البنات تافهة و نكدية

[.Lamar]

اقتباس المشاركة الأصلية كتبت بواسطة محمد العبادله فى بداية اى علاقة ارتباط .. خطوبة .. جواز كل حاجة بتكون وردية و حلوة اكيد لان القرد في عين امه غزال الطرفين كل منهم يتغاضى عن مساوئ الاخر واحياناً يصاحبها نوع من التمثيل تحياتي لك فاضلتي

و دى مشكلة تانية
ان بيجى وقت و يتصدموا بكل اللى
اتغاضوا عنه فى الاول

نورتنى اخى بردك و تواجدك العطر

[.Lamar]

اقتباس المشاركة الأصلية كتبت بواسطة maa£ في البدايه كل واحد بيبقي عايز يظهر نفسه كانه ملاك نازل ع الارض عشان يسعد الطرف التاني بعد فتره بتكتشف ان الملاك ده انسان عادي زي باقي الناس وهنا بتظهر الصدمه وبعدين الاولويات بتختلف من الراجل للسكت للاسف الراجل مش مقدر ده وان البنت ممكن تعيش علي كلمه كويسه علي حبه اهتمام وتقدير موضوع مهم جدا تسلم ايديك

يمكن عشان طبيعة الراجل مختلفة ايما
المشاعر جزء من حياته
عكس البنت اللى دة بيكون كل حياتها

نورتينى بحضورك و ردك الجميل حبيبتى

[.Lamar]

اقتباس المشاركة الأصلية كتبت بواسطة *جاره الوادي* تمام البدايات دائما جميله انتى لخصتى فعلا العلاقه بين الطرفين وغالبا بتكون النهايه اما فراق او يستمر الوضع مع تنازل احد الطرفين او يحاول التغيير من اجل الاستمرار تسلمى على موضوعك القيم

دة فعلا اللى بيحصل
بس اكيد الطرف اللى بيتنازل بيجى عليه
وقت يزهق و يتعب

نورتى يا جميلة

[.Lamar]

اقتباس المشاركة الأصلية كتبت بواسطة د/ عبد الله أنا شايف ان الموضوع مش تفاهة قد ما هو عدم فهم لطبيعة الاخر وسوء اختيار للتوقيت يعني البنت بطبيعتها بتحب الراجل يتكلم معاها كتير وتحب تكلمه ف الحاجات الصغيرة اللي مش شاغلة باله تحب لو هي زعلانة يقولها مالك 75 مرة ..وتكون حاطة الرقم ف دماغها وترجع تقول ده مقاليش مالك غير 74 مرة الراجل مبيحبش يتكلم كتير وبيكون عايز اجابات محددة وبيقول اجابات محددة لو سألته مالك وقال مفيش يبقى مش عايز يتكلم ولما تقوليله مفيش يبقى فاهم انك مش عايزه تتكلمي الراجل بيكون شاغلة 100 حاجة بيفكر فيها غير البنت فمعلش لو لقيتيه في وقت مبيقولش كلمة حلوة أو نفسيته مش كويسة مش لازم تزني عليه..لان فعلا كتير من البنات زنانة يبقى تختاري الوقت المناسب وتقدري ظروفه.

تحب لو هي زعلانة يقولها مالك 75 مرة ..وتكون حاطة الرقم ف دماغها وترجع تقول ده مقاليش مالك غير 74 مرة



انا هعترض على فكرة
البنات دولى اصلا كائنات كيوت

المشكلة بس ان هو كمان لازم يقدر نفسيتها و احتياجاتها
زى ما مطلوب منها تقدر ظروفه
مينفعش هى بس اللى تقدر طول الوقت

نورتنى بردك و تواجدك الجميل اخى
تحياتى

[.Lamar]

اقتباس المشاركة الأصلية كتبت بواسطة دمعه حائره مشكلة البدايات التمثيل كل طرف بيبن احسن مايمكن مش بيظهر شخصيته الحقيقية لما بتعدى البدايه بتظهر الطلبات والشخصية الاصليه لا هى قنوعه ولا هو بيتمنى رضاها بتحصل المشاكل من هنا موضوع جميل تسلمى لولو

لخصتى الموضوع حلو منون
نورتينى يا قلبى

[.Lamar]

اقتباس المشاركة الأصلية كتبت بواسطة mind language هى مش تافهه وزنانه ونكدية ولا هو مكبر دماغه من ناحيتها كل الفكره انى فية معادلة فى المنتصف لو قدروا يحلوها ساعتها هتستمر الحياة بشكل افضل ويقدروا يوصلوا للحب الحقيقى اللى يخليهم يستحملوا اى خلاف ويعتادوا على طباع بعض ويلاقوا حل لمشاكلهم مش كل العلاقات والارتباطات بتنتهى بفشل فية منها كتير بيستمر وبيكمل بنجاح وحب مدى الحياة . دومتى مبدعة يالولو طرح مميز

ايه العقل اللى نزل عليكى دة يا بت
معرفتكيش ههههههه
الارادة يا اميرة هى اللى بتخلى اى علاقة تستمر
و انهم يكونوا متمسكين ببعض فعلا
و عايزين يكملوا سوا

نورتى يا جميلة

[.Lamar]

اقتباس المشاركة الأصلية كتبت بواسطة ايمان طلعت لو الرجل قدر يفهم المرأه ويحتويها مش هيقول عليها نكدية وبعدين مفيش زن في المشاعر

صح يا ايمى
الاهنمام يا يجى منه يا يبقى مالوش لزوم

نورتى يا بطة

[د/ عبد الله]

اقتباس المشاركة الأصلية كتبت بواسطة .lamar تحب لو هي زعلانة يقولها مالك 75 مرة ..وتكون حاطة الرقم ف دماغها وترجع تقول ده مقاليش مالك غير 74 مرة انا هعترض على فكرة البنات دولى اصلا كائنات كيوت المشكلة بس ان هو كمان لازم يقدر نفسيتها و احتياجاتها زى ما مطلوب منها تقدر ظروفه مينفعش هى بس اللى تقدر طول الوقت نورتنى بردك و تواجدك الجميل اخى تحياتى

أكيد هو كمان لازم يقدر
المشكلة ان الانثى جزء من حياة الراجل
بينما الراجل هو كل حياة الانثى...عند معظمهم
فهي محتاجة تفهم النقطة دي وتتعايش معاها...انها جزء من حياته
وده مش معناه قلة حب أو اهتمام ..هو اهتمامه ومشاعره مش هتظهر
بالشكل اللي هي عايزاه الا في اوقات معينة
المشكلة بقى انها عايزه الشكل ده طول الوقت.
لكن خوفه عليها حب..غيرته حب..سعيه عشان يوفر احتياجاتها حب

وف النهاية الراجل الشاطر هو اللي يعرف يضحك عليها بكلمتين

وفعلا البنات دول مفيش أكيت منهم

[ahmed 22]

هو عادة البنات الهة تناقضات
بتتحكم فيها الهرمونات وعوامل تانية كتيرة ...

يعني مش دايما كل اللي بيقولوه بيعنوه
ولا كل اللي بيعنوه بيقولوه ...
واحيانا اللي في نظرك تافه
في نظرهم عميق ومبالغ في امره
يعني محتاجين سياسة في المعاملة
بس المشكلة اعتقد بتنبع من أن الرجل اصلا حياته
بره البيت كلها سياسة ودبلوماسية ..
فبيستشعر ان حياته كلها بقت رتم واحد
ومحتاج دايما انه يعمل ترموومتر علي مشاعره
ويقيسها بميزان حساس عشان يعيش من غير صداع
وده مستحيل عامة ..

وبتحصل الخناقات لما الرجل يفقد السيطرة عالرتم ده
وغالبا مثلا الزوجة هي اللي بتشيل الفورة ...

مش عارف بس هو غالبا امر معقد يصعب السيطرة عليه الا فيما ندر
ودول ناس صفاتهم الشخصية متوافقة 100 %
وقادرين انهم يتعايشوا مع عيوبهم ومع اخطائهم ..


طرح جميل ومهم
كل التقدير

[.Lamar]

اقتباس المشاركة الأصلية كتبت بواسطة د/ عبد الله أكيد هو كمان لازم يقدر المشكلة ان الانثى جزء من حياة الراجل بينما الراجل هو كل حياة الانثى...عند معظمهم فهي محتاجة تفهم النقطة دي وتتعايش معاها...انها جزء من حياته وده مش معناه قلة حب أو اهتمام ..هو اهتمامه ومشاعره مش هتظهر بالشكل اللي هي عايزاه الا في اوقات معينة المشكلة بقى انها عايزه الشكل ده طول الوقت. لكن خوفه عليها حب..غيرته حب..سعيه عشان يوفر احتياجاتها حب وف النهاية الراجل الشاطر هو اللي يعرف يضحك عليها بكلمتين وفعلا البنات دول مفيش أكيت منهم

وف النهاية الراجل الشاطر هو اللي يعرف يضحك عليها بكلمتين

انت هنا جبت المفيد

البنات فعلا عقلهم صغير
بس اقل كلمة بترضيهم

شاكرة تواجدك القيم اخى
و تفاعلك الجميل