خلاص اهو مات!

[جنون قلب]

خلاص مات وفي يوم من الايام
هتعدوا علي قبره وتقولوا
دا شاف كتير
عاش بيشحت من الناس مشاعر
ومات في الاخر امير
عشان في يوم نفض للي مشي واللي غاب
للمنافق والكداب
عشان ساب كل واحد فكر انه يسيب
اقتنع في النهايه كل شيء قسمه ونصيب
عاش كئيب ومات والضحكه ماليه وشه
لانه في النهايه اقتنع ان كل حد كان بيحبه
كان في الاصل بيغشه
الدنيا الوان واقدار وهو اختار لون يناسبه
لقي لونه في الوحده
قلتوا عليه انه بيقف لكل واحد ع الواحده
متعرفوش ان قلبه شايل ل كل واحد منكم واحده
وزرعها في قلبه وطرحت قسوه
يا دوب
روحوا العزا واشربوا علي روحه قهوه
يمكن تشفعلكم قعدتكم في عزاه
اما هو خلاص مبقاش ينفع يعود
بقي في ذمه الله
وبقي ليه حياه تانيه
احنا كدا مبنعرفش قيمه الحاجه غير اما تضيع
بتبكوا ليه ما هو ياما اخترعتوا مواضيع
عشان تبعدوا عنه
وياما قلته عليه واد ممل
اديه دلوقتي مشي وساب لكم شويه ضل
يا شويه قلوب سوده وعقول مريضه
كلامكم كان جوه منه بيذل
لكنه كان ساكت
فرحتوا ب سكوته زودتوا في كلامكم
لغايه ما كل حاجه حلوه ليكم جواه ماتت
افرحوا دلوقتي بقي ب موته
ودوروا علي غيره يكون من نفس اشكالكم
بديله يستحمل سخافتكم
ويكون في النهايه منكم وانتوا منه
اقروا الفاتحه ليه وسبوه وابعدوا عنه
هو مات كملوا انتوا حياتكم 😥😥

[fanky girl]

عايشين بنجرح في نفسنا
ونتعلق بناس مش عيزانه ونرجع نلوم نفسنا
وساعه الجد نلاقي الوحدة هي اللي فضلت
الله غالب... 💔

[جنون قلب]

القلب يهوي من ليس له
ليتعلق ف يعذب به
يهرول مسرعا خلف كل قاس
ويترك الاحبه يطرقون ابوابه ولا يفتح لهم
منوره اختي المكان
بس صدقيني احنا مبنعرفش نختار
اتعلمنا كل حاجه الا حشن الاختار
بالتوفيق ليكي يا رب

[*فجر الاسلام*]

كتبت فضفضه من يومين بنفس الطريق
بجد حسيت ان كلامك من جوايا انا
للاسف مش هيفيد ندم حد بعد مانمشى
ربنا يحفظك يارب
تحياتى

[Doaa Hammam]

الكثير منا للأسف لا يشعر بقيمة الاشخاص الا بعد ان نخسرهم ونفقدهم !

كم هو جميلا لو ادركنا ان الدنيا ما تسوى

وان نتقارب مع احبتنا وان لا نحمل في قلوبنا ضغينة على احد

سلمت يمناك وجمعة مباركة

[نجاة حسام]

وعلى ايه الملامه طلمن انت عارف ومتاكد انهم مش يستاهلو
وليه تحزن وتزعل على الرخيص اومال الغالى هتعمل ايه لما يفرقك
ربنا يسعدك ويبعد عنك الخاين والانانى

[السفيره عزيزه]

يا نهار ابيض
مين ال عمل كل الحجات الوحشه دي
دا يبقي جميل انه راح في ستين
وان كان ما يكفوا نخليهم سبعين
بس ليه نموت اخونا المسكين
ونشرب قهوة على نا س كدا صاحيين
تعدي وتفوت ما فيه ناس حلويين
وربنا بيعوض بس انتم مش شايفين
بس شمر كدا وقول يارب انت معين
ومسير تقول ياااااااااااه احنا كنا فين
كريم يارب والقلب كله يقين
ما يحب عبده حزين
والله يا خويه وللك عليه يمين
انت شرفتنا بالغيظه في رقم ستين
وهتسيب منتدانا وتروح بس فين

تحياتى واحترامي

[يحيى الفضلي السودان]

كلمات تشبع حنين الجفوة والعذاب
اللهم اترك لنا احلى ذكرى

[دمعه حائره]

ماهو ده طبع البشر يقتلو فيك ويقولو ده حكم القدر
ويلومو لما تموت معاك حجات كانت متقدرش بتمن
فضفضه موجعه اخى سلمت وربى يحفظك

[Lamees]

ولا اي حد في الدنيا دي يستحق انك تموت عشانه
او حتى تزعل هو كده طبع البشر ولازم تكون عارف كده
الاحسن اننا نشوف مصلحتنا احنا قبل اي حد تاني

حمد الله على السلامة يا اسلام
كل عام وانتم بخير