استنشاق صوت الكلام

[بحر القمر]

يارب
ايام خير وبركه وحب وسلام وستر على جميع الناس
كل عام وانتم بخير

[بحر القمر]

صعلوك من الحرافيش
================== كلمات العبد لله







صعلوك من الحرافيش
مابخافشي م التهويش
ولاعمري كلت الكوسه
ولا يوم شربت حشيش
وبعيش على الهامش
عايش ومش عايش
وساعات اكون طايش
وبفن عندي الطيش
صعلوك وبكتب شعر
بصطاد سمك م البحر
واسهر لغاية الفجر
ان كان في ولا مفيش
صعلوك من الصعاليك
وبغني شكل الديك
وبقول غنى ومزازيك
ازاي ما تسالنيش .........









جميل الواحد يتنفس بالقلم او يكتب اي كلام وخلاص يطلع زهقوا من اللي بيجرى فيه من الدنيا وتقلباتها
ولجل كده حبيت اكتب نوع فكاهي جديد خفيف من الشعر









بحر القمر

[بحر القمر]

ياريت في الحر ده وكلامي موجه للي طبلوا ورقصوا وغنوا
ياريت والكهربا قاطعه يقولوا
قوم نادي ع الصعيدي وابن عمه البورسعيد




ياريت يعملوا كده
انتم ايامكم هباب على سواد
ولسسسسه




اللهم لا شماته

[بحر القمر]

شعب معاق يعيق ويعاق




ليس الكل بل الغالبيه

[بحر القمر]

اه يا بتاع الانجازات يامنجز

[بحر القمر]

بيقول لك بيقطعوا الكهرباء عشان مش تزود حرارة الجو
هههههههههههههههههههههههههههههههههههههههههههههههههه هه

[بحر القمر]

الرفسه الجامده ما تجيش الا من الحمار اللي دلعته

[بحر القمر]

يارب
اوعدني باي هجره من ام البلد الخنيقه دي
الواحد خلاص قرف على اخر الاخر

[بحر القمر]

جديدي ان شاء الله




اتقل .. تاخد حاجه نضيفه
=============

اتقل تاخد حاجه نضيفه
تاكل فتة لوز بالنيفه
تاكل جبنه مع حبايبنا
احلى وليمه عزومه لطيفه
اتقل تاخد حاجه نضيفه
الواد دقدق ابن بهانه
ساي ستو ستيته جعانه
ولا خصايه ولا بتنجانه
ومفيش شامبو ومفيش ليفه
واتقل تاخد حاجه نضيفه
والواد بعجر ابن ونيس
شغال بيعدد ع الفيس
في التهييس ولا الترفيص
هيصه بجد ممله سخيفه
ماتتقل تاخد حاجه نضيفه
والبت حلمبوحه الهبله
شغاله تخبط بالطبله
وتغني لعنتر مع عبله
رغم انها خرسا وكفيفه
اتقل تاخد حاجه نضيفه
وحوي ياوحوي وكمان وحوي
هفقع تمانين صوت بالنحوي
والطم مع ميمونه وبدوي
وانا مفلس ومفيش تعريفه
واتقل تاخد حاجه نضيفه ..




وبعدين
هو يظهر الجو الحر الخنيق ده خلا الواحد يهلضم ويخرف ويكتب اي كلام وخلاص
اهو تجديد بردوا


والمعنى فوق قفا الشاعر :d

بحر القمر

[بحر القمر]

بعجر الحمار !!
========

وحسب اطعمة الممبار
وفنون العدس الجبار
لو جبت صينيه ملاليه
مليانه كوسه وخيار
هتلاقي القلقاس بيغني
وتلاقي قوالب كافيار
هتشوف السلطه الخضرا
وبفلفل متولع نار
وتشوف الكبده والكرشه
والفشه ياعيني دي دمار
واهين م الضاني وطعامته
متعه بجد ومش هزار
ندخل في صميم الموضوع
عن بعجر افندي الحمار
متأيم وعامل لي مهم
وبطبعه مخلوق غدار
ويقولك انا واد مفيش مني
جنب القصر وجنب الدار
انا فنان لوزعي عالمي
انا من صحبة الاطهار
وهو بينطح كل شويه
ومصدعنا كلام بغبار
ارحم بقا اهالينا شويه
انت حمار ومش جبار
ارحم بطل هجص وفشر
ولا انت بطبعك فشار
قلت الكوسه صبحت لحمه
والضفدعه تتجوز فار
لأ والقرد كمان يتنطط
ويقوم ينطح في الصرصار
احوال فيها بواخه رهيبه
سترك لينا ياستار

==

هو يمكن مازال تاثير الحر ماثر على صواميل نفوخ العبد لله
او يمكن
مازلت في مرحلة تجديد اللغه

واكيد المعاني كلها فوق نافوخ وقفا العبد لله





بحر القمر