حصريا: دمعـة حائـرة ضيفة كرسي الاعتراف انضموا انضموا

[*فجر الاسلام*]

اقتباس المشاركة الأصلية كتبت بواسطة دمعه حائره معلش مخدتش بالي من ردك 🌹 بقالي ١٠ سنين هنا مكنش فيه ناس كتير بيدايقوني كنت بصبر عادي وبكون هاديه واحاول احل سوء التفاهم وبيعدي ايام الاداره كانت اكتر فتره مش كويسه هي فتره الثوره كل اداري عدي علي المنتدي بعتبره افضل وقدم كتير وسايب اثر طيب للمنتدى والاعضاء شكرا فجر نورتيني

العفو تعيشي وتنسيني
غريبه دي محدش دايقك ازاي 😂😂
المهم
اكتر شخص بتحبي تقريلو هنا مين
ولو قولنا ندي لقب شاعر المنتدي يبقي لمين
وحي الكتابه بييجي ازاي😁😁
بتحضري عفاريت وكده

[دمعه حائره]

اقتباس المشاركة الأصلية كتبت بواسطة *فجر الاسلام* العفو تعيشي وتنسيني غريبه دي محدش دايقك ازاي 😂😂 المهم اكتر شخص بتحبي تقريلو هنا مين ولو قولنا ندي لقب شاعر المنتدي يبقي لمين وحي الكتابه بييجي ازاي😁😁 بتحضري عفاريت وكده

مقدرش انساكي ياقمري
مقولتش محدش دايقيني بس مكنوش كتير ونسيت عادي
اصل مستحيل تلاقي حد مفيش ليه ناس مختلفين معاه
انا بقرأ لكل الاعضاء واي موضوع ينزل لازم اشوفه
شاعر المنتدي ده لقب بيتاخد بمسابقه وفيه اكتر من حد كسبه ولسه هتتكرر
الكتابه مش عارفه ملهاش وقت ساعات اقوم من النوم اكتب وساعات وانا بطبخ
وساعات وانا بقرأ خاطره او مقال
وكتير اوي بقعد من غير كتابه شهور بس القصه فيها عفريت فعلا 😊
نورتي يافجر

[big bốss]

عوده مره اخرى لست الكل

1- معاكى كام اولاد؟

٢- نوع الحبايه الى بتاخديها مهدائه كل صبح؟

٣- كلمينا عن حب حياتك فى كلمات قليله؟

[دمعه حائره]

اقتباس المشاركة الأصلية كتبت بواسطة big bốss عوده مره اخرى لست الكل 1- معاكى كام اولاد؟ ٢- نوع الحبايه الى بتاخديها مهدائه كل صبح؟ ٣- كلمينا عن حب حياتك فى كلمات قليله؟

عندي بنتين
حبايه لا دي خليك كده عصبي ومش هقولك
انا بكلم عليه في كل خواطري انت مش متابع ولا ايه

[حـيـــــآة ❤]

اقتباس المشاركة الأصلية كتبت بواسطة دمعه حائره حبيبه قلبي لو مكنتش احبك احب مين بس وعشان كده انتي بالذات تعالي تاني

انت قلبي كله كله 😻🙈🙈🙈

[العاشق الذى لم يتب]

منة
د ى حكاية
ليها مقام عالى من البداية
وغصب عنك تحترمها للنهاية
وانااول من يحترمها من البداية للنهاية
وعندى دليل على انها كريمة واصيلة
اد نهرالنيل فى الكرم والاصالة
وبناءا على ماتقدم
اناعارف انها بنت حسان
وعارف الشهادة كمان
والوظيفة الجنان
وبتحت الاغانى والالحان
وبتعمل محشى باذنجان
وتسلم ياسامر
تعالى اتعشى معايا

[*فجر الاسلام*]

قوليلنا اكله باظت منك واتصرفتي ازاي اليوم ده😞

[دمعه حائره]

اقتباس المشاركة الأصلية كتبت بواسطة العاشق الذى لم يتب منة د ى حكاية ليها مقام عالى من البداية وغصب عنك تحترمها للنهاية وانااول من يحترمها من البداية للنهاية وعندى دليل على انها كريمة واصيلة اد نهرالنيل فى الكرم والاصالة وبناءا على ماتقدم اناعارف انها بنت حسان وعارف الشهادة كمان والوظيفة الجنان وبتحت الاغانى والالحان وبتعمل محشى باذنجان وتسلم ياسامر تعالى اتعشى معايا

هههههه لا حلوه دي ومحشي كمان شكلك جعان
شكرا يارفعت علي الكلام الجميل ده ربنا يكرمك

[دمعه حائره]

اقتباس المشاركة الأصلية كتبت بواسطة *فجر الاسلام* قوليلنا اكله باظت منك واتصرفتي ازاي اليوم ده😞

بصي اول مابدأت اطبخ اكتر حاجه كانت بتبوظ الرز
يايتحرق او يعجن وكنت بحطه في كيس اسود وارميه في الزباله ومقولش لحد
بس فيه مره كنت بعمل ورقه لحمه وكنت حطاها في بيركس
وطلعتها من الفرن علي الرخامه وكانت عليها ميه انفجر البيركس ستين الف حته
انا افتكرت البوتجاز او قنبله من اعداء النجاح 😂😂
بس الاكل كان في ورق زبده وفويل محصلوش حاجه
واتعلمت بقي اني اطلعه علي خشب او حاجه عازله
اتعلمي من الكلام ده عشان لما تجوزي ماتعمليش جريمه كده

[*فجر الاسلام*]

هههههه حاضر نصيحه مهمه برضو