ما بين !

[ahmed 22]

بقالي كتير مابتعلمش
وما بسألش ..
... ما بدققش
لمين الدفة ؟ و مين سايق ؟
انا تارك ..!
زهدت الكون بميت معلش ..

يمكن بوفرة المعلوم
انا استكفيت
وبرضه قبلت....
ومنه رضيت .......
وبكوني قليل في وسط كتير
انا استسلمت ....

وبجملة الحالة
في خانة الضنك
رسمت الصورة في عنيا
وب سيناريو هزيل
انا اتألمت ..
ومن الواقع انا مثلت ..

بلاتوه كبير ..

بيسرق ضحكة من مساكين
وسيدنا المخرج يتآني ويلعبها
ويسبقها بكام نكتة
وينهيها بكام معلش
وبكره مسيره يبقي تمام
ونتغير بكام ميت وش

وبندمع وبنغزل في شكل الوقت
كآن المشهد التالي
بيتحضر في نفس الوقت

دموع الفقراء برواز هش
بيزورنا في وسط الليل
يصحينا بضغطة بوست
يغير مودنا لكام ثانية ..
وبقلب الصورة في الشاشة
بنضحك وش ..
قلبنا غش ..
يرغبنا في حلو العيش

ما بين الستر والمرغوب
بنتفلسف مع المجهول
وبنطالب بحق العشرة والمعقول
ببدل انتحاب
عن جمال اللحظة لما تنساب
بتفاصيل أجمل ما فيها هباب
بحق العيش مع المعكوس

فنشد الدنيا بايدينا
وفي نفس الوقت نشتمها ...
ننادي عليها بالمشوار
وفي لحظة نساومها
سؤالها لينا يألمنا
نجاوبها بكل برود
انا العايش ما بين الاتنين
تعاندنا شهور وسنين
ويبقي جوابنا كالعادة
بدون تعديل

أنا التارك
...و أنا الراغب ..
لكل سبيل ..

[فداااااااااااء]

اعتقد ان اغلبنا مثلك

يللا الله يكون فى عونا معلش هههه على راى دلال عبد العزيز

جميل بوحك اخى دام نبضك الراقي

[عاشق ولهان]

بين الرفض للواقع اللي بنعيشه

والامل في بكره

هنفضل كده علي طول الخط

ما بين خطوه لخطوه ننط

رائعه كلماتك ومفرداتك

راقت لي كثيرا

تحياتي وتقديري وامتناني

[دمعه حائره]

كلمات في منتهي الجمال وبتحكي واقع
تسلم ويدوم وجودك الجميل

[فصيح]

جميله أوي يا أبو حميد
والمعاناة مستمرة وشغالة
وطعم المر سادة وبزيادة
ما بين احباط كالعادة
وبين فجر ينادينا يصحينا
تحية تليق بك أخي الفاضل
وكل الود والتقدير

[مارد الغضب]

كلمات غاية فى الروعة
عبرت عما يدور فى خلدى
و لا استطيع كتابته
لذلك قرأت كلمات بتأنى
دمت مبدعا

[انابنوته حلوة]

موضوع جميل