بيان عاااااااااجل

[مارد الغضب]

لم أكن يوما مع احمد شفيق..
و لا ضده
بل كنت أميل إليه بشدة عندما كان رئيسا لوزراء مصر
و فى حوار له مع بعض المثقفين على قناة اون تى فى
مع يسرى فودة غضبت من علاء الاسوانى عندما تحدث
معه بوقاحة...و استخدم حقه فى الحرية بطريقة سيئة...
قلت وقتها اهكذا تكون حرية الرأى؟تبا لها من حرية...
اليوم و بعد أعوام نسينا فيها أحمد شفيق تماما كما نسينا هو
عاد من جديد طمعا فى ممارسة سلطة الحكم أو كما يزعم
الجميع تلبية لنداء الواجب الوطنى...
و لكنه لم يضع فى حسبانه ان الواجب الوطنى قد تكفل به
زعيم آخر...قرر فيما يبدو أن يفنى عمره كله و اعمارنا معه
من اجل تلبية نداء الوطن...
ففى يوم واحد اعتقلت الامارات شفيق و رحلته الى مصر
ليقضى بقية عمره فى السجن حيث طباخو القوانين التيك اواى
فعلى خطى سمير صبرى المحامى تطوع محام اخر للبلاغ عن
شفيق لتحريضه على العنف و تواطؤه مع الاخوان و 6 ابريل
و السعى بالوقيعة بين الدولة و الامارات
و ما خفي كان اعظم ربما يكون حرامى غسيل هو الاخر
و فى نفس اليوم تحويل العقيد احمد قنصوة للنيابة العسكرية
و طبعا خالد على عليه قضية متحوشة للوقت المناسب
لذلك و من خلال قراءة المشهد فى مصر
فلن اترشح للانتخابات الرئاسية هذه المرة
و على الخمسة المؤيدين لى انتخاب غيرى حتى بيان آآآآآآآخر

[دمعه حائره]

الغريب فى ظل الديموقراطية المزعومة
مهاجمة وشن الحرب على كل من يفكر فى الترشح
واتهامه بالخيانة والعمل ضد مصلحة مصر
افضل ليك اخى ماتترشح 😂

[جالس لحالي]

كم كنت اتمنى ان اكون السادس بعد الخمسة المؤيدين لك

ولكن عندى غسيل وده الى منعنى

محدش قبض على شفيق
الراجل قال انه ممنوع من السفر فسافر على طائرة خاصة وروح بيته فى التجمع الخامس

خالد علي عليه قضية بقالها اكتر من سنة ومينفعش واحد يطلع يعمل حركة لا اخلاقية بصباعه ويرشح نفسه بس اهلا وسهلا

عقيد الجيش مينفعش وهو فى الجيش يطلع يقول انا هترشح .. دى لوحدها المفروض ياخد فيها اعدام رميا بالرصاص .. يخلع بدلتله ويترشح اهلا وسهلا

حمدين صباحي موجود على فكرة .. اهلا وسهلا بردو

لسه في الفريق الرئاسي 2018 فين دوره ع الارض

كل واحد فاكر نفسه انه حاجة وهو ولا حاجة وكل الى حواليه شوية تويتراجية .. اهلا وسهلا بيهم

لسه انكل البرادعي الله اعلم بموقفه

بس خد بقى الزتونة
الى كان بيشتك فى شغيق وحاليا شايف انه مخلص وعايز يقف وراه هيشتم فى بتوع خالد علي وبتوع خالد علي هيشتم فى بتوع الفريق الرئاسي وشله عصام حجى هتشتم فى شلة البرادعي وشلة حازم عبد العظيم هتشتم فى شلة حمدين
هات فشارك وترمسك واتفرج من بره

[فداااااااااااء]

اول ما اعلن الترشح هُجم بشكل غير طبيعي والسبب ان تسجيله ظهر على قناة الجزيرة
اهتموا بظهور التسجيل ولكن لم يهتموا بقوله ممنوع من السفر والغريبة يقولون اهو لقد سمحوا له بالسفر ..امر طبيعى ان يسمحوا له غصبا عنهم بعدما اصبح الجميع يقول لماذا تم منعه
والاغرب انه عندما عاد اختفى حتى ابنته لم تستطيع الوصول اليه ولم يظهر الا بعد ما قام عمرو اديب بقول انه سيظهر
والاغرب ايضا انى عندما سمعت مكالمة شفيق مع الابراشي حول ترشحه قال انه فيما معناه ربما يرجع فى قراره وانه غير متأكد وهل لما كان فى الامارات لم يكن متأكد من رغبته ؟! لماذا عندما اتى لمصر
وشيء اخر عندما قال له عن التسجيل الذى اذيع على الجزيرة قال لم يكن وقته وتم تسريبه معنى هذا انك قصد مافيه

احب ان اختم لك كلامى الطويل معذرة بجملة قالها السيسي
والحدق يفهم ( لن انوى الترشح لفترة ثالثة ) واخد بالك من ثالثة دى هههه
سلمت اخى

[Fatma eissa]

وعاملين قانون
عدم الترشح الشخص
الي اقبل علي 70
وبعدين كدا كدا هيفضل
الرئيس الحالي موجود
لأنه تبع الجيش
وممكن يعملو البدع
عشان ميرحلشي
تسلم ايدك علي طرحك
القيم

[Doaa Hammam]

متهيألي ان مصلحة النظام المصري وجود منافس له في الانتخابات

والا ظهر امام العالم ان مصر تعيش ديكتاتورية وقمعية ..

لذلك لا أظن أبدا ان الدولة تضطهد المرشحين

الامارات لم تمنع شفيق من السفر ولم تعتقله

وشفيق أنكر تماما انه اختطف وذكر ان مصر استقبلته بحفاوة ..

واعتذر عن بيانه اللي طلع ع الجزيرة

[طبيب الهوى]

يا أخي العزيز لماذا ترهق فكرك ونفسك

الأشراف سيترشحون عام 2050

أنتظر وقم بترشيح نفسك معي

في إنتخابات الرئاسية المصرية عام 2050

أما بالنسبة للفريق أحمد شفيق

خسر كثيرا بالهروب من مصر

وخسر أكثر حين قال أن جهاز الكمبيوتر الخاص به

تم قرصنته وسرقة ما عليه من بيانات

من ضمنها هذا البيان الذي أُذيع في قناة الجزيرة

لأنه لم يحترم عقلية المصريين ولا حتى عقلية المجانين

لنا الله أخي الحبيب

تحياتي وودي وورودي

أبو عصام

[مارد الغضب]

دمعه حائره
*****
يبدو اننى سأضطر احرمكم من الشماتة في
علشان محدش يتهمنى انى كومبارس
*****
تحياتى لسموك

[مارد الغضب]

جالس لحالي
*****
كلامك جميل
و لكن
كلام المحامية الخاصة بشفيق مختلف
و بعدين و الله
انا كنت متأكد ان شفيق حيطلع يقول
انه لسه مقررش الترشح
و انا و انت و الاخرون عارفين ليه
بس عااااادى
و انا سعيد انك كنت حتنضم للحملة الشرسة
بتاعتى بس على فكرة كنت حتبقى العاشر
علشان فيه 4 كانوا ينضموا للحملة
*****
تحياتى لسموك

[ahmed 22]

موسم الانتخابات بدأ اهو الحمد الله ..
والله احسن من الافلام الاجنبي ..
ادينا هنتفرج ونضحك شوية

انا اللي متعجب منه بس هي التركيبة العجيبة اللي حصلت دي
اللي ادت لعودته لمصر

ما هو لاما شفيق ده ساذج ومجرد اداة بيتم استخدامها بذكاء
لعمل رأي عام وبروباجندا فارغة وقتيه ..

لاما الرجل ده واللي بيدعموه بالوكالة او من الباطن او بدون علمه هو شخصيا
سواء سلطة سابقة متمثلة في الاخوان او حتي ثوريين سابقين وغيرهم
عارفين انه ضعيف الشخصية وممكن من خلاله الوصول للسلطة لو هو وصل ليها
وبعدين علي المدي البعيد انتقال السلطة ليهم وبالتالي الدعم هيكون ليه
سواء بشكل مياشر او غير مباشر بطريقة هو نفسه مايحلمش بيها ..

وهما فاهمين عقلية المصريين وعارفين ان اللي حصل مؤخرا ده
هي اكبر دعاية اتعملت ليه و يقدر يبدأ منها قدام السيسي
او زي ما بيقولوا كدا في المصارعة الاندر دوج فروم ذا اندر جراوند ..
وهيكتسب شعبيته من مهاجمة كل اركان الاعلام
والنخبة والنظام ليه .. لان الشعب دايما بينحاز بعاطفته للمستضعف لو اتوجد
بصفات احمد شفيق كدا.. ولو هو مقرر فعلا انه يترشح للرئاسة ..
هو ممكن يبقي منافس قوي لو الاعلام المضاد للدولة او الاخواني
ماظهرش انه منحاز ليه بشكل مبااشر ..

يعني شفيق مع دعم خمسة او ست ملايين صوت اخواني
مع شوية سلفيين مع شوية ثوريين والتراس وشوية متضررين
من الاوضاع الاقتصادية اللي حصلت في عهد السيسي
يعملوا كتلة انتخابية بنت حلال لشفيق ولو انا مكانه لازم افكر اترشح
في ظل انحدار شعبية السيسي الي حد ما ..
وان الناس عموما في حالة غليان ... مع اعلام متحيز غبي الي حد كبير
في اوقات كتيرة

ما بحبش انا افلام المؤامرة دي بصراحة بس الفكرة حلوة
يلا ادينا بنتسلي هههههه

شكرا للطرح القيم مارد