مع الفلانتيم والحب

[ابو نصير]

بدون لوكلوك وهرش جمجمه ورغى عالفاضى ووجع أنفوخى نحمد الله المنتدى رجع بخير بعد خروجه من سجن العقرب وربنا ميجبش عقرب ولا سحليه ولعلى وعسى يكون أهل المنتدى بخير وصحه وسعاده .........

ومعى الفلانتيم نعيش الحب ونعيش أيضا السعاده والبسمه فى عالم من الرومنسيه ومعلهش قلت ياواد
يابو نصير لازم متدخلش بإيدك فاضيه على اخواتك وأخوانك الحبيبه وديه هديه على قد الأيد

أبو نصير عفى عليه الزمن وأكلته العته والبرومه وفضله زلطه ويطلع بره ولكن الدهن فى العتاقى ولسه الواحد مفصلش شحن ولا بيهند ذى الواد مهند بتاع نور التركى والديك الشركسى بس المشكله الهيباره والفبراشن عالى حبتين ولكن ياولاد القلب لسه شباب وعامل زى حب العزيز فى سوق الحب

بفضل الله نزلت اليوم سوق الحبيباه اللى هو الفلانتيم وقلت أعيش الفلانتيم معى ست الكل حبيبت عمرى
وقلبى الزوجه المصونه الست سنيه منجفسه اللى عفى عليها الزمن وقلت ياواد لازم تفرحها وتدخل عليها بهديه تملى عليها البيت علشان الواحد يبقى عمل حاجه حلوه فى عمره وتبقى ذكره خالده فى عالم من الحب ....
شوية ريحه من بتاعت الميتين واخذت البالطو والكوفيه وكنت من قبلها عامل نيو لوك عند الحلاق زرع شعر
وشديت الصندل عالشراب الكستور المقلم بخطوط ألوان الطيف وقلت أنزل وسط البلد ...
وقبل مانزل من البيت زغرتلى مراتى زغره من نص عينه ورفعت ودانها لفوق وحواجبنها وقلتلى متشيك ورايح فين يابو حمد طبعا أتسمرت مكانى ومعرفتش أتكلم وكأنى كنت عايش فى عالم الأخره والأموات
وجالى فبراشن ومعرفتش أتكلم لما بلعت ريقى وقلتلها ياست منجفسه النهارده يوم الحب
روح يابو احمد ربنا يسعدك ويفرحك يا أحلى زوج فى الدنيا ....
بوصه عالطاير زى الشحن عالهوا وبيبيه

ركبت التوكتوك وعلى وسط البلد شوفت اللى ماشوفتهوش فى عمرى الناس كلها لبسه أحمر ومسكين ورد أحمر والمحلات كلها أحمر فحمر بنات وشباب ونسوان ورجاله عواجيز والحياه وردى..
قلت ياواد يابو نصير لازم تشترى لحبيبة العمر هديه مختلفه ومتنوعه علشان مبحبش التقليد الأعمى
قلت مفيش غير المعلمه الست عزيزه ألمونيه هى اللى تدلنى أعمل أيه أول ماشفتنى قلتى إيه ياود يابو نصير الأيافه ديه هو انت عامل فيها فريد شوقى فى فيلم جعلونى مجرما مالك... عاوز اجيب هديه لمراتى .
حبيت عمرى الست مجفسه ...
فين أيامها الست منجفسه كانت ماسكه موقف التكاكتك زى الحديد شوف يابو نصير نصيحه الست منجفسه مبتحبش اللى انت بتقول عليه ده اللى اسمه الفلانتيز ياست ألمونيه اسمه الفلانيم
المهم .. دخلت المحل ولفت موش عارف إيه فى كيس أسود وقلتلى أستحلفك بالله متفتحش الكيس لما تدخل على حبيبت قلبى منجفسه أخدت الكيس والفرحه موش سيعانى وأول ماضربت المفتاح فى الباب
مراتى خدتنى بالحب والحضن قلتلها كل فلانتيم وانتى بخير فتحت الكيس الاسود المخفى وكان بداخله
زجاجة زيت وكيس سكر وفرخه من كتر الفرحه كان هيغمى عليها .....وديه هديتك ياحبيبى يانور عنيه
فتحت الكيس كان كلسون لونه أحمر مطرز بالترتر الأحمر
أغشى عليا من كتر الفرحه
ومع فلانتيم اخر
أبو نصير