب يوعدك بالشيخ صالح المغامسي تقعد تسمعه بالسعتين وتقول هل من مزيد ساعتها هتقول ...الله على النت .. اخلاق ودين ...وما يهمك سيبها فين . تسلم ودمت بخير

ههههههه ايه كل ده يا السفيره
دا انتى ماصدقتى تحطى غلبك فى الجدع
بقولك ايه انا مش عايز اكون السبب فى زعلكم مع بعض
مع خطيب المستقبل انتى اول ما يقولك كدا اديله كف على وشه
انا بهدى النفوس بينكم
شكرا لتعليقك ومرورك الغالى
نورتى وشرفتى

[طارق طروق]

اقتباس المشاركة الأصلية كتبت بواسطة lamees مش هوافق ومش بحب الشروط لازم يكون هو عنده ثقة في نفسه وفيا قبل ما يتشرط

دا كلام سليم يا لميس وجبتى من الاخر
شكرا لتعليقك ومرورك الغالى
نورتى وشرفتى

[danamohamed]

حختاره هو بس يدينى بديل للنت

[طارق طروق]

اقتباس المشاركة الأصلية كتبت بواسطة danamohamed حختاره هو بس يدينى بديل للنت

عندك حق فى كلامك وبايده فعلا انه يعوضك عن النت بطريقته
نورتى وشرفتى