متحف الفجـــر للكتابه

[*فجر الاسلام*]

يا دنيا حنى شويه انا قلبى مش حمل اسيه
ولا حمل اى وجع كفايه كل اللى فيا

جواكى كمية سموم بتهد احلامى كل يوم
بتكوى قلبى بالهموم وتقيد روحى واديا

نفسى للجرح ماةابقاش سامعه
وامحى دموعى دمعه دمعه
واضوى تانى الف شمعه طفتهم دموع عنيا

بس انتى حنى شويه وطبطبى مره عليا
واضحكى ولو لمره بلاش تكترى الاذيا

فجر
7/5/2018

[*فجر الاسلام*]

http://forums.banatmasr.net/msryat579984/
ضيقتي كل القيود ورسمتي ١٠٠دليل
قال مزروعه بالورود وزيها ما في بديل
.
وانا واقف من بعيد بتفرج ع الافلام
فيلمك ده نازل جديد يخليني أسكت عن الكلام
.
اخراجك مافيش زيه وبطلك قائد عظيم
قال زي الملايكه بضيه وقال ايه انسان رحيم
.
بصيت علي قيودي واستغربت القضيه
هم حاسين بوجودي ولا أنا عمت عنيه
.
وفجاه الكل بيهيص خلص الفيلم بدقيقتين
الله عليك ياريص وبنجاحه فرحانين
.
من الصدمه ماقدرتش اقوم حتي امشي واسيبهم
وخلص خلاص اليوم وكلهم خدو نصيبهم
.
ومحدش لصوتي بيسمع مش فاضيين من السرور
وسابو شوكك فيا يوجع وهم ليهم احلي زهور
.
عرفت اني مش منهم ولا ليا حتي مكان
ده انالازم اعيش فنهم عشان اكون انسان
.
وانا لسه متقيد ولسه فيا الف روح
بس احساسي متأكد ان هتزول الجروح

‏*فجر*

[*فجر الاسلام*]

قربت اشحت

فكري مره فيا وشوفي ايه اللي بإديا
هتلاقي حفنة تراب ده كل ما ليا

مقدرش ابيعها ف يوم ولو كنت شحات محروم
قدري الحب ده ماتزوديش انتي الهموم

طالبه ايه بس مني وانتي عارفه اللي ملازمني
قربت اشحت ف الشوارع قربت ابيع حته مني

انحني ضهري وانقسم من ذلك بقيت عدم
ارحميني بس مره انا اكتر حد فيكي اتظلم

هاتشاركيني تاني ف ايه
فاضل هواكي يعني هو جت عليه
لو كان غالي عليا .....خلاص اتفضليه

ومش مهم اني اعيش ما انا بقيت للاسف مافيش
وكل نبض فاضلي عرفت انه مايساويش

فجر

[*فجر الاسلام*]

حدووته بلد

كان يامكان كان في انسان
عايش ف بيت من غير عمدان

كانو اخواته ملايين كلهم بجدحلوين
وزي بعض عاشوا متساووين

قرروا يتجمعوا وعمود البيت يصنعوا
ايدهم واحده وقدروا يرفعوا

وعاشوا الاخوات احلي الاوقات
من غير كره ولا ازمات

والخير موجود والارض ورود
والامن جواهم والحب يسود‎ ‎

مافيش عدوان يفرق وجدان
طول ماهم بس انسان
‏.
وتوته توته خلصت الحدوته
من خيالي كانت عايشه مكبوته
‏.
*فجر*

[*فجر الاسلام*]

بره الهامش

انت بره الهامش ..ولو فكرت نفسك عايش

انت قصه وهميه ..وف حياتهم مداريه
فوق كتافك حمل شايل ..وفوق ده كلو حالك مايل
انت شمعه ف الظلام ..وف النور مافيش اهتمام
انت ع الرف مركون ..مش بتلمحك العيون
زي ذكري من الماضي ..ووجودها شئ عادي
انت دوا وجوه منك ..مافيش دوا يخفف عنك
كل الناس ليك حبايب ..ووجودك بنهم غايب
انت الفرحه ف ملامحك ..ومافيش حد يسمع جرحك
انت جبل من بعيد ..ويوم ماتقرب اي ايد
تتهد من ضعفك ووجعك ..وماتشوفش حد من دمعك
انت الحلم الجميل ..ويوم ماتمشي ليك بديل
زيك زي اي حكايه ..لكن حكايتك مالهاش نهايه ...

[*فجر الاسلام*]

ولا حاجه

بعد ده كلو مايعرفوناش والعمر اللي عدا راح بلاش
كنت معاهم ومش معاهم بقيت ولا حاجه وماتسواش
‏.
اتعب قلبك ١٠٠مره ودوق عشانهم حياه مره
حياتك ماتمشيش عادي قيد نفسك وروحك حره
‏.
كل املك نظرة رضا وحلم يحققه القضا
بس طموحهم فيك اصبح شئ قد مضي
‏.
وانتهي كل اهتمام عشان شويه كلام
موتوا قلبك بالبطئ وبقيت ولاحاجه من الالام
‏.
‏.
*فجر*
1/7/2018

[*فجر الاسلام*]

زي الجبل

لو بتحلم ميت حلم وطموحك يجري ف الدم
لوبتقوي بإرادتك
لسه الحزن زي السم
بيقتل كل فرحه فيك وكل نبض حلو بيناديك
ممكن تلاقيه ف ثانيه فجأه بيقضي عليك
‏.
لو شايف دايما الامل وشايل حملك زي الجبل
لو سايب كله ع الله ومايهمكش ايه العمل
لسه الضعف جوه منك بيحاول يداري عنك
بس باين عشان انت عايش سن مش سنك
لو وجعك مهما كان انت قادر ع الكتمان
مافيش زيك ف ابتسامتك قدام اي انسان
بس دموعك مداريه وروحك من الهم مش هيه
عشت لوحدك وبرضو لسه محاوطاك الأذيه
‏.
زي الجبل من بعيد بس وراه قلب وحيد
مكسور من الوجع بس يبان انه حديد
بيمشي ودايما يتألم من غير حتي مايتكلم
بكره هيجي ويتغير بكره يكبر ويتعلم
واللي راح هينساه وهيتعلم من الحياه
انه لازم يكمل ولو ماكنش حد معاه
‏.
فجر

[*فجر الاسلام*]

مهلاً بروحى

علي اقدارى وضعت جنبي
ظننت انه سيرتاح قلبي
لكنه بكي حُزناً
فماذا كان ذنبي؟

لأري دمعي لايفارق العيون
ليعيش قلبي ف عُزلهِ عن الكون
لتحمل روحي وجعاً
يكون لحياتي قانون

أيها القدر مهلاً بروحي
وياروحي صبرا لاتبوحي
فصانع الاقدار طبيبا
فهنياً ستُشفي جروحي

*فجـــر*

[*فجر الاسلام*]

يا قلب طيب

يا قلب طيب مالوش مثيل والغدر مش طبعك
كل شئ فيه جميل واى شئ دايما واجعك

حبك نسمه بتروح تداوى قلوب كتير
مهما كانت الجروح لسه قلبك ده كبير

مايعرفش يكره ويقسى مايعرفش غير الحب
اى كلمة جرح ينسى عشان يحافظ على القلب

بس انت عايش فين وسط الغدر والخيانه
مش واخد بالك من سنين ان قلوبهم دى جبانه

ماتعرفش تحافظ وتكسب طيف قلب الاصيل
عشان كل حرف بيكدب وليهم الف بديل

اوعى تحزن ف يوم دى ماتستاهلش الدموع
سيبهم هم للهموم ولقلبهم الموجووووووع


وليدة اللحظه
مجرد كلام
فجــــــر

[*فجر الاسلام*]

انتو كل الامل

كلمه منكوا تنسينا
............ اي جرح عشنا فيه
الرضا منكوا امانينا
...............ولقلوبنا يداويه
مهما كانت خطاوينا
..........قلبكوا برضو هنلاقيه
ف طريقنا يخلينا
...............دايما نتمسك بيه
عشان فيه اسامينا
.............وفائك ده محليه
انتو كل الامل لينا
........والام الماضي هنمحيه
وقلبكو ينبض فينا
.............وعن الكل هيغنيه

*فجر*