صحبتى اتجوزت..

[SaMa.]

احنا كنا صحاب موش بنسيب بعض الا ع النوم
خروج وزيارات علطول لحد هى متخطبت
انشغلت واحده واحده واتصل عليها مشغوله مع خطيبها
ومبقتش تجيلى زى الاول ورجعنا قربنا تانى واحنا بنجهز حاجتها
وكانت ماليه عليا وقتى كلو وتحضير الفرح
وبعدين اتجوزت مكنتش اعرف ان يوم فرحها هو آخر يوم هيجمعنا
اتغيرت اكتر وبعدت اكتر ومبقتش تجيلى ولو قولتلها نخرج تتحجج بأى حاجه
ودلوقت فات شهور وتقريبا مبقتش مقربه ليا
ولا بتيجى ولا بنخرج وانا مقدرش اروحلها
ليه البنات بتتغير لما بتجوز وتنسا صحابهم
وليه كل السنين الل فاتت دى مبقاش ليها قيمه عندها
اعمل ايه معاها

[Caramilla]

مش هتقدرى غير لما تتجوزي بقي هيبقي في اندماج مابينكم
قصتك مشابهه لقصتي
كانت اعز صديقاتي وقت الثانوي
وهي طلعت من الدراسه اتجوزت ومعاها دلوقت ماشاء الله سعد وبدريه
ربنا يبارك لها فيهم ويجعلهم ذريه صالحه ليها
بس الحمدلله اهم حاجه القلوب لسه فاكره بعض
ولو بشويه ادعيه
بنسلم انا وهي علي بعض من خلال الواتساب بسيط جدا
المهم الخلاصه عادي اتعاملي مع الوضع الجديد وكان شي لم يكن
لان هي دلوقت دخلت حياه تانيه جديده معاها اهتمامات تانيه
ربنا يحفظك
موضوع جميل وافكار رائعه
تحياتي لك سما

[شاعر الحب الحزين]

متاخديش في بالك
اللي لقى أحبابه نسى اصحابه
بس غالبا هي ظروفها مختلفة دلوقت
بس ممكن تتصلوا ببعض وتتكلموا عادي
ألف مبروك وربنا يسعدك ويوفقك

[طارق طروق]

صديقتك طبقت المثل البلدى
بعد ما تزوجت اللى بيقول
خالتى وخالتك واتفرقت الخالات
كانت صداقه مؤقته وانتهت
لو كانت صداقه حقيقيه فعلا
مكنتش تنساكى ولا تطنشك
ولو بعد 100 سنه
اللى ينساكى انسيه
وباى بقى

[سيناا]

احتمال ما تكون نسيتك

لكن ياسما بعد الزواج خلاص تفرغ كامل للبيت وللزوج مسؤلية كبيرة

اكيد مارح تكونوا زي زمان وهيك الحال بكرا تتجوزي وتشوفي كيف للبيت انشغالته

[*فجر الاسلام*]

ولا هتعبرك ي سمسم ههههه اه والله انا شوفت الشله كلها ع النمط ده تقريبا انا اخر واحده هي اول مابتتجوز خلاص انسيها مع ان في نماذج قدامي لسه متصاحبين وهما متجوزين معرفش ده حظنا اسود مع الناس ولا اي 😭

[ندوشه 2011]

ربنا يسعدها عقبالك يارب

[وتـر]

دا طبيعي المسؤلية جديدة عليها وفي ناس تانية دخلت جديده عليها
يعني أهل جوزها جيرانها ،، شوية وهتحن ليكي ولصحابها وهي اللي هدور وهتسأل

[Totoa top]

ربنا يسعدك ويفرح قلبك
ربنا يكرمك ويوفقك ويبارك فيكي

[Totoa top]

ربنا يكرمنا انا وانتي يارب ياعسل