استنشاق صوت الكلام

[بحر القمر]

جديدي

عم شمندر

المتغندر

راجل حلو وزي السكر

بخفة دمه

راكن همه

ذوق ولطافه

ودم زرافه

حاجة تنور

عم شمندر

عم شمندر شعلة حركه

قوه وعزم الغالي ده بركه

يدخل دكان ويروح شركه

عيني ياعيني الله اكبر

عم شمندر

عم شمندر ده ميمون

راجل غالي وكله فنون

هب بيضرب في المضمون

وساعات يشخط وساعات يؤمر

عم شمندر

عم شمندر هو الحيله

يفطر محشي يحلي بليله

يعمل هيصه مع هوليله

كده كام ليله الله ينور

عم شمندر

عم شمندر فل عليك

كل الخير دايما حواليك

يخرب بيتهم سحر عنيك

فيهم سكر رهيب متندر

عم شمندر

:
عم شمندر الراجل الجميل المقمع الملمع
اخر الاجه واخر ابهه
راجل بركه
حبيت اكتب عنه باسلوب يليق به :d









بحر القمر

[بحر القمر]

جديدي








اه يازمن ؟
=====

زمن القرد مع الصرصار
زمن التعلب ويا حمار
زمن الحال فيه خلف خلاف
والاحلام ترحل تنهار
زمن الفكر مالهشي مكان
ماشي ملخبط بالمندار
اه يازمن
كل ما فيه شغل استهتار
لما تقول انا عايز احج
تلقى الرحله باسعار نار
حتى ان قلت انا عايز اهج
تلقى الهججان له اسعار
عشت شفت عجايب الغلب
عشت وشفت مرار في مرار
راحوا الناس الطيبين
ومش شايف غير الاشرار
يارب ارحمني يارب
انت المقتدر الستار


..




بوح خاص ومختلف
بقلمي










بحر القمر

[بحر القمر]

جديدي

ماقصتك ؟

كنت في احد الكافيهات على النيل بالقاهره

جذب انتباهي وجود سيده كلاسيكيه انيقه للغايه ( شارده للغايه وحزينه للغايه )

جذب انتباهي انها وكأنها تحدث الاشياء التي حولها

الكراسي

نهر النيل

الزهور التي حول المكان

وووو الخ

فامسكت الورقه والقلم وترجمت ما رأيت باسلوبي :

ما قصتك ؟

يامن تعانق بالبراءة نظرتك

تنظرين هنا وهناك

وتشع من عين النقاوة رقتك

ومزيد وجد هائم

وبريق وجع عاصف في جبهتك

ما قصتك ؟

فالزهر يتغنى مليا

من حفاوة حضرتك

والطير يتراقص شجيا

من بريق سماحتك

والعطر حتى العطر منتشيا

يعانق بالبراءة روعتك

فسالت وحدي : ما قصتك

تتعانق الاهات حيرى

في ربوع مساحتك

وتغرد الاحزان عصفا

فوق وادي لوعتك

ما قصتك ؟ ما قصتك ؟

حاولت ان ارفض حروفي

سبقتني في التعبير عن كتابتك

فكتبت ما قد رايت

وحيرتني حيرتك

والان امضي وحيدا شاردا

متمنيا كل السعادة لسيادتك .....

.........

الاحساس بالام الناس منحه ربانيه خاصه ومختلفه خصوصا لو كانت بلا اغراض او غايات

لفت نظري انسانه فعلا ملفته للنظر

فيها كوكتيل نادر وغريب من عظمة مصر وسحرها وشموخ حضارتها وروعة اهلها

انسانه لازم كنت اكتب عنها رغم اني مش اعرفها او حاولت اعرفها

ساعات الوجع بيولد فينا حاجات حلوه !

فكره حقيقيه

بقلمي

بحر القمر

[بحر القمر]

جديدي


غراب البين !!
=======



غراب البين وحدايه هناك قاعدين
طقوس الهم وياهم ومش ساكتين
وبين الندب والاحزان
وبين القهر والبهتان
وبين الحيره والحرمان
غناويهم كما السكاكين
غراب البين معاه بومه بشكل قبيح
وتسمع منهم الصيحات ولجل تصيح
وبين القهر والشكوى بلا تصحيح
كما التعابين هنا لابدين
غراب البين يقولك اني واد مجدع
هخلي الدنيا تدلع
هخلي الطفل يمسك طبله ويبدع
ومهما يقول تقولوا امين
غراب البين وايامه سواد في سواد
مابين النوم وبين اللوم بلاد وبلاد
وبين الوهم والفنكوش يغنوا ولاد
غراب البين وحدايته كتير ناصحين


=====







في كل شارع غراب بين وحدايه
في كل شغل غراب البين وحدايه
اصبحوا طقوس اجباريه في حياتنا اليوميه
وعلى المتضررين رفع اياديهم وتقديم الشكاوى الى السماء















فكره بقلم

بحر القمر

[بحر القمر]

خبر رحيل الاخ المحترم الاستاذ طبيب الهوى
افزعني جدا واربكني للغايه
اه الموت حق وكلنا راحلين
انما توقيت الرحيل بيفرق اوي


مش عارف اكتب ايه
ولا عارف اقول ايه


كل اللي اعرفوا خسرنا اخ كبير ورجل محترم




ربنا يغفر له ويرحمه ويسكنه فسيح جناته ويصبر اهله واصدقاؤه ومحبيه يارب

[بحر القمر]

ما كنت متوقع اكتب كده في يوم
ما كان بخاطري ابدا اني في يوم اقدم تعازي لاخ وصديق هنا
مش كضد الموت بس الموقف







في رثاء الاخ المحترم الاستاذ طبيب الهوى




بداية
انا لله وانا اليه راجعون
اسال الله عز وجل ان يتغمد فقيدنا الكريم بواسع رحماته و يسكنه فسيح جناته
وان يلهم اهله واسرته ومحبيه واصدقاؤه الصبر والسلوان ..




أأرثيك ويوجعني الرثاء
ياراحلا لدار البقاء
أأبكيك لحنا شجيا حزينا
يغالب الدمع والانزواء
الرحيل يعصف قلوبا
مسها الطهر والكبرياء
الرحيل وجع رهيب
يسكب الدم نزفا كماء
عرفتك رجلا نقيا ابيا
يعانق الود فيه الاخاء
عرفتك عمرا من الطيب فكرا
مغلف الكرم بل والنقاء
عرفتك هنا اخا كبيرا
فكيف الرحيل وكيف الشقاء
رحلت سريعا غريبا وحيدا
تاركا لنا الف عزاء
ياطبيب للهوى كيف الرحيل
والاخوة فينا عمر احتواء
تعجز الحروف عن اي وصف
تهرب المفردات رغم النداء
كل ما بيدي الان فعله
ان اقدم دوما مزيد دعاء ....








....






انا مش ضد قضاء ربي ولا ضد الموت لان كلنا راحلين
انما بيعز عليا توقيت الموت
رهبة الموت
سرعة الموت
اخ كان معانا وبلا اي اذن او وداع رحل
رحل لكن ترك اخوة نقيه طيبه بين الكل


مش عارف اقول ايه حقيقي في المواقف دي الصمت والدمع بيغلبوا اي واحد






ربنا يغفر لك ويرحمك ويسكنك فسيح جناته اخي الاكبر الاستاذ طبيب الهوى
ويلهم اهلك واسرتك واحبابك الصبر والسلوان






بحر القمر

[بحر القمر]

مازال صدى خبر رحيل الاخ الاستاذ طبيب الهوى يزعج الروح ويوعج القلب
الفراق صعب للغايه
حتى لو علاقتنا كيبورديه او من وسائل تواصل
الانسانيه هي الانسانيه بكل صفاتها ومواصفاتها
رحمك الله اخي والهم اهلك ومحبيك الصبر والسلوان

[بحر القمر]

لسه فاكر اخر لقاء مع الاستاذ طبيب الهوى هنا بالمنتدى
ولسه فاكر كلامه ليا
ولسه فاكر حرصه على تواجدي
ولسه فاكر نصايحه
انا اول مره تنهمر دموعي وتهزمني وتغلبني على انسان حبيته لله في لله
انسان مش شفته لكني حسيته وحبيته
انا اول مره ابكي خلف شاشه
مش عيب ولا ضعف بكاء الانسان
يمكن فظاعة الخبر وسرعة الرحيل وجعتني
انا والله مش عارف بكتب ايه ولا فاهم بيحصل حواليا ايه
ايه يادنيا مالك غريبه معانا ليه كده
انا مش معترض ع الموت
انا موجوع من الرحيل ده
ربنا يرحمك يا اخي ويجعل قبرك روضه من رياض الجنه ويغفر لك ويسامحك ياطيب العقل


انا لله وانا اليه راجعون

[بحر القمر]

توتر
قلق
رهبه
وجع
من الامس لم انم ولم اعرف طعم النوم
كل ما فعلته
الكثير من القهوه
والاكثر من السجائر
والتفكير المستمر والغريب
من الامس وحتى هذه اللحظه
حاولت فتح المنتدى مرات ومرات
وفي كل مره احاول الهروب
لا اعرف السبب ولكن كل ما اعرف ان لنا اخ توفاه الله
فاجعة الموت تعصف القلب وتدمي الروح




اللهم اغفر له وارحمه يارب هو وكل امواتنا واموات المسلمين اجمعين

[بحر القمر]

رغم فظاعة خبر رحيل اخونا المحترم الاستاذ طبيب الهوى
الا ان المنتدى ظهرت فيه شخصيات تقريبا كانت مختفيه


السؤال
لماذا نتجمع في الحزن فقط ؟