مشروع رواية

[دمعه حائره]

كاعادتك اسلوب شيق ومحتوي قيم تسلم دكتور

[ahmed 22]

طبعا يا دكتور انا سعيد انك بتفكر فعليا
أنك تحاول تكتب رواية كاملة
فربنا يوفقك للأفضل ..
وليه لاء أنك ماتسعاش كمان أنك
تحط هدف ليك أنك تنشرها
وتكون المحاولة دي عالأساس ده
طالما عندك كل المقومات الأدبية لكدا ...

شوف يا دوك ... انا هقول رأيي وهحاول اجتهد فيه
وانا فعليا عمري والله ما قريت رواية قبل كدا ولا كتاب
فلو لاقيت كلامي ماعجبكش .. ارميه في البحر هههه
واعتبرني ما قلتش حاجة ..مش هزعل ..

انا قلت ان حضرتك عندك كل المقومات الأدبية
ومش محتاج شهادتي يعني ...
بس كل المقومات دي بتتركز اكتر في لغتك العربية
ومدي قدرتك علي تطويعها في جماليات الشعر والقوافي وغيره

واللغة هناك بتتركز قوتها في الجماليات الادبية والاستعارات اللغوية
وانت ادري بالحاجات دي اكيد ..

الرواية علي ما اتذكر
قوتها او خصائصها بتتمثل في فرد مساحات للسرد والتفاصيل
والاسهاب في الجزئيات ...
وتشغيل خيال القارئ اكيد انه يعيش مع الرواية
كأنه جزء منها ..
كل حاجة لازم تاخد حقها وتتوصف بدقة
ولازم تدخلني في جو الرواية بمكانها وزمانها مع اشخاصها
كأني وسطهم ...

أنا حسيت أنك دخلت بسرعة اوي في الرواية
كان المفروض يكون في اسهاب اكتر في المكان والزمان
وحال الشخصية الرئيسية بتاع الرواية قبل الدخول في الحوار
لازم يكون في استيعاب كامل لكل عناصر الرواية بتفاصيلها
ومن غير حدود كمان للتفاصيل دي ..
عشان يكون السرد فيه شئ من السهولة بدون تكثيف
او احساس ان الجمل داخلة في بعض
او المواقف متشابكة أو ما فيش حدود بين كل جزئية والتانية ..

واعتيادك علي كتابة الشعر وكدا
باستعاراته وتكثيفاته وكناياته
خلاك تبدأ الحوار بكلام يصعب علي امثالي فهمه

لان في زماننا اللي احنا فيه ده
لازم تراعي قراء الرواية .. او تشوف المنتج هتقدمه لمين

يعني انت لما تبدأ بالكلاليب والدعة ..
أعرف انه 90 % من اللي هيقرأ هيقف هناك وهيفصل ..
وخصوصا أنها اول صفحة في الرواية ..
ممكن يكمل بس دماغه هتخليها راكنة عند الكلمتين دول
ومش هيركز في الكلام المكتوب بعد كدا بالشكل الصحيح ..
لأن صدقني انت شوشته .. لأنها مش قصيدة 10 اسطر ويقلب
دي رواية لسا بيقول فيها بسم الله الرحمن الرحيم

وبعد كدا اتنقلت لأكتر من حدث في كام سطر بسرعة كبيرة جدا
يعني الحوار مع الشخصيات والتعريف بيهم ماخدش حقه اطلاقا
وكأنك بتكتب قصة قصيرة وبتكثف فيها طول الوقت مش رواية ..

يعني اصلا دخول الساحرة ده المفروض عالأقل يكون في الفصل التاني
من الرواية عالأقل ... ويكون التركيز في البداية عالمحيط بتاع العمل
والحوار ده ..

وبعد كدا حسيت أنها مش رواية ..
هي قصة يعني ما بين الرواية والاقصوصة ..
مركز فيها اكتر عن التعبير الفن والادبي
او ملخص ونبذة ل 3 او اربع فصول من ضمن الرواية ..

يعني اعتقد أنك ذكرت في صفحة واحدة
كلام ممكن يتسع لو فصلته اكتر ل20 صفحة ..
وده لمقصود اكتر من الرواية ...

يعني حاول تبعد أكتر عن لغة المنتديات والقصص اللي بتتكتب فيها
اللي هي بحكم العادة ليها حاجات بتحجمنا أو بتحكمنا
فبتحاول تكتب دايما وكأنك بتختصر .. ومعظم الناس متعودة علي كدا
أو تبرز العنصر الجمالي وتكثف طول الوقت
عشان الناس تفكر اكتر في فلسفة الكلام
علي حساب مقومات الرواية وخصائصها المطلوبة فيها

وما تخليش مصدر قوتك يكون نقطة ضعفك
بحيث تشعر القارئ بالمتعة اكثر من التململ
لأن صعب حد يقرأ رواية اكتر من 80 ولا 100 صفحة
بنفس المنوال ده ... اللي هي ممكن تشغله ادبيا
اكتر من قصصيا ...

فحاول تخلي نفسك طويل
ولغتك اسلس... ووازن بين الاتنين ...

بالتوفيق يا دكتور في كتابتك للرواية
لأنك اكيد ان شاء الله قادر تخرج لينا
بعمل مميز وكبير ..

[د/ عبد الله]

اقتباس المشاركة الأصلية كتبت بواسطة هاااااااااادي تسلم الايادي

شكرا ليك...نورت

[د/ عبد الله]

اقتباس المشاركة الأصلية كتبت بواسطة دمعه حائره كاعادتك اسلوب شيق ومحتوي قيم تسلم دكتور

تسلمي يامنة .ده من ذوقك
نورتيني كالعادة

[د/ عبد الله]

اقتباس المشاركة الأصلية كتبت بواسطة ahmed 22 طبعا يا دكتور انا سعيد انك بتفكر فعليا أنك تحاول تكتب رواية كاملة فربنا يوفقك للأفضل .. وليه لاء أنك ماتسعاش كمان أنك تحط هدف ليك أنك تنشرها وتكون المحاولة دي عالأساس ده طالما عندك كل المقومات الأدبية لكدا ... حبيبي يا ابواحميد..هو انا فعلا فكرت ف كده بس المشكلة انه بتيجي فترة حماس وبعدين كسل فظيع لكن الموضوع ف بالي اني لو اتميتها ان شاء الله احاول انشرها شوف يا دوك ... انا هقول رأيي وهحاول اجتهد فيه وانا فعليا عمري والله ما قريت رواية قبل كدا ولا كتاب فلو لاقيت كلامي ماعجبكش .. ارميه في البحر هههه واعتبرني ما قلتش حاجة ..مش هزعل .. يا كبير انت تقول براحتك .انت رأيك ليه قيمة عندي بس الغريبة انك مقرتش رواية ولا كتاب قبل كده انا قلت ان حضرتك عندك كل المقومات الأدبية ومش محتاج شهادتي يعني ... بس كل المقومات دي بتتركز اكتر في لغتك العربية ومدي قدرتك علي تطويعها في جماليات الشعر والقوافي وغيره واللغة هناك بتتركز قوتها في الجماليات الادبية والاستعارات اللغوية وانت ادري بالحاجات دي اكيد .. يا عم انا مش جامد قوي كده الرواية علي ما اتذكر قوتها او خصائصها بتتمثل في فرد مساحات للسرد والتفاصيل والاسهاب في الجزئيات ... وتشغيل خيال القارئ اكيد انه يعيش مع الرواية كأنه جزء منها .. تمام كل حاجة لازم تاخد حقها وتتوصف بدقة ولازم تدخلني في جو الرواية بمكانها وزمانها مع اشخاصها كأني وسطهم ... أنا حسيت أنك دخلت بسرعة اوي في الرواية كان المفروض يكون في اسهاب اكتر في المكان والزمان وحال الشخصية الرئيسية بتاع الرواية قبل الدخول في الحوار لازم يكون في استيعاب كامل لكل عناصر الرواية بتفاصيلها ومن غير حدود كمان للتفاصيل دي .. عشان يكون السرد فيه شئ من السهولة بدون تكثيف او احساس ان الجمل داخلة في بعض او المواقف متشابكة أو ما فيش حدود بين كل جزئية والتانية .. معاك...بس انا اصلا يعتبر مكتبتش حاجة وكان المفروض استنى على ما اكتب جزء كبير عشان الصورة تبان واعتيادك علي كتابة الشعر وكدا باستعاراته وتكثيفاته وكناياته خلاك تبدأ الحوار بكلام يصعب علي امثالي فهمه لان في زماننا اللي احنا فيه ده لازم تراعي قراء الرواية .. او تشوف المنتج هتقدمه لمين يعني انت لما تبدأ بالكلاليب والدعة .. أعرف انه 90 % من اللي هيقرأ هيقف هناك وهيفصل .. وخصوصا أنها اول صفحة في الرواية .. ممكن يكمل بس دماغه هتخليها راكنة عند الكلمتين دول ومش هيركز في الكلام المكتوب بعد كدا بالشكل الصحيح .. لأن صدقني انت شوشته .. لأنها مش قصيدة 10 اسطر ويقلب دي رواية لسا بيقول فيها بسم الله الرحمن الرحيم بس هما كلمتين مش صعبين يعني والفكرة كلها بتدور حوالينهم فأكيد مش هوضحهم من الاول كده عشان يبقى فيه تشويق وبعد كدا اتنقلت لأكتر من حدث في كام سطر بسرعة كبيرة جدا يعني الحوار مع الشخصيات والتعريف بيهم ماخدش حقه اطلاقا وكأنك بتكتب قصة قصيرة وبتكثف فيها طول الوقت مش رواية .. يعني اصلا دخول الساحرة ده المفروض عالأقل يكون في الفصل التاني من الرواية عالأقل ... ويكون التركيز في البداية عالمحيط بتاع العمل والحوار ده .. الفكرة اننا هتكلم عن الشخصيات من خلال الاحداث وبعد كدا حسيت أنها مش رواية .. هي قصة يعني ما بين الرواية والاقصوصة .. مركز فيها اكتر عن التعبير الفن والادبي او ملخص ونبذة ل 3 او اربع فصول من ضمن الرواية .. يعني اعتقد أنك ذكرت في صفحة واحدة كلام ممكن يتسع لو فصلته اكتر ل20 صفحة .. وده لمقصود اكتر من الرواية ... تمام يعني حاول تبعد أكتر عن لغة المنتديات والقصص اللي بتتكتب فيها اللي هي بحكم العادة ليها حاجات بتحجمنا أو بتحكمنا فبتحاول تكتب دايما وكأنك بتختصر .. ومعظم الناس متعودة علي كدا أو تبرز العنصر الجمالي وتكثف طول الوقت عشان الناس تفكر اكتر في فلسفة الكلام علي حساب مقومات الرواية وخصائصها المطلوبة فيها وما تخليش مصدر قوتك يكون نقطة ضعفك بحيث تشعر القارئ بالمتعة اكثر من التململ لأن صعب حد يقرأ رواية اكتر من 80 ولا 100 صفحة بنفس المنوال ده ... اللي هي ممكن تشغله ادبيا اكتر من قصصيا ... فحاول تخلي نفسك طويل ولغتك اسلس... ووازن بين الاتنين ... بالتوفيق يا دكتور في كتابتك للرواية لأنك اكيد ان شاء الله قادر تخرج لينا بعمل مميز وكبير ..

رأيك يُحترم جدا يا احمد وهاخد بيه ان شاء الله
انا رديت علي كل جزئية تحت منها
وأشكرك جداااا على اهتمامك ورأيك

[مارد الغضب]

الروعة و الجمال تمضى فى ركابك دوما
اتمنى ان تتمها
دمت مبدعا

[نغم الشام بعد المغيب..]

كمحاولة أولى في كتابة الرواية فأنا أراها جميلة وتبشر بالأجمل إن سعيت حضرتك لذلك، بعد توفيق الله.
راقتني البداية وتحديدك للزمان، ( في ليلة من ليالي ديسمبر) والمكان(استقللت سيارتي/وعند منعطف طريق..) ووصفك لحالة بطل الرواية، التي تجعل القارئ ينسجم معها ولكن مع بدء الحوار تلاشى ذلك، وشعرنا بإنا غرباء عنك ياغريب
وقد اتفق مع ماتفضل به الأخ أحمد بأن الرواية تحتاج لنفس طويل وسرد دقيق ،لكن بعيدا عن الإسهاب والإسترسال والمغالاة في ذلك، وترك مسافة قصيرة لتحريك ذهن المتلقي من جهة نحو الحدث أو الشخصيات، ولجذب الكاتب للقارئ من جهة آخرى. ومع ذلك لست مع التكثيف حد الإبهام! ولا مع الإيجاز حد الاختزال!
وبين هذا وذاك.. ماعلينا إلا أن نمسك العصا من المنتصف ونتابع المسير بهدوء وتروي إلى أن نكتسب الحرفة والمهارة ونعزز تلك الموهبة بما يليق بها حقا .
تحياتي لك وخالص تقديري..

[ملاك امل]

كلام جميل ورائع جدا احسنت النشر