كورونا والموت المفاجئ

[ahmed 22]

من اول كورونا .. كان دايما فيه حاجة شاغلاني جدا
وكان مجنني انه بيتم تجاهلها علي مستوي الحديث الاعلامي
او حتي علي المستوي الرسمي من وزارة الصحة
لدرجة اني ساعات كنت بستشعر ان التجاهل ده مقصود
عشان التعتيم عالأرقام او تقليل حجم الضرر
والضجة والكلام ده ... فالناس تموت والسبب الحقيقي مايتمش معرفته

الموضوع كان في البدايات في شهر مارس اللي فات
ودايما التقارير اللي بتظهر في البدايات بتكون ليها مصداقية اكبر ...
لانها غير خاضعة للتسييس او وضعها تحت بند الضغوط الاقتصادية
وكانت الناس بتنظر للموضوع بانسانية اكبر ...

وكنت عملهم بوست عندي بتاريخ 19-4 وكان كالتالي :

في مقالين مهمين جدا يجب تسليط الضوء اكتر عليهم
في ظل ضعف الرعاية الصحية والامكانيات عندنا :

المقال الاول لطبيب مصري في كندا أواخر شهر مارس قال فيه إ
نه من خلال تشريح الجثث في ايطاليا اكتشفوا أن الفيروس لا يسبب الفشل في التنفس
ولكنه يسبب زيادة في لزوجة الدم وتجلط وده بيعمل جلطات صغيرة عالرئة
تؤدي إلي حاجة المريض لاحتياج جهاز التنفس و
لكن الافضل معالجته بمذيب للجلطات لأن وضعه علي جهاز التنفس د
ون إذابة الجلطات كان بيؤدي الي حدوث وفاة مفاجئة

المقال التاني في نيويورك تايمز الأمريكية

بيقولو أن الأعراض بتاع الفيروس لما بتزيد تبدو اعراض لازمة قلبية أكثر منها تنفسية
وممكن يتم تشخيص الموت بأنه بسبب نوبة قلبية حادة


يعني انت ممكن تحط واحد تحت جهاز تنفس في بعض الحالات فيموت
في حين انه محتاج مذيب جلطات ..

وممكن واحد يموت فيتم تشخيص انه مات بأعراض ازمة قلبية في حين انه ميت بكورونا ..

طبعا في مصر في الفترة الأخيرة في تقارير بتقول أن في ظاهرة واضحة
وهي تزايد في حالات الموت المفاجئ
والنوبات القلبية والجلطات عن النسب الطبيعية ...
وبالتالي لازم تبحث عن الاسباب ..
خاصة انك علميا عندك شئ موجود عالسطح اسمه ( كورونا )

وبالتالي فعليا احتمال وجود خطأ في تشخيص حالات وفاة بعض الأفراد
وبالتالي خطأ في اعطاء العلاج
من قبل أهل المريض أو الطبيب المعالج وارد وبشدة ..

وكان في ظل وجود كورونا التحري في الموضوع ده واجب ..
عشان نعرف فعليا مدي تأثيره الحقيقي..

انت سمعت كام مرة ان في واحد كان عنده اشتباه كورونا
واتعالج وخد البنادول وبقا تمام من غير ما يعمل مسحات ..
لانه خلاص كله ماشي عالبروتوكول من غير مسحات
ولما حس انه بقا تمام ... تاني يوم بجلطة فجأة مات

انا سمعتها مرة ... في المحيط بتاعي
وحتي بدأت تظهر في شباب السوشيال ميديا وكدا ..
اخر مثلا 3 ايام مات 2 ... انا مش بقول طبعا انهم ماتوا كورونا
بس بقول احتمال الظاهرة بقت تطلع عالسطح وبتزيد
وماحدش واخد باله ..

لانه فعليا لما بيكون في ظاهرة محتاجة دراسة
صعب انك تقيسها بالأرقام ولكن ممكن توصفها
الوصف بتاع الظاهرة دي طالما مافيش ادوات تحكمها
بسب عدم وجود مسحات تكشف مين المريض ومين لاء
الا في الحالات اللي فيها الاعراض واضحة جدا والطبيعية
والمتعارف عليها بينا .. هتخلينا دايما في حالة جهل ..

وبالتالي مش هيحصل رصد للناس اللي فعليا ممكن تموت بجلطة او ازمة قلبية
واللي هي بتدخل المستشفي بعد ما تحس بشوية
بيتم تشخيصها علي انها اعراض لامراض تانية
وتتعالج ببروتوكول غير المفروض لعلاج كورونا ..
فبتستشعر بتحسن نوعي
وبالتالي الحالات دي لما بتخرج ممكن تموت كدا وش
لانه ماتمش اذابة الجلطات ولا شاف القصور في القلب مثلا
سببه ممكن يكون كوورونا ولا لاء ...
لانه مش في بروتوكلات التشخيص .. والمسحات ...
والمفروض النوعية دي من الناس هي الاولي بالمسحات
ولو حتي اجراء احترازي ... طالما مش هتقدر ..

ولو حد معاه اضافة للموضوع او حاجة توضح الفكرة اكتر
ياريت يشاركنا

[ساحر الأحزان]

كلام جميل ويحترم احمد
وقد سبقت ومر علي ما عرضته من معلومات داخل المقال
أمريكيا والدول المتقدمه والافراد بها
الذين يخافون علي أعمارهم من الموت
ويحبون الحياه واتبعوا جميع السبل للوقايه
ولم ينجحوا النجاح الفعلي المؤكد
ولكنه نجاح بسيط
فما بالك بدول العالم الثالث المصنفه بالدول النامية
صاحبه الإمكانيات المحدودة
هل تستطيع السيطره على الفيرس
او ان تخضع جميع مواطنيها للسلامه الصحيه
بالتأكيد نكون غير قادرين على ذلك
فما بالك بأوجه التشخيص
بعد التعافي من المرض
أسعدني مقالك أحمد
تحياتي وتقديري لك

[.Lamar]

انا متابعة جيدة لملف كورونا
عشان كدة موافقة ان مفيش مصداقية
فى الارقام وفيه ناس بتموت محدش بيحس بيها
والدنيا عندنا سلطة وماشية بالبركة
المهم الاقتصاد والسياحة
ومش مهم ابدا الناس تموت
فيه طبيب عايش فى امريكا
بيقدم تقارير اول باول عن اى بحث علمى
اتعمل فى اى دولة
وحاطط بروتوكول علاج فيه مذيبات للجلطة
و ناس كتير تعافت بعد ما مشيت على علاجه

احنا هنا الحمد لله لا صدق ولا بحث علمى
ولا ضمير
لينا ربنا وستره
و هى اعمار مش اكتر

كل الشكر لمناقشة بناءة لموضوع حيوى
مودتى

[ahmed 22]

اقتباس المشاركة الأصلية كتبت بواسطة ساحر الأحزان كلام جميل ويحترم احمد وقد سبقت ومر علي ما عرضته من معلومات داخل المقال أمريكيا والدول المتقدمه والافراد بها الذين يخافون علي أعمارهم من الموت ويحبون الحياه واتبعوا جميع السبل للوقايه ولم ينجحوا النجاح الفعلي المؤكد ولكنه نجاح بسيط فما بالك بدول العالم الثالث المصنفه بالدول النامية صاحبه الإمكانيات المحدودة هل تستطيع السيطره على الفيرس او ان تخضع جميع مواطنيها للسلامه الصحيه بالتأكيد نكون غير قادرين على ذلك فما بالك بأوجه التشخيص بعد التعافي من المرض أسعدني مقالك أحمد تحياتي وتقديري لك

يا ساحر انا فاهم
ان الكلام عن الكورونا بقا مستهلك
زي ما حياتنا بقت مستهلكة ...

بس انا رجل شايف ان البلد اللي قدرت
تعمل 70 مليون تحليل لفيروس سي في سنتين
وبتتفاخر طول الوقت بده
كانت قادرة تعمل عالأقل اكتر من مليون و2 مليون مسحة لو عاوزة
وعمري ما هقبل بكلمة الامكانيات لا تليق
وكان في بني ادمين اكتر ممكن تعيش لو تمت معرفة الاصابة ابكر
وتم فحص المخالطين اول بأول ..
احنا ما بين الدول العربية كلها اكثر نسبة وفاة
ولو تلاحظ الفرق بين حالات الشفاء والاصابات
علي مدار المحنة والبطئ الشديد في الشفاء
هتعرف الاهمال والجريمة اللي تمت في حق الشعب ده
انا اخر احصائية قاريتها من كام يوم
فاكر انه كان حاجة وتسعين الف مصاب
ولسا حاجة تلاتين الف تم شفائهم ...
ماحدش بيقرأ الاحصائيات ..
يعني ممكن نوصل ل 10 الاف حالة وفاة في ظرف شهر او اتنين ...
علي الرغم من انها بتقل .. بس المسحات مش بتتعمل
غير عالحالات السودة بس ... يعني ال 90 الف دول
قول التلت بتاعهم حالات خطرة ...

انت عارف ان كورونا سلالات
يمكن تم اكتشاف اكتر من 20 سلالة
لحد دلوقت ..
احنا زارنا السلالة الاضعف اللي هي قريبة من الصين
مازارناش اللي راحت لاوروبا وامريكا الجنوبية وكانت فتاكة في البداية
وبقت تأثيرها اضعف مع الوقت لما اتصاب ملايين من الناس هناك
واتخذوا اجراءات اقسي تمنع الاختلاط.. مش لان الفيروس بقا اضعف

يمكن مع فتح الخطوط الجوية بين الدول وفتح السياحة
الامور تتراكم اكبر وبالذات احنا في مصر ..
لما يزورنا ناس من اوروبا بكثافة خاصة في الشتاء
ويصادف ان فيهم ناس مصابين كورونا خاصة في المناطق
اللي زي ايطالبيا واسبانيا وفرنسا ...
والناس نسيت وفيه كتير مطمن
وكتير متخيل ان روسيا طلعت لقاح بمعايير صح ..
او ان حتي اللقاح لو تمت التجارب السريرية في اكسفورد وغيرها
بنجاح هيوصلنا قريب .. يعني علي الاقل لسا شهر 3 الجاي
يعني قدامنا خريف بشتاء كامل معرضين لنفس المحنة
وكله ناسي ان في موجة تانية من الموضوع ..
لان الصيف كان ليه اثر ان الوضع يكون اخف ..
عندنا وعند غيرنا .. والموضوع بقا خادع ..

ثانيا انا ماقلتش التشخيص في التعافي بعد المرض
انا بقول ان الاهمال في التشخيص او عدم القيام بمسحة
ومعالجة الكل ببروتوكول موحد دون مراعاة السجل المرضي للناس
وفي نفس الوقت عدم الانتباه لفكرة الجلطات وبالتالي وضع المرضي
مباشرة تحت اجهزة التنفس لما بتزيد الاعراض .. دون اذابة الجلطات في البداية
سبب في زيادة اعداد الوفيات ...
الموت المفاجئ .. نتيجة انك مش حاطط اعلاميات تركيز
علي فكرة ان الناس ماتهملش لما يظهر تنميل
او ضيق في التنفس .. فبيتعالج علي اساس ان الاعراض
قلبية لانها مشابهة للاعراض التنفسية للكورونا وبالتالي
بياخد علاج غير مناسب لحالته ... وممكن يكون الشفاء خادع
بسبب عدم عمل مسحات ... وبالتالي الموت المفاجئ ..

[ahmed 22]

اقتباس المشاركة الأصلية كتبت بواسطة .lamar انا متابعة جيدة لملف كورونا عشان كدة موافقة ان مفيش مصداقية فى الارقام وفيه ناس بتموت محدش بيحس بيها والدنيا عندنا سلطة وماشية بالبركة المهم الاقتصاد والسياحة ومش مهم ابدا الناس تموت فيه طبيب عايش فى امريكا بيقدم تقارير اول باول عن اى بحث علمى اتعمل فى اى دولة وحاطط بروتوكول علاج فيه مذيبات للجلطة و ناس كتير تعافت بعد ما مشيت على علاجه احنا هنا الحمد لله لا صدق ولا بحث علمى ولا ضمير لينا ربنا وستره و هى اعمار مش اكتر كل الشكر لمناقشة بناءة لموضوع حيوى مودتى

انا هقولك معلومة اعتقد انك عارفاها
انما احنا تقريبا لحد ما انا كنت متابع يعني
من شهر كنا مسجلين من ضمن اكتر خمس او 10 دول
قدموا ابحاث علمية عن كورونا ...
وبعتنا كتير يعني ...
اكيد مش عارفين مضمون الابحاث دي ايه
يعني ممكن تكون بالعدد مش بالمضمون .
بس اهو احنا بنتكلم كتير .. قدرنا نخدم عالموضوع عالميا صح ..
في ظرف العالم كله كان في محنة ..
وماحدش يقدر يقول ان ده مقصر وبيته خربان ..
ودي ليها اسبابها .. وفيه كلام كتير بس مش وقته ..

بس من ضمن الابحاث اللي كانت بتكلم عن مصر
كان معروف الوضع اللي هتوصل ليه مصر من حوالي 5 او 6 شهور ..
زي ما وزير التعليم العالي كدا قال من فترة
لما كانت اعداد الاصابات 14 الف ..
قال ان العدد الحقيقي 7 اضعاف الرقم الحالي ..

وكان فيه احصائيات وفي نماذج خاصة بينا محطوطة
وتم تجاهلها جميعا ... وحاليا الكل شايف ان مصر
نجحت في ادارة ازمتها ...
والكل بيضحك علي بعضه ... والكل راضي بالوضع
من ضمنهم الناس اللي هو احنا ...
لان صدي الموضوع قل .. وكتير مش مهتم
لحد من كام يوم تم قفل مستشفيات عزل
ورجعوا تاني فتحوها بعد ما قفلوها بكام يوم
بسبب تزايد اعداد الاصابات من جديد ..

كله طبعا وهم في وهم ...
بس انا واحد من الناس شايف ان عدد الوفيات
يتعدي 4 اضعاف الرقم الحالي ...
بس ماقدرش اقول ان كلامي ده
يستند لشئ واقعي او علمي او احصائي
هو فقط يستند لوقائع بتحصل حوالينا
وناس عارفين انها ماتت ولم يتم عمل فحص كورونا او غيره
وفيه اللي كان بيخاف يروح المستشفيات اصلا
وفيه اللي كان بيزور عيادات في القري كدا لدكاترة عاديين
وبيتكتب ليها علاج وخلاص
وفي ناس كانت بتاخد العلاج من الصيدلي
لما كانت بتحكيله الاعراض ..

قلة الوعي في مصر مع خوف الناس علي لقمة عيشها
خدم الحكومة عندنا خدمة ما بعدها خدمة ...
وفي الاخر طلعوا قدام العالم ناجحين ...
بس انا في رأيي كان بالامكان افضل مما كان ...
وبمراحل .. ولاشياء كتيرة جدا ..
الكلام فيها مابقاش ليه لازمة ..
لان الحدث في مرحلة هدنة حاليا ..

[saffa]

انا ليا رأى مختلف تماما وغير متوقع
بصراحه انا مش مصدقه قصة فيروس كورونا
عندى يقين انه لعبه قذره من قوى رأسماليه كبرى لعبت بالعالم كله لمخططات معينه
اقل دليل ان الفيروس قاتل وبيموت! وفى نفس الوقت ان 85% من المصريين بيشفوا من الفيرس لوحدهم طب ازاااى؟
وكمان لو الفيروس قاتل كان اقل شىء مات من المصريين مليون شخص نسأل الله السلامه للمصريين والعرب اجمعين

[SiLver Spectra]

الفكرة انه بيدمر الرئة فحتى بعد التعافى من الفايرس بتظل مشكلة ضعف الاكسجين في الجسم لان الرئة بتكون شغاله بكفاءة اقل و بتعد شهور تتعافى و هنا الامراض المزمنه بتلعب دور في تعافي او موت الشخص زي السمنة و القلب و السكر . يعني واحد اصلا عنده مشاكل في قلبه و ملصم فدا بيكون عرضه للموت المفاجئ و السكته القلبية بسبب اقل ضرر يحصل في الرئة
و بالتالي العيب مش في الاكسجين لان ماحدش بياخده الا لو كان مش قادر يتنفس و نسبة اكسجينه متدنيه و لو سبته مش هيعيش
و ليا تجربة شخصية مع قريب اتصاب عنده 80 سنة و وديناه عنايه مركزة اسبوعين بجهاز تنفس بعد ما حالته ادهورت و كان متوقع وفاته بسبب سنه و الضرر الكبير اللي حصله في الرئة لكن بسبب انه ماعندوش قلب و سكر قدر يتعافى تدريجيا و حاليا بقاله شهرين بدون الفايرس

[ahmed 22]

اقتباس المشاركة الأصلية كتبت بواسطة saffa انا ليا رأى مختلف تماما وغير متوقع بصراحه انا مش مصدقه قصة فيروس كورونا عندى يقين انه لعبه قذره من قوى رأسماليه كبرى لعبت بالعالم كله لمخططات معينه اقل دليل ان الفيروس قاتل وبيموت! وفى نفس الوقت ان 85% من المصريين بيشفوا من الفيرس لوحدهم طب ازاااى؟ وكمان لو الفيروس قاتل كان اقل شىء مات من المصريين مليون شخص نسأل الله السلامه للمصريين والعرب اجمعين

انا ماقدرش استهتر بردك ا
لسبب بسيط جدا ..
ان ناس كتيرة جدا عايشة في امريكا
وفي اوروبا مؤمنة بالكلام اللي حضرتك كاتبه
وحتي عندنا .. ومش قليلين ..

وناس كتيرة من اللي يعتبروا اصحاب رأي كبار ومفكرين
في العالم بيبصوا للموضوع من نفس وجهة نظرك
كنظرية مؤامرة وكدا

الاختلاف مطلوب
وانا مش هقدر اغير قناعتك برأي وكلام
غير لما تغير مكانك وسط الناس
وتشوف فعليا الناس اللي بتعاني من الموضوع
وتقرأ اكتر عن سلالات كورونا واماكن واختلاف ضعفها وقوتها .
وبرضه احيانا بيخدم دولة انها تكون بلد شابة فالمناعة
بتخدمها والبيئة نفسها الي حد ما
غير بلد زي انجلترا مثلا فيها نسبة الناس
اللي سنها كبير كتيرة شوية ..

عامة شكرا لوجودك ورأيك القيم

[ahmed 22]

اقتباس المشاركة الأصلية كتبت بواسطة silver spectra الفكرة انه بيدمر الرئة فحتى بعد التعافى من الفايرس بتظل مشكلة ضعف الاكسجين في الجسم لان الرئة بتكون شغاله بكفاءة اقل و بتعد شهور تتعافى و هنا الامراض المزمنه بتلعب دور في تعافي او موت الشخص زي السمنة و القلب و السكر . يعني واحد اصلا عنده مشاكل في قلبه و ملصم فدا بيكون عرضه للموت المفاجئ و السكته القلبية بسبب اقل ضرر يحصل في الرئة و بالتالي العيب مش في الاكسجين لان ماحدش بياخده الا لو كان مش قادر يتنفس و نسبة اكسجينه متدنيه و لو سبته مش هيعيش و ليا تجربة شخصية مع قريب اتصاب عنده 80 سنة و وديناه عنايه مركزة اسبوعين بجهاز تنفس بعد ما حالته ادهورت و كان متوقع وفاته بسبب سنه و الضرر الكبير اللي حصله في الرئة لكن بسبب انه ماعندوش قلب و سكر قدر يتعافى تدريجيا و حاليا بقاله شهرين بدون الفايرس

اه .. شوف يا معلم
انت لما بدأت ردك بكلمة _ الفكرة _
مع مباشرتك في الرد
مع طبعا كذا رد قريته ليك ...
خلاني اتفرج علي كذا موضوع قديم في البروفايل بتاعك
واخيرا فهمت وربطت شوية حاجات ببعض

مع ان اسلوبي عشوائي شوية
بس فهمت ليه كذا مرة من اول ما دخلت هنا
ناس كانت بتفتكرني عضو قديم
وداخل باسم جديد ومتنكر ومتأكدين من ده
واحيانا بيمر عليا بعد الردود الغريبة كدا
زي ساحر لسا من يومين
كان ليه رد علي موضوع
بيقول فيه اسلوب مش غريب عليا
واللي يشوف رده
يقول انا ناقل الموضوع ولا حاجة
من حد يعرفه ههههه

عامة انا سعيد بوجودك اللي اتمني يستمر
وبفكرك وارائك القيمة ... اللي فعليا استفدت منها
لما اطلعت عليها ...
كل التقدير ..

[gold rose]

الفكرة إن مؤخراً بقا في كذا بحث حوالي 200 ل 300 يومياً منها ما يؤكد الأبحاث القديمة ومنها ما يناقضها تماماً
ورغم كل الإجراءات الي اتخذتها كل دول العالم الأول منها والثالت إلا أن الفايروس لسا بيحقق انتشار واسع جداً وبيحصد في الأرواح حصد ..
يعني بعد أبحاث إنه بيدمر الرئة ثم إنه متعلق بالسيولة في أبحاث بتقول إن في أدوية معتمده لمعالجة حموضه المعده أظهرت نتائح فعاله ..
المشكلة إن الأمراض دي بتحتاج دراسة لفترات طويلة فصعب نستنى نتائج واصحة وصريحة في مده قصيره كل الأبحاث الي تخرج للعن دي مبتعملشي حاجة غير اثاره البلبله مش أكتر وفي بعض الحالات سحب الأدوية من السوق زي ما حصل لما قالو إن Hydroxychloroquine ع حسب الدراسة بيجيب نتائج بس في الحقيقة إن نتائجة مكنتشي قد كدا خالص ..
دا غير إن مع مرور الوقت العلماء بيكتشفو أعراض لم تذكر سابقاً زي التنميل والشلل في بعض الحالات رغم إنها نادره ..

وربنا يبعد عنا الأمراض وإن شاء الله يلاقو علاج فعال في أقرب وقت