البنت الجريئه

[الأميرة رودي]

السلام عليكم

صباح الخير يابنات و /شباب

مين فينا مش بيدخل فيس ولو ويتابع أخبار الدنيا يوميا
اكيد كلنا او اغلبنا
لاحظت فى بعض التعليقات كميه هجوم على البنات حاليا وشكوك من الشباب بل ويقين أنه معتش بنت مستقيمه ومفيش بنت إلا وخاينه لأهلها ولثقتهم فيها
.
انا عن نفسي بزعل م النظره التشاؤميه دي بس لما بفكر شويه بلاقي أن عذر الناس اللى بتتكلم دي انهم شايفين جرأة زياده وغير مألوفة

انا بسمع ألفاظ بعض البنات بتقولها الألفاظ دي لما كنت اسمعها من شاب كنت ب اشمئز منه واقرف من أسلوبه
طيب لما تيجي بنت وتستخدم نفس المصطلحات دي يبقى ايه الحل؟
بدون ذكر المصطلحات بس دى بتكون سبب أنها تدي انطباع للشاب انها بنت معندهاش حياء
طبعا الكلام ده مش تعميم على كل البنات لأنه فيه بنات كتير بردة محتفظه بحياءها ورونقها كأنثى اذا كان فى طريقة لبسها أو مشيتها فى الشارع أو أسلوبها بس احنا فى مجتمع السيئه فيه بتعم والحسنه تخص.

انا افتكر وانا فى ثانوية عامة كنا بنروح دروس ونخرج كتير وكده ومع ذلك لو حاجه حصلت تضحكنا فى الشارع واحنا ماشيين مع بعض كنا نخبي وشنا بالكتاب أو الأجندة علشان محدش يشوفنا بنضحك ..

دالوقتى انا بتكسف للبنات سلف والله من اللى بشوفه من لبس أوفر وضحك عالي والاقي بنت واقفه تظبط هدومها فى الشارع
طب ازاى يعني ؟

مش هطول عليكم عشان ماتنموش مني

ايه رأيكم فى الظاهرة من وجهه نظركم دي حريه شخصيه ولا تصرفات دخيلة علينا؟؟

من حقنا نناقشها ونشوف أسباب الانفتاح الزايد دة ولا كل واحد يخليه فى نفسه

البنات اللى بالشكل ده اكيد ليهم أخوات شباب... ايه اللى يخليك تسيب اختك تتصرف كده وفى نفس الوقت تروح تفتح فيس وتشتم فى البنت الجريئه؟؟؟ شيزوفرينيا دي ولا مش شيزوفرينيا يامتعلمين..

ناقشوني

[رنوش روشي]

احنا في عصر الانفتاح ولا انت ضد الانفتاح يا استاذ ملواني هاهاها حبيبتي ربنا يهدي الجميع ولو فضلتي مركزه بالموضوع دا نفسيتك انتي اللي هتتعب

[فداااااااااااء]

صحيح عزيزتى انه امر مؤسف
تلك الفتيات يعتقدن ان ذلك يعطيهم نوع من اعجاب الشباب بهم
ان الانحلال الاخلاقى اصبح امر متفشي بصورة محزنة
كثيرا ما شعرت بالتعجب من تلك الالفاظ والتصرفات التى اراها فى اساليبهم وتعليقاتهم و المصيبة الكبرى انهم يفاخرون بها ويضحكون عليها وكانها شيء ممتع
ولا يعلمون انه امر يهينهن
الشباب من كثرة ما يرون من تلك الامور اعتقدوا ان الانحلال ذلك اصاب جميع الفتيات بل وصل الامر الى انهم لا يصدقون ان هناك من مازالت تحافظ على اخلاقها وانوثتها
البعض من تلك الفتيات يقولون لماذا تعيبون علينا والشباب يقولوا تلك الالفاظ
ان كان البعض من الشباب عديمى الاخلاق والحياء فليس من الذكاء ان تتساوى معهم
نحن مجتمعى شرقى ما تقوم به الفتاة وما تتلفظ به يكون مسلط عليه الضوء اكثر من الشباب

احيانا اشعر وكانى فى عالم ليس عالمى فنحن لم نربي على ذلك

سلمتى رودى

[دمعه حائره]

للاسف قلة الادب بقت موضه وعدم الاحترام هو السائد
حتى بينادو بعض بشتيمه بستغرب ايه الجمال والخفه فى كدة
بس ده عيب الام اولا وباقى الاسرة بعدها
والانفصام سعات بيكون عند البنت نفسها تلاقيها فى البيت هادية ومؤدبة
وعلى الفيس وبرا البيت بتشتم
موضوع قيم تسلمى رودى عودة جميلة

[العاشق الذى لم يتب]

عليه العوض ومنه العوض
من ضيع الاسلام ضيع كل شيئ
سلمت
وبارك الله فيك

[bobaOo]

قلة دين اولا

مفيش رقابه ثانيا

وهنقول ايه غير ربنا يهدي

تسلمي ع الموضوع

[طبيب الهوى]

موضوع شائك بالفعل يا سارة

أتفق مع جميع الأراء التي ذكرها الأعضاء هُنا

لكن الرأي الذي أتفق فيه تماماً هو رأي مِنَة

الأم هي أساس التربية فعلاً

في عيد ميلاد أبنتي ريم الماضي

اخويا الصغير محمد حب يبوسها في خدها ويباركلها

فوجئت بأن ريم قطعت وجهه بأظافرها

وجريت تجاهي ورمت نفسها في حضني

ولما سألتها عملت كده ليه قالت لي

أن مامتها رحمها الله قالت لها متخليش حد يبوسك غير بابا

وهي بتنفذ كلام مامتها

قلت لها ماما صح يا حبيبتي يلا نقرأ لها الفاتحة

حفظ الله أبنتي وبنات المُسلمين أجمعين

عودة حميدة يا سارة بمشكلة واقعية نُعاني منها حقاً

تحياتي وودي وورودي

أبو عصام

[رنوش روشي]

اقتباس المشاركة الأصلية كتبت بواسطة طبيب الهوى موضوع شائك بالفعل يا سارة أتفق مع جميع الأراء التي ذكرها الأعضاء هُنا لكن الرأي الذي أتفق فيه تماماً هو رأي مِنَة الأم هي أساس التربية فعلاً في عيد ميلاد أبنتي ريم الماضي اخويا الصغير محمد حب يبوسها في خدها ويباركلها فوجئت بأن ريم قطعت وجهه بأظافرها وجريت تجاهي ورمت نفسها في حضني ولما سألتها عملت كده ليه قالت لي أن مامتها رحمها الله قالت لها متخليش حد يبوسك غير بابا وهي بتنفذ كلام مامتها قلت لها ماما صح يا حبيبتي يلا نقرأ لها الفاتحة حفظ الله أبنتي وبنات المُسلمين أجمعين عودة حميدة يا سارة بمشكلة واقعية نُعاني منها حقاً تحياتي وودي وورودي أبو عصام

الله يرحمها ويحسن اليها ويجعل مثواها الجنه

[طبيب الهوى]

الله يرحمها ويحسن اليها ويجعل مثواها الجنه
اللهم آمين

ميرسي يا بتي دعاءك الرقيق والنبيل مثلك

تحياتي لشخصك وأسرتك الكريمة

أبو عصام

[حـيـــــآة ❤]

والله صعبه شوي
بس بتحصل للاسف كتير

بتفكر انها بكدا مسترجله وكول وبتاع
في وجهة نظري يعني

ربنا يهدي ويصلح الحال
منوره ياحبي