ماتخافيــش

[*فجر الاسلام*]

اكتبي
وكل جمله ارسمي
لو مهما حاولوا يسكتوكي
أنتي برضو اتكلمي
اضحكي
نوري حياتك بطلتك
وامسحي بإيدك دمعتك
ومهما كانت وحددتك
اصبري
وبطموحك اكبري
وبخيالك صوري اي حاجه تشوفيها
وماتخافيش إحلمي
ودوري
ع اي حد يرفعك
وسيبي اللي بيوجعك
ولو مالقيتي اللي يسمعك
لازم انتي تفهمي
ان محدش هيناديكي
مهما بكت عنيكي
ويوم ماانتي تتمسكي
هيسيبو هم ايديكي
فاتعلمي
انك مع ربك تتكلمي
هو اللى حاسس بحالك
مهما كنتي بتتألمي

*فجر*

[قلـــــــــــــــــم]

يا سيدي على الروقان

فتعلمي انك مع ربك تتكلمي

هو الى حاسس بحالك

مهما كنتي بتتألمي

روعة ابنتي فجر

يسلم يمينك

تحيتي وتقديري. واحترامي

عصام

[*فجر الاسلام*]

هو كده روقان ^___^
تسلم من كل شر
الاروع تواجدك استاذى
نورتنى

[روح الروح]

ونعم بالله
يسلم القلب الجميل
اللى طلع الكلام ده

[*فجر الاسلام*]

والنبى انتى اللى جميله
ومنوره دايما
تسلميلى

[قلـــــــــــــــــم]

يعني لِسَّه الصبح يا فجر مش لازم الشجن

استبشرو خيرا تجدوه يا زعيمة

انت هنا قولتي

اتكلمي امسحي دموعك اتكلمي

يبقى ليه نتكلم على النكد والحزن والاسى

اسهل التعبيرات هي الحزينة

ولكن الأجمل. المفرحة المحملة بالبشارة

[*فجر الاسلام*]

هو انا اتكلمت انا لسه ماقولتش حاجه ^___^
معلش مصدعه ومش مركزه عشان كده مافيش روقان ع الصبح
ربنا يفرح الجميع

[غدي فلسطين]

اصدحي بصوت يصل لعنان السماء ... وهناك من يسمعك ..يستجيب لك ... يفرج كربك ... فقط ثقي بالله
غاليتي .. الكون يتسع لك مهما ضاق

[يــزن]

ونعم بالله سبحانه إليه الشكوي والملتجئ
معبره هي كلمتك تبث العزيمة وتناشد الأمل
عسى الله يجعل لك من هم فرج ومن كرب مخرجا
تحية تليق بكِ

[فداااااااااااء]

ونعم بالله
كلمات جميلة عزيزتى
دام نبضك