الحلقة(65)من برنامج اجدد عضو ومعانا(ياسر عبد الباقى)

[دمعه حائره]

أهلا وسهلا أعضاء منتدانا الجميل عودة بعد غياب مع برنامج اجدد عضو ومعانا النهاردة عضو جديد ومميز بتواجده ومشاركاته الجميلة رحبوا معايا باستاذ ياسر ياسر عبد الباقي اهلا وسهلا بيك نورت المنتدى اهلا وسهلا ومرحبا بحضرتك وبكل الاخوه بالمنتدى فى البداية احب احييك على تواجدك المميز والمشاركات الجميلة وياريت تعرف عليك الاعضاء اكتر والله ده شرف ليا اختي الكريمه التواجد مع حضراتكم واكيد حاضر انا تحت امر حضرتك سنك 36 بلدك ومحل الاقامة انا من القاهره / مصر القديمه الحالة الاجتماعية انا اعزب ربنا اكرمني وجوزت 3 اخوات بنات ليا وكده تمام والحمد لله قدرت بفضل ربنا عليا اربيهم واعلمهم افضل تعليم وكمان ازوجهم وباختيارهم وربنا يسعدهم يارب وبالنسبه ليا عندي شعور او قناعه ان الحياه سرقتني ومكتفي وقنوع بحياتي كده خصوصا في ظل الصراع المرير على لقمة العيش برغم ضغط اخواتي عليا ههههه ربنا معاك ويجازيك خير على اللى عملته وانا اضم صوتى لاخواتك واقولك لازم تتجوز بتدرس ولا بتشتغل لا انا محاسب بشركة خاصه وحاصل على كلية تجاره عندك اخوات قد ايه 3 بنات وبفضل ربنا كلهم زوجات وانا كنت الاخ الاكبر والاب والام ليهم كمان الحكمة المفضلة ليك في حكم متعدده مهمه ومفيده بتترجع للمواقف والاحداث وماعندي حكمه مميزه لان اغلب الحكم اكيد بحسها وبقدرها انما اقرب حكمه لي دع الملك للمالك مثلك الاعلى مين كل انسان علمني وكل انسان فهمني وكل انسان عرفني عيوبي قبل مميزاتي بكن للجميع كل الاحترام بس يمكن اكثر حد علمني وهو استاذي وبعتبره ابويا الروحي استاذ اسمه فوزي ربنا يعطيه الصحه يارب داخل هو دلوقت على ال 85 ولا زلت على اتصال وسؤال عنه وصراحه هو اب بكل المعاني واستفدت منه كثير جدا عرفت المنتدى ازاى بصراحه كنت عايز اعمل مدونه خاصه بيا يعني اسجل فيها كلماتي وكده ظهر لي قسم المدونات بالمنتدى هنا سجلت واشتركت وعملت مدونه وقت ما يكون في فراغ شويه بدخل واكتب فيها سجلت على طول ولا فضلت تتابع زائر فترة لا انا عشان عايز اعمل مدونه سجلت على طول مش اخدت وقت ايه شجعك تسجل فى المنتدى قسم المدونات حسيت انه ما شاء الله كبير وفي مدونات كتير جدا وكمان اني حابب اعمل مدونه خاصه بيا كما شرحت اول قسم شاركت فيه كان ايه قسم المدونات الخاصه لقيت ترحيب من الاعضاء لما سجلت الحمد لله في اخوه رحبوا بيا اه لما عملت موضوع للترحيب مين الاعضاء اللى بتابعهم وبيعجبك مواضيعهم بصي وبصراحه انا معرفشي حد وفي مرحلة المعرفه لسه انما عشان احكم واقول حد باسمه ممكن اكون بعمل ظلم لاخرين وانا مش بحب الظلم بطبعي بس اكيد في اسماء كتير انا متابعهم وبدخل مدوناتهم لان حسيت بتنوع في افكارهم واساليبهم مدونتك عنوانها غريب ممكن تفسر معناه اسنشاق صوت الكلام قصد حضرتك ابدا لو فكرتي فيه بهدوء هتلاقيه اسم عادي خالص بس يمكن عشان معقد بين الربط بين الاستنشاق وكمان الصوت للكلام قصدي اني لما بفكر او بكتب بالاول باخد نفس عميق وبركز بهدوء كبير واستنشق وبعدين احس اني اذاني تصغي لعقلي فيظهر ان للكلمه جوايا صوت استنشقها ثم اسمعها وبالتالي اكتبها بس بتلاقى تفاعل من الاعضاء فى مدونتك عايز اقول شيئ مهم ان سمحتي الكل او بلاش الكل الغالبيه عندهم مشاغلهم وظروفهم جايز يكون في ناس عرفتني واخرين اكثر لا يعرفوني بس بطبعي مش بحب احكم على حد بسرعه وخصوصا ان كل احوال واحداث البلد فيها لخبطه كبيره وانا مش بحب اكون متسرع على الحكم انما الحمد لله في اخوه بيشوفوا صفحتي وانا كمان بدخل عندهم على سبيل التواصل الفكري والاستفاده عندك موهبه فى الكتابة او الرسم او غيرها؟ هي مش موهبه اكتر منها حاجه بحبها وبلاقي روحي فيها في وقت ما احس اني عايز افضفض مع نفسي وخصوصا اني لو فكرت اتكلم او اقول أي موضوع لاي اخت ليا على طول الرد لازم تتجوز معرفشي عايزين يخلصوا مني بقى ولا ايه هههه بدخل واكتب والتوفيق من عند ربنا ايه اكتر حاجة تشجع العضو الجديد يستمر فى المنتدى بصراحه وبدون زعل بقى مني واسف لو كلامي يزعل أي حد قسم الترحيب هنا مش فعال اوي يعني محتاج مراقبين خاصين به لان ده اظن انه اهم لقطه اولى لاي عضو وبدل ما انا كعضو جديد اعمل ترحيب لروحي لما الاقي مراقب او مراقبه عملوا لي ترحيب اكيد بيفرق وبيشجع اوي وبيخليني احس اني عضو مهم واكيد هيحصل مني نشاط وفتح نفس للتفاعل وكده يكون المنتدى والعضو اتبادلوا الفايده سوى المنتدى لما رحب بعضو وشجعوا والعضو لما حس بقيمتوا من المنتدى معلشي والله وبلاش حد يزعل مني ده مجرد راي وبس واسف لو هيزعل أي حد اتفق معاك فى وجهة نظرك وبالفعل تم تعيين مشرف للقسم وان شاء الله نشوف تغيير للاحسن الفتره الجاية ايه رايك فى منتدى بنات مصر والاعضاء فيه بصراحه بتحصل حاجات مش عارف افهمها يمكن لقلة معرفتي او عشان انا جديد وهي احيانا ادخل افتح معرفشي وده حصل اكثر من مره بالفتره الاخيره ده بالنسبه للمنتدى اما عن الاخوه الاعضاء فاكيد كلهم ناس محترمين بدليل وجودهم بالمكان وترابطهم وتواصلهم هو المنتدى كان فيه عطل واتقفل كام يوم اكيد ده السبب كونت صداقات ولا لسه انا معرفشي حد خالص وبصراحه مش دخلت غير صفحتين اتنين الصفحه الاولى للاستاذ ماجيك لانه عمل لي ترحيب بصفحتي وكان عشان ارد لازم 100 مشاركه وكمان أ مراقبة قسم المدونات Fagr Alislam هي اللي شجعتني على عمل المدونه بالقسم كمان ومهتمه بيا وكمان حصل لي تكريم من القسم وبشكرهم جدا عليه وكمان من ادارة المنتدى قابلتك اى مشكلة اثناء تصفحك للمنتدى؟ هو بس ساعات اجي افتح الاقي رفض مش عارف ايه السبب يمكن في حاجه عندي او مش عارف انما غير كده الحمد لله تمام هو تقريبا بسبب العطل لو فضلت المشكله موجوده ممكن تبلغ الاداره بيها عندك اقتراح تحب تضيفه للاقسام هو انا فكرت النهارده انزل اغاني قديمه بقسم اليوتيوب وكل لما افتح هعمل موضوع انزل فيه اغاني من الزمن القديم اهو نسمع حاجه حلوه وكمان تفاعل للقسم يعني اليوم عملت موضوع لفايزه احمد وشغال تنزيل اغاني ليها وبعدين لما اخلص اغانيها ابدء من جديد لمطرب او مطربه غيرها وهكذا بالنسبه لقسم المدونات القسم المحبب ليا بصراحه عندي فكره وهي ان الساده المراقبين عليه ينزلوا صوره ما لشكل ما ويكون المطلوب كتابة شيئ مناسب عن الصوره سواء مقوله او همسه او كلمه او سطور اشعار بجوار الكتابه العاديه للكل بالقسم فكره ممتازة وان شاء الله تتنفذ وممكن حضرتك تنسق مع المشرفين وتعملها ياريت يكون القسم العام محدد بنظام ان العضو ينزل موضوع واحد كل يوم لان بيحصل نزول موضوعات كتيره جدا لعضوه واحده او عضو واحد وبدون ردود فلو حصل وكل حد نزل موضوع واحد بيكون افضل وكمان بيزيد الردود والتفاعل فيه يعني آخر معلوماتى انهم كانوا موضوعين فقط لكل عضو مش عارفه موضوع هايكون كفايه ولالا عشان التفاعل يزيد ممكن تعملوا اعلان لمسابقات ببعض الاقسام اللي محتاجه نشاط واظن المسابقات دي ممكن تعود بالفايده للجميع للمنتدى وللاعضاء اقتراحات قيمه وان شاء الله يتعمل بيها بشكرك على قبول الدعوة واتمنى ليك كل التوفيق كل الشكر لحضرتك وانا بكرر الاسف لو قلت أي حاجه زعلت أي حد حقيقي بعتذر وكل الشكر لحضرتك على الدعوه ويارب اكون جاوبت بكل شفافيه ربنا مايجيب زعل وحضرتك نورتنا وكانت اجابات جميله وهنا تنتهى حلقتنا مع استاذ ياسر بشكركم على المتابعه واترك ليكم الترحيب بيه انتظرونى وحوار جديد مع اجدد عضو

[حـيـــــآة ❤]

اهلين ا/ياسر منور المكان كله

بكتاباتك وشخصك الكريم
زادنا شرف الله ان نتعرف علي حضرتك
وانصحك متتجوزش
منونتي حلقه جميله حبيبتي ربنا يسعدك ويسعد ضيفنا المميز
دمتما فـي حفظ الله

[العاشق الذى لم يتب]

اهلا بيك اخ ياسر
نورتنا وشرفتنا
ان شاء الله يعود النشاط
وترى مايسرك
اتمنالك كل توفيق وسعادة
وكل الشكر
منة وروعة البرنامج الراقى بجد

[توحد ارواح]

ماشاء الله بالفعل استصافه مميزه

أ/ ياسر رغم المده القصيره بالمنتدي

الا انه ملم بالمنتدي ككل وله اقتراحات تؤخذ بالاعتبار

واحنا بنرحب باى اقتراحات لصالح المنتدي

ومن تانى اهلا بحضرتك

تسلمى دمعه ع جهدك الطيب

[شاعرة الرومانسيه]

ماشاء الله عليكى منه حبيبتى دائما متابعه جيده

وسباقه بالخير والتعارف بين الأعضاء

من كل قلبى احى احى ياسر لقصة كفاحه مع اخوته

وادعو الله ان يجزيه خير الجزاء

منور اخى المنتدى

[Fatma eissa]

اهلا بحضرتك
يااستاذ ياسر
منور المنتدي
والبرنامج
واهنيك علي اجاباتك
واقتراحات

وبرنامج جميل يامنه
ومتابعة طيبه
تسلم ايدك

[واد حبيب]

حوار جميل مع عضو مميز يا دمعه
ياسر فعلا عضو جميل وكل موضيعو متميزه
ربنا يكرمك كده ونفرح فيك قريب
بتوفيق ان شاء الله

[بحر القمر]

السلام عليكم ورحمة الله وبركاته
يارب جمعه طيبه مباركه على حضراتكم اخوتي
بقدم مره اخرى كل شكري وخالص الاحترام
للاخت الاستاذه دمعه حائره على دعوتها لي
وارجوا من الله ان اكون وفقت في الرد والاجوبه


كما اقدم كل الشكر للاخوه والساده الكرام

أ حياة الروح
أ العاشق الذي لم يتب
أ توحد ارواح
أ شاعرة الرومانسيه
أ Fatma eissa
أ واد حبيب


جزاكم الله كل الخير والسعاده على هذا التقدير الجميل من حضراتكم
جمعه مباركه يارب على الجميع ان شاء الله
دمتم بكل السعاده

[شاعر الحب الحزين]

من أروع الاستضافات لأجدد عضو بصراحة

أخونا ياسر انسان محترم بتعامله وردوده ومواضيعه

نورت المنتدى أخي ياسر وان شاء الله تفيد وتستفيد


منة بحييكي على استضافتك الجميلة لشخص اجمل

ربي يعطيكي العافية يارب

[ايمان طلعت]

اهلا بك استاذ ياسر
نورت الحلقه باجاباتك والمنتدي كله
ولك اراء في الصميم
و ربنا يجازيك خير عن اخواتك

مشكورة منه على الحلقه الرائعه
تحياتي