نفرح ولا نحزن

[ahmed 22]

وفاة حسني مبارك وردود الأفعال عليها من الناس
كانت يمكن هي الحدث الأهم في اخر يومين ..

فهتلاقي كتير من الناس مش قادرة تستوعب مشاعر ناس كتير تانية
زيهم برضه تجاه الحدث ... يعني بيفكرو كتير في شئ المفروض انه تلقائي
والمفروض هو انعكاس لما في القلوب ليس اكتر
وأنعكس علي العقول والوشوش وطلع علي اللسان
بقرارات ممكن تنصف الحدث او تجحفه ..
علي حسب انت فين من الحدث ده ..

فماتقدرش تغيره أو تمنعه .. لأن الأمر فات علي كدا
سواء انت صح ولا غلط ..
امر واقع والناس لازم تتقبله
انا مش هقول مين صح ومين غلط ..
ولا انا اللي هقرر مين تحب ولا مين تكره ولا أي اسباب هتدفعك..
ممكن تكون حزين تجاه الامر .. ممكن الأمر في حياتك مجرد شئ عادي
وانت بارد تجاهه .. وممكن تكون غاضب .. ممكن تكون فرحان وشامت ..
او فرحان وبتترحم ... المشاعرالانسانية معقدة جدا
ومش كل الناس شبه بعض .. هتلاقي في موقف زي ده
اكتر من الف شعور وكلهم متفرعين من الحب والكره بأشكال
وانماط مختلفة ليس اكتر ..

بس أنا حابب اناقشها كظاهرة ليس اكثر
او اكلم مع نفسي يعني ..
بدون تفاصيل سياسية او غيره ..

لأن زي ما الموت والحياة ماحدش يقدر يتحكم فيهم
هتلاقي نفس الأمر ينطبق علي المشاعر ..
مانقدرش نحجر علي حد الفرح أو الحزن ... حتي مهما عددتله في اسباب
الكره لشخص و ان مشاعره في غير محلها .. فهو لن يكون قادر علي السيطرة
أو توجيه مشاعره في غير محلها .. لأنها اتبنت علي أساس غير قابل للتبديد..
الأساس ده هو التكاسل عن القيام بأي مجهود للسعي وراء الحقيقة وعدم القيام
بأي مجهود عشان يوسع نظرته للحياة ...

ومش معني أني بقولك وسع نظرتك للحياة اني بقولك اكره .. او حب ..
بس خليك علي وعي أنك قادر تستطيع أنك تتحكم علي عاطفتك ومشاعرك
ببذل الجهد ...

بمعادلة بسيطة
المشاعر لازم يكون ليها ميزان تتبني عليه

المشاعر = الجهد المبذول للحصول عليها

أنت مثلا عشان تحصل علي السعادة .. المطلوب منك أنك تسعي لده
وبقدر سعيك هتلاقي سعادتك ..

بمعني مثلا لو عندك احساس بعدم الرضا عن جسدك وده شئ مزعلك
فمعني أنك تمارس الرياضة وتتبع حمية غذائية معناه أنك
بذلت مجهود من أجل لحصول علي الشعور بالرضا والسعادة تجاه نفسك
بعد ان كنت قانط علي نفسك وغير راضي ..

أو أنك مثلا عندك إحساس بالوحدة
فأنت لازم تبذل مجهود عشان تقدر تكون اجتماعي مع الناس
ويكون عندك حس المبادرة عشان تلغي احساس الوحدة ...

وبالتالي برضه .. مش مجهود وبس ..
لاء .... مجهود ومناسب للحالة اللي انت محتاج تعالجها
الحصول علي الشعور المناسب لوضعك معناه بذل المجهود
المناسب للحصول عليه ...

يعني عشان يكون احساسي بالحب والكره مبني علي اساس صح
لازم ابذل مجهود اني اعرف اني بكره الشخص ده او بحبه
لاسباب صح ولا انا مشوش أو مثلا حد مٌستقطب أو دايما تحت تأثير
الناس حواليا ..

انا طبعا بقول كره وحب كمثال .. عارف ان الكره مش اسلوب صحي
للحياة ... بس خلينا نكلم واقع .. ماحدش فينا مثالي ..

لأن احيانا ناس كتير بتحصل علي الشعور الخاطئ تجاه أحداث المفروض
يكون إحساسها بيه في الاتجاه المعاكس ..

يعني شعوري بيفرض عليا أني اكون مع التيار
بس المنطق والرأي العام اللي حواليا بيقولي أنت غلط
ومع ذلك
انا مقتنع بالعكس ومازلت ...


هقولك حاجة انا مقتنع بيها
الاتنين غلط في مجتمعنا...
سواء اللي مع التيار الصح او التيار الغلط
مع ان في واحد فيهم صح ..

هتقولي ازاي .. ركز معايا وصحح ليا لو انا غلط مع ان الكلام ممكن يكون مربك ..

من وجهة نظري صاحب القرار الصح في احساسه عاطفيا تجاه امر معين في مجتمعنا
دايما الأمر بيكون مرتبط معاه بذكريات للماضي او تجارب قديمة وشخصية بتقوده
وبتتحكم فيه علي طول الخط وبتمنعه حتي أن يكون عنده القدرة او المرونة
للتسامح او التعامل مع المعطيات الجديدة .. أو حتي التغيير من الناس قدامه فتلاقي
مشاعره متبرمجة علي وضع واحد ليس اكثر ..
وبالتالي رد فعله تجاه الغلط عمره ما بيكون صح ..لأن مشاعره
بتكون اعنف من أنه يصلح فبيزيد الطين بلة ..
لأنه مابذلش جهده في تقييم الأمور .. هو كان منقاد لمشاعره
ومش قائد ليها ... ودي يمكن كانت احدي سلبيات ثورة 25 يناير للاسف. .
مع ان دوافعه صح ...

هنا المعرفة ليها الدور الأكبر في الحالتين ... المعرفة قوة
المعرفة هي اللي بتديك الاشارات المناسبة للشعور

المعرفة هي القدرة علي انك تكون قادر علي تحليل الوضع من حولك
وبالتالي أنك تكون قادر علي الحكم علي قدر امتلاكك لللمعرفة دي ..

بالمعرفة هتكون قادر علي الربط بين معطيات كتيرة في الحياة
سواء كانت اقتصادية او اجتماعية او ثقافية او حتي فلسفية
وتحولها لبرواز يكون قادر علي التحكم في مسار مشاعرك ..

انا مش عاوز أطول الصراحة اكتر من كدا
مع ان في كلام كتير ممكن يتقال ..

الخلاصة

احنا ماينفعش حاليا نمارس مشاعرنا بآثر رجعي ..
يعني تيجي تقولي أنت المفروض تكون فرحان ان فلان مات لأنه كيت وكيت
وأنا اصلا متبرمج طول حياتي علي كلام معين انا متوجه من خلاله وسلمت به
وكل المعرفة اللي اتقدمتلي بتقولي عكس كلامك
واندمجت كمان بشوية تقاليد ومبادئ تجاه الموت و كبار السن
هي عندك برضه.. بس مش ذنبي انك انعميت عنها
يبقي انت كدا بتظلمني ... وصعب تفهمني ...لأنك ماتقدرش تغير الواقع ده
ده انسان مرسوم ليه خط في قلبه صعب يمسحه ..

فلو أنا انسان محب لفلان فأنا شايفك متطرف في مشاعرك
والمفروض علي الأقل تكون محترم حرمة الموت ليس اكتر ..
لأني مش فاهمك ولا فاهم مشاعرك ولا كل الذكريات اللي اتبنت عليها
حقدك تجاه فلان ... لأن فيه خنجر في قلبك مش قادر تشيله ..
انا مش انت .. ولا انت انا .. ليس اكتر ولا اقل ..
بس خلينا نتفق علي الاحترام للموت مش اكتر ..

وخلينا نتفق علي أننا المفروض نتعلم .. ان مشاعرنا لازم في المستقبل
نعلمها تتوجه صح فيما يخص الشأن العام .. لا تطرف فيها ولا استسلام مبالغ فيه ..
عشان نقدر نتفاهم في اللي جاي ..
ونخلي حياتنا أكبر من الأشخاص ..

[big bốss]

اختصر يا احمد شويه هههههه انا لما بوصل لآخر الموضوع بكون

نسيت اول الموضوع

بس عجبنى نظرتك للمواضيع إلى بنعاصرها فى مجتمعنا

بالنسبه لمبارك الله يرحمه

ما له و ما عليه مازال الكثير يعشقه و حزن عليه

[ندوشه 2011]

انت قدرت تكتب دا كله برافو. الله يرحمه

[ahmed 22]

اقتباس المشاركة الأصلية كتبت بواسطة big bốss اختصر يا احمد شويه هههههه انا لما بوصل لآخر الموضوع بكون نسيت اول الموضوع بس عجبنى نظرتك للمواضيع إلى بنعاصرها فى مجتمعنا بالنسبه لمبارك الله يرحمه ما له و ما عليه مازال الكثير يعشقه و حزن عليه

ههههههه مش هعرف اوعدك اني اختصر الصراحة يا بوص
كل واحد فينا بيكتب علي قدر استيعابه لقدراته
يعني فيه حد يقدر يوصل المعلومة في سطرين ... وده ليه ميزاته وعيوبه ..
وواحد زي حالاتي كدا ما بعرفش اوصل فكرتي غير لما افرضي ليها مساحة
وبتعمد كدا عشان اقدر اطلع بكلام جديد ... وافكار جديدة ..
غير الحاجات التقليدية والمعتادة .
ممكن تخرج مني من خلال استرسالي في الكلام ..
يعني بحاول اطور من نفسي .. لعل وعسي ..

بس انا فاهم ان طول المواضيع عاملي مشكلة هنا فعليا
زي ندوشة كدا قرأت ردك وماقريتش الموضوع هههههه

بس هقولك حاجة والله
انا بحاول اكتب الموضوع بأسلوب معين بحاول اكتسبه
وهو انه لما تقرأ ماتملش وتشوفه كأني بكلمك
فلو حد حاول فعلا يقرأ الموضوع وتململ منه يبقي أنا فشلت
ولو حاول يقرأه فعلا وكان مهتم وماحسش بالملل يبقي نجحت ..
لأن الكلام متسلسل .. حاجة بيتبني عليها حاجة ..
الموضوع زي البيت كدا لازم تحط ليه اساس صلب ومتين ..
عشان تكون مقنع لنفسك الأول قبل ما تكون مقنع للي بيقرأه
وده بيكون حجر اساس بينك وبين القارئ .. وهو الثقة ..
وبالتالي ماحدش يشكك في حكمك علي الأمور
و تطلع في الاخر بكلمة او سطر هما الخلاصة ...
بس ما تقدرش توصل لقمة البيت من غير طوب ..
والا الناس هترميك بيه هههه وتفتعل حالة جدل عقيم

كل التقدير لحضورك الراقي بوص

[big bốss]

اقتباس المشاركة الأصلية كتبت بواسطة ahmed 22 ههههههه مش هعرف اوعدك اني اختصر الصراحة يا بوص كل واحد فينا بيكتب علي قدر استيعابه لقدراته يعني فيه حد يقدر يوصل المعلومة في سطرين ... وده ليه ميزاته وعيوبه .. وواحد زي حالاتي كدا ما بعرفش اوصل فكرتي غير لما افرضي ليها مساحة وبتعمد كدا عشان اقدر اطلع بكلام جديد ... وافكار جديدة .. غير الحاجات التقليدية والمعتادة . ممكن تخرج مني من خلال استرسالي في الكلام .. يعني بحاول اطور من نفسي .. لعل وعسي .. بس انا فاهم ان طول المواضيع عاملي مشكلة هنا فعليا زي ندوشة كدا قرأت ردك وماقريتش الموضوع هههههه بس هقولك حاجة والله انا بحاول اكتب الموضوع بأسلوب معين بحاول اكتسبه وهو انه لما تقرأ ماتملش وتشوفه كأني بكلمك فلو حد حاول فعلا يقرأ الموضوع وتململ منه يبقي أنا فشلت ولو حاول يقرأه فعلا وكان مهتم وماحسش بالملل يبقي نجحت .. لأن الكلام متسلسل .. حاجة بيتبني عليها حاجة .. الموضوع زي البيت كدا لازم تحط ليه اساس صلب ومتين .. عشان تكون مقنع لنفسك الأول قبل ما تكون مقنع للي بيقرأه وده بيكون حجر اساس بينك وبين القارئ .. وهو الثقة .. وبالتالي ماحدش يشكك في حكمك علي الأمور و تطلع في الاخر بكلمة او سطر هما الخلاصة ... بس ما تقدرش توصل لقمة البيت من غير طوب .. والا الناس هترميك بيه هههه وتفتعل حالة جدل عقيم كل التقدير لحضورك الراقي بوص

و الله يا احمد كلامك مظبوط انك بتفكر ازاى تعبر عن فكرك بنمط معين

شءنا أو اختلفنا معه لكنه صحيح

و عجبنى الفتك اللغوىه

و انا برشحك تمسك اشراف علشان تعرف تفيد اكتر باراءك

بالتوفيق يا عزيزى

[دمعه حائره]

فعلا للموت حرمه لازم نحترمه مهما كان الميت
ولاشماته في الموت كلنا هنموت اصلا
وفيه فطره كده بتخلينا نسامح اللي مات بس برده علي حسب المقدره
وحسابه عند ربنا في الاخر
كل واحد ليه غالي وعزيز من حقه يزعل عليه
ومش معني انك مزعلتش تبقا شمتان او قلبك قاسي
وضروري جدا نحترم اللي زعلان لانه ادري باللي حاسس بيه
بشرط يكون بعيدا عن النفاق والتملق اللي ظهر عند البعض
وفي وجهة نظري غير مبرر ومبالغ فيه
تسلم علي الموضوع والتحليل العميق

[Totoa top]

الله يرحمه ويغفر له ويجعل مثواه الجنه
موضوع حلوه تسلم ايدك

[San dy]

انا شايفه ان الموضوع دا بالذات
هكتفي بالصمت
وهطلب حكم رب العباد
انا مش مسامحه في حقي ايا كان الحاكم

[شيزوفرينيا]

شكراً لك

تحياتي

[moyassin1000]

رائع استمر يا غالي وان شاء الله ربنا يوفقك تحياتي