متحف الفجـــر للكتابه

[*فجر الاسلام*]

الزكـــــــاه

الدنيا بتصورلي ... صعب طريق الرحمه

وذكاتي بتنورلي ... أشوف الصعب في الزحمه

فرض بيعلمنا ... ازاى نحس بالفقير

فرض بسيط ...ماتخلهوش إنت كبير

عمر فلوسك ماتنقص ... لوطلعت راحت لغيرك

بالعكس دي هتزيد ... وهيزيد معاها خيرك

فضل ربنا وكرمه ...يحل عليك في البيت

والحب ينور قلبك ... لو الذكاه مانسيت

الاثنين 8 رمضان 1437

[*فجر الاسلام*]

أيامه بتجــــرى.......المسابقه

ايامه بتجرى

وقرب النصف يجينا

رمضان ياشهر الرحمه

استنى شويه علينا

لسه مستقبلينك

قدومك ده فرحه لينا

بتقربنا من ربنا

والقران فيك بيشفينا

الخير ماليك

ومن بركاتك بتدينا

تراويحك دى جنه

ووجودها بيداوينا

سحورك ده بركه

وبيزود الايمان فينا

فيك صمنا وصلينا وزكينا

مستعجل ليه استنى

خليك قدام عنينا

نتمنى تكون مقبول

وفى الاخره تشفع لينا
الاثنين 8 رمضان 1437

[*فجر الاسلام*]

ممنوع الدموع‎ *مسابقة افتح قلبك*

تلك الدموع القاسيه أجبرتنا علي الصمت أجبرتنا علي الإبتعاد

فهي لا تتحمل قسوة القلوب ولاتتحمل الكلام الحاد

فتبَسَمتَ في الوجوه وراحت تسيل في انفراد

أجبرتنا علي أن نكون صامتين ولاننطق حتي للدفاع

جعلتنا نظهر الفرح رغم أن بداخلنا أوجاع‎

جعلت أعمارنا تزيد

‎وجعلتنا نصنع للحياة قاموساً جديد

يوجد فيه قرار أمام البشر ممنوع الدموع

ولاالشكوي ولاإظهار الآلام وليس في القرار رجوع

فالبشرمهما فعلوا فلن يمحوا اثار العناء

فأختارت أن تسيل لرب السماء
فتعلَمتَ وعلمتَ النفس الصبروالإحتمال

شكرا لها فقد علمت قلوبنا كيف تكون قويه كالجبال

/06-16-2016

[*فجر الاسلام*]

يوم جميل
يا ايام الفرح هلى بكل رحمه وطلى
وياروح إسعدى وروحى اتوضى وصلى

وصومى وقيمى الليل بكره يوم جميل
مليان بالغفران يشفى القلب العليل

واصله لهنا النفحات من على جبل عرفات
عباد هيدعوا ماتنسونا من الدعوات

يوم بس هيغفر لينا اللى جاى وكمان ماضينا
اه هنصوم ونصلى ومش هنقول نسينا

بلغنا يا الهى اليوم واقبله يا حى ياقيوم
بنستناه كل سنه ناووين خلاص نصوم

لبيك لبيك يارب اغفر يا حبيبى الذنب
واوعدنا بالوقوف ع الجبل مشتاق ليه القلب
السبت 8 ذو الحجة 1437

[*فجر الاسلام*]

طلع البدر علينا
طلع البدر علينا .. من ثنيات الوداع
وجب الشكر علينا .. مادعي لله داع

صلاوات الله عليك .. يا حبيبى يا محمد
كل الحسن من عينيك .. وكل الكون يشهد

يا امام المرسلينَ .. يا ختنام الانبياء
مثل حسنك ما لقينا .. كالبدر فى السماء

صلوات وسلام .. لك ياخير الانام
قولك مافيه مثلٌ .. قولك خير الكلام

الاثنين 2 محرم 1438

[*فجر الاسلام*]

إغفر لي

لم اجد في بعدي

شئ يفيد

فقد كنت غارق

قد كنت عبداً شريد

تحت سيطرة الذبوب

ورهناً لها بالتقييد

دائماً ما استمع
إلى فقط ماتريد

قد مات القلب

والآن أحيا من جديد

كيف كان سيعيش

وقد كان عنك بعيد

إجعله بقربك ولاتجعله

عن الطريق يحيد

فرحمتك وحنانك

تجعله دائما سعيد

وإغفر لي فإني

أخشي يوم الوعيد
السبت 15 ذو الحجة 1437

[*فجر الاسلام*]

في القلب ذكراكم

http://www.yallaprograms.com/softwar...421707_469.jpg

قلبي لم يمتنع عن السؤال

أيها الساكنون فيه كيف هو الحال

حنيني الي ماضيكم
لم يغيب عن البال

من بعد غيابكم

قد صار الحب لي خيال

بحث فلم أجد لكم مثال

لو أدري أين القاكم

كنت شددت اليكم الرحال

وإن قطع بيننا الوصال

اسال الله ان يجمعني

بكم تحت الظلال

#الصداقه_لاتموت
/09-06-2016

[*فجر الاسلام*]

حالك وحالى

ليه بقي حالك كده ليه بقيتي زي الصدا

بتاكلي فينا حتي صوتنا مالوش صدا

بتحتجينا عشان روحنا تبقي ليكي فدا



حسسيني بالأمان ليه بيقرب الموت

حسسيني بالحنان ولاحضن اتعلم السكوت

حسسيني اني انسان خليني مره يطلعلي صوت



ليه محسساني انك بحبینی بجد

وانتي مابتسأليش عن حد ولما ايدي ليكي تتمد

تسبيني في طريق آخره سد



سبيني خليني فحالي دفنت ف ترابك كل آمالي

ولوإفتكرتيني افتكري

اني ماحستش ف يوم اني غالي



نفسي تخلفي في يوم ظني

وتقولي من قلبك ده ابني

وتشيلي تهمة إن السبب مني

دوري فيكي ظلم كتير دوري بعيد عني

/09-07-2016

[*فجر الاسلام*]

غـــدر بيــــا

كان نفسي ابقي تاجر مالقتش قولت أهاجر

تعبت يابلدي حتي بحرك للأسف فاجر

خادني وغدر بيا ورماني ماليش ديا

غرقت انا بقلبك وطلع العيب فيا

م انا لو لقيت ايد تشيل قيود حديد

من الفقر والذل ماكونتش روحت لبعيد

لو كنت لقيت سند كنت فضلت للأبد

اعمر فيكى ده مهما كان انا الولد

عارف انا غلطان كان لازم امشي ف امان

بس برضو انتي السبب مالقتش فيكي حنان

حتي ف موتي ظلمتيني وف حياتي ماضمتيني

ضميني لآخر مره ولا من دي كمان هتحرميني

http://forums.banatmasr.net/images/s...0Smiles/64.gif فجـــر http://forums.banatmasr.net/images/s...0Smiles/64.gif
السبت 22 ذو الحجة 1437

[*فجر الاسلام*]

ناس عجيبه

ناس بجد غريبه

وتصرفاتهابقت عجيبه

مش بنفهم كلامهم

وعلي عارفين طباعهم

بيحبوا اللف والدوران

بيخدعوا من زمان

مافيش احساس

بيموتوا في سير الناس

بيحبوا يظلموا

ومابيحبوش ابدا بيسمعوا

غير آرائهم وبس

والباقي محدش بيه يحس

بيحبوا الأنانيه

ومنهم من مات فيهم الإنسانيه

أذاهم مش بس للبشر

ده وصل للحيوان والشجر

راح فين خوفهم

من ربهم اللي شايفهم

نتمنا الهدايه

لقلوبهم قبل النهايه

عشان مش هينفع

ندم ولا حد لتاني هيشفع

فجـــر

الاثنين 24 ذو الحجة 1437