استنشاق صوت الكلام

[بحر القمر]

كل السرقات حرام... إلا السعادة
فأينما وجدتها اسرقها...
فسرقتها حلال ولا قانون يعاقب على ذلك ...
ما عليك إلا أن تكون سارقا ماهراً
فهي تجيد الإختباء
السعادة قرار وليست إمكانيات
من يتفق معي

[بحر القمر]

الغضب السريع ليه عددت أسباب
منها قوه تحمل الشخص في أشخاص لا تتحمل فعل أي شئ يسبب لهم الضيق وتكون سريعه الغضب
ومنها أن الشخص تعرض لضغط عصبي ونفسي فترة كبيره أثرت علي أعصابه وأصبح هش لا يتحمل أي شئ بالرغم أنه ممكن يكون شديد التحمل
ومنها أن يكون الشخص بيعاني من أمراض تأثر علي أعصابه والمحيطين لا يفهمون ذلك لأن في أمراض كتير لالسف لتجعل الشخص سريع الغضب وده من قوة الالم والتغيرات
التي تحدث للهرمونات
ومنها الشخص الذي يبعد عن الله والصلاه والقرآن التي هي علاج للنفس
أتمني أن أكون شرحت الموضوع بطريقه بسيطه❤️

[بحر القمر]

خلي حياتك رايقه و العدد البسيط اللي موجود فيها يكون ناس نضيفه ناس تستاهل تكون ف حياتك .. متخلوش ناس ف حياتكم كماله عدد حياتنا مش ناقصه زحمة
اما تلاقي حد بيحقد عليك او عينه وحشه .. ابعد عنه و خرجه من حياتك انت مش ناقص اذي .. اما تلاقي ف حياتك واحد كذاب كل كلامه كذب شيله من حياتك ..
انت مش ناقص حوارات .. لما تلاقي واحد منفسن و بيكرهك .. او واحد كل ماتحتاج ليه ماتلاقيهوش جنبك مع انه يكون مشيلك كل همومه و مشاكله ..
سيبك منه وابعد عنه انت مش ناقص هموم وصحاب مزيفة .. و كل الناس اللي علي نفس الشاكلة دي خرجوهم من حياتكم لانهم في الاخر بيرجعو يأذوكم ويضروكم و تاخدوا كل مقلب و مقلب منها و ترجعوا تشتكوا
غربلوا حياتكم كويس ومتسيبوش غير الناس النضاف اللي بيحبوكم بجد .. متفرحوش باللمه اللي علي الفاضي..
خلوا الناس اللي تنفع سند مش كماله عدد..
"متصاحبوش ناس كدابه ومنافقه"

[بحر القمر]

"الأشياء الجيدة التي تفعلها للناس، المساعدة التي تقدمها للآخرين، الابتسامة التي تضعها على وجوه الغرباء، وكذلك الأذى الذي تسببه لشخص ما،
كل ما تفعله يعود إليك، سواء كان جيدًا أو سيئًا.. نحن انعكاس لما نقدمه للآخرين."

[بحر القمر]

‏"كم أنا سئ بحق نفسي عندما اتعلق بأشياء أعلم إنها سترحل يوماً ما"

[بحر القمر]

تقف حائرا، تنتظر نهايتك، تنتظر أن يضع الكون حدا لآلامك، لا تعلم بالتحديد في اي يوم ستكون، ولكنك تعلم انها حتما آتية، وقد أوشكت على الاقتراب.... وتفكر ترى ما سيكون سببها، هل هو مرض سياكل في جسدك. وروحك حتى تفنى؟ ام هي دموعك التي تذرفها كل ليلة على وسادتك كانت تقتطع من روحك، إلى أن تغفوا يوما غفوة لا استيقاظ بعدها؟ ..... الأسوأ من كل هذا انهم سيذكروك، ويندمون على ما فعلوه بك، ولكن وقتها يكون قد تأخر الوقت.... علهم يدركون... علهم قفط يدركون...

[بحر القمر]

‏"الأفعال هي التي تؤكد صدق المحبة ، أما الكلام فالجميع فلاسفة".

[بحر القمر]

كن رحيما مع كل من يتنفس، فالرحمه انتزعت من القلوب....

[بحر القمر]

كل حاجة لها تاريخ صلاحية حتى المشاعر ..
اعجابك بشخص لو مالقاش الاحتواء المناسب هايجي يوم وينطفي وصلاحيته هاتخلص ..
حزنك وعصرة قلبك و دموعك مهما طولوا وكانوا في أعلى مراحلهم هايجي وقت و صلاحيتهم تنتهي ..
انتظارك سنين لشخص .. مهما طال انتظارك وصبرك .. هاتصحى يوم تلاقي فيه حاجة اختفت .. 💔 .. صلاحية الصبر خلصت ..
تحملك لحماقة حد و عدم تقديره و كونك الاسفنجة اللي بتمتص صدماته و كلامه الجارح .. هايجي وقت وتحس إن كفاية عليك كده .. وصلاحية قوة التحمل هاتخلص .. وهاتدور وشك وتمشي ..
غضبك وزعلك لو مالقيوش الاعتذار اللي يليق بيهم في وقت معين ، بيخلي صلاحية تقبل الاعتذار عندك تخلص .. اللي جالك في عز الحريق مش زي اللى جالك لما النار أكلت قلبك .. مهما جه بعدها مش هايبقى مؤثر ..
فقدان الشغف تجاه الأشخاص أو الأشياء من أكتر الحاجات اللى لازم نؤمن بها .. طالما انك مصدر فعل ومابتتلقاش رد فعل مناسب ..
كل مشاعر طيبة وصادقة مهما كانت قوية هاتخلص .. طالما انها مالقيتش اللي يرعاها و يسقيها اهتمام ..
كل مشاعر سلبية كنت فيها لوحدك .. هاتخلص .. بس هاتخرجك شخص تاني ناقص حتة .. وزايد صلابة
الوقت عامل مهم .. اكبر مبدل للأحوال ..
ماتجيش متأخر تسأل على حجتك اللي غالباً هاتفقد انتمائها ليك .. ووجودك وقتها مش هايبقى مؤثر وزي عدمه ..
ماتسيبش أمور كتير متعلقة على شماعة الوقت .. علشان فيه أمور محتاجة تدخل حتمي منك ..
الأيام مابتقدمش احتواء .. ولا اعتذارات .. ولا اجابات
الأيام بتمحي الشيء .. بس أثره بيسيب جمود ودرس قاسي ..
والمكان اللي اتساب فاضي على أمل انك تيجي تشغله .. هايسد مطرحه عزة النفس والكرامة ..
احتووا الناس قبل ما صلاحيتكم تخلص جواهم .. كفاية تأخير

[بحر القمر]

كتير الواحد بيسأل نفسه، ليه في الوقت ده بالذات بدعي الأدعية دي، أو ليه مدعتش من زمان وانا بقالي كتير في الكرب ده،
ربنا هو الي بيلهمنا الدعاء ويلهمنا الوقت المناسب ليه، علشان ربنا في الوقت ده هيحققلنا المراد، لأن هو ده ال قت المناسب