قلبك حجر ..

[دايب في الحب دوب]

قلبك حجر ...
جرح البشر ...
جرحتينى
قلنا قدر ...
فاتنى هجر ...
قتلتينى
كونى يوم ..... كتاب ألم .... فى دنيتى
يمسح دموع ... عشرة زمن .... من فرحتى
ليه ماتكونيش حبر ف قلم ... دمعتى
تحلف حروف ... الندم ما كتبتينى

***********
ليه فرحنا ....
بقى جرحنا وقسانا
ليه تسكنى ...
قصر ف جبل نسانا
معنى الهنا ....
ويضمنا ف ليل شوك
وبتحضنه ....
عيون أنين نعسانة
بيتحول فيه النغم
ويتغنى
ويتألم على فرط عقد حنينى

نقطة ندم من كاس عدم ..... شربتها
خلت عروق القلب ...... تصرخ وقتها
ترفض تعيش
ما تهمنيش الحياة
مع اللى باع ...
فى لحظة هى المنتهى
أنده وأقول دق الطبول ... كان ليه ؟
أسمع صدى من الفضا... غلبتينى


عطشان أمل
ووداد ولحظة شوق
غرقان فى بحر دموع ونبض عروق
محتاج لشربة سلسبيل وأمان
ترجع لى
كل اللى كان مسروق
مايفيدش ندم
وعتاب ولا لوم
حبك دما
وخداع
حطمتينى

[بنت بسيطه]

كلمات رائعه تسلم ايديك