اين الرقابه .. مين السبب

[جنون قلب]

السلام عليكم ورحمه الله وبركاته


الكل يعلم ويري باعينه
كم التفاهه التي تتصدر المشهد ف يالاونه الاخيره
من فديوهات واشكال غريبه
واشياء يشمئذ القلب من وجودها


ما هي الاسباب وراء ظهور جيل
كهذا الذي نراه

هل الاسره تتحمل جزء
ام الدوله
الوعي الديني هل له دور


جيل يهل علينا يلهث خلف الموضه
والفديوهات
والعري من اجل الشهره وايضا المال




نحاول سويا نري وجه نظرنا في هذا الموضوع


دمتم سالمين

[دمعه حائره]

الاسره السبب الاول والاخير
ببساطه بيشتروا موبايل لعيالهم بدون رقابه ولا توعيه
لو كل ام واب ربوا عيالهم كويس مكناش وصلنا لكده
كل تطبيق ممكن نستخدمه بشكل إيجابي وسلبي
بس بردو فيه سن لاستخدام اي تطبيق من دول
والمشكله المكاسب الماديه اللي بيسمعوا عنها
بتخليهم يهملو في دراستهم ويفكروا ان دي شغلانه
موضوع يطول فيه الكلام تسلم يا اسلام

[فداااااااااااء]

فين الدين بس اخى جنون ما انت شايف الحملة الشرسة ضد اى شيخ يذكر الناس بدينهم
والضغط اللي بيواجه الازهر وتسيس دار الافتاء والاوقاف
الامر واضح.. الاسرة شالت ايديها من مهمة التربية والوعى والدين بيتم ازاحته بعيدا لاجل العلمانية
واما الاعلام فهو السبب الفعال مع الاسرة
فى تلميع صورة الفجر والخلاعة وبث سمومه لتنشئة جيل لا يعرف عن دينه شيئ حتى يسهل تنفيذ ما يهدفون اليه من علمنة الدولة
الجيل الجديد بيضحك عليه بأسم الحرية والتحضر وكثرة المال من اجل اخذ المجتمع الى منحدر اخلاقي وقيمى
سلمت اخى

[جنون قلب]

دمعه

المشكله ان الاسره بعدت خالص عن اولادها
ةانشغلوا اصلا بالحياه وبامور دنيويه
والبحث عن الرزق وكسب المال
لا احد يلوم اب يبحث عن باب رزق ليه
لكن اولاده لهم حق
لازم الاسره تقرب من اولادها ويفهموهم الدنيا

الموضوع يطول وهنتكلم نقطه نقطه

[جنون قلب]

فداء

دا اللي كنت وما زلت بتكلم فيه
نهج سياسي غريب وخلط الامور بالدين بشكل مبالغ فيه
مهاجمه الدين بشتي الطرق
اعلام فعلا قاظر يزييف اي حقيقه لصالح الراي العام
وناس خايفه علي كراسيها حتي لو هتدافع عن الباطل

بس فعلا الاهل لازم تتكلم مع ولادهم عن الدين
حتي معرفه بسيطه ويعلقوهم بالمساجد


نقطه مهمه جدا وتتحمل الكثير عليها
شكرا فداء وتابعينا

[حـيـــــآة ❤]

دايما بقول ربنا ياخد الاندر ايدجز بكل صراحه كدا لأنها بهوئت اوي منهم
علفكره هما واهلهم وبيئتهم وصحابهم وكمان الزمن ال احنا فيه كل دول هما ال مسؤولين عن المهزله دي
هتلاقيهم كلهم جيل مش سوي.. معرفش المشكل فين
تقريبا الاهالي بتكسل تربي

[Aya 7ekaya]

فعلا ظاهرة لا تخفى على أحد مش غريب مع غياب الدين و وغياب وعى الأهل و اعلام مش بيعرض غير فكرة الانحطاط مع السوشيال ميديا والنت المفتوح بلا رقابه من الاهل طبيعى ينتج جيل لا يصلح ليبنى أمة و مفيش حاجه هتتغير غير بالعودة للدين و ادراك الأهل لدورهم فى التربيه السليمه
موضوع قيم ومهم جدا للنقاش تسلم ايدك

[جنون قلب]

حياه

الموضوع تخطي فكره تحت السن والعيال
بقي ناس كبيره المفروض انهم مسؤولين
بس عيبهم اختاروا الكريق السهل للشهره والمال
اما الاسره والوعي فغابت بسبب انشغالهم
فكره ماديه او معنويه
الاب فاكر ان ابنه محتاج انه ياكل ويشرب ويلبس
ورفع عنه سقف المسؤليه

شكرا ل وجودك بجد
تابعينا

[جنون قلب]

ايه
بجد احنا بعدنا جدا عن ربنا
وشوفنا ان الحياه عيب وميصحش وداو يصح
ونسينا فكره حلال وحرام
برغم مز اننا شايفين الهجوم علي الدين
وعارفين ان فكره الغرب ونهج الالحاد بيحاوطنا
الا اننا مستسهلين الوضع وبنجري وراه

لازم نرجع ونفهم ان احنا مش مطولين ف الدنيا
ولازم الاسره يبقي عنها وعي كفايه انهم يتعملوا مع ابناؤهم


شكرا جدا ليكي ول حضورك
تابعينا

[ahmed 22]

المشكلة انك كاتب الاجابة في السؤال
والعيال دي ولا الكبار حتي ولا احنا
عارفين السؤال وحافظين الاجابة
ومع ذلك الوضع كما هو عليه ..

لأن المشكلة الحقيقية انه كله عايش في فيلم صانعه في خياله
وكله حافظ دوره كويس ودارس مبرراته ..
اللي عمره ما هتطلعه غلطان

لأما المجتمع اللي ظلمه
لاما الدنيا جايه عليه
لاما طريق الصعود والشهرة واحد وكتير صعده بنفس الفكرة ووصل
فالكل عاوز يستسهل
لاما ربنا غضبان عليه ورضي بالوضع ده
وخلاص آمن انه مافيش تغيير في الواقع بتاعه ...

هقولك عاوزين ثورة عالنفس ..
ونرجع لربنا .. تحس ان الكلام فقد معناه
من كتر ما اكرر ...

المشكلة اللي المفروض نسعي انه نحلها
انه نرجع للكلام قيمته والمعني بتاعه
عشان نقدر نفهم احنا فين اصلا
فنقدر نكون فاعلين