وماذا بعد ياشعب ****************** ؟

[بحر القمر]

بسم الله الرحمن الرحيم
السلام عليكم ورحمة الله وبركاته


تحيه طيبه لكل اخوتي
وبعد

تلاحظ بالفتره الاخيره كميات غير مسبوقه من الغل والحقد والكره من شعب المفترض انه شعب اخوي لمصر والمصريين وهو شعب ******************
وهنا اتساءل للتوضيح ربما نسوا
هل نسيتم ماذا فعلت مصر ايام احتلال العراق لكم ؟
هل نسيتم او اصبح عندكم زهايمر ان قوات حفظ السلام المصريه كانت اول قوه تقتح المعارك بل وتحرر ****************** وهذا تاريخ وقبل 19 ساعه من تدخل كل القوات الدوليه ؟
هل نسيتم كيف احتوتكم مصر وعشتم بيننا اخوه لا نكرهكم ولا نهينكم ولا نتطاول عليكم ؟
هل نسيتم مصر وخير مصر وافضال مصر وافعال مصر
ملعون ابو المال ان جعلكم تتحكموا وتهينوا اخوتي المصريين لديكم
ملعون ابو اي شيئ بالعالم يجعل الانسان يهين الانسان في اي زمان ومكان
اعلم ان الفاظي يغلفها التوتر والتعصب واعتذر عنها علنا ولكن انا انسان واهانة اي مواطن مصري في اي دوله هي اهانه لي كمواطن مصري
اتمنى تدخل القياده المصريه وكل المسؤلين عن ايقاف هذه المهزله المتكرره والممنهجه بشكل اصبح متنوع ومبالغ فيه

حفظ الله كل اخوتي المغتربين الباحثين عن لقمة العيش بالحلال في كل ربوع الارض
واكرر الاسف لتعصبي المنطقي والانساني
دمتم بكل الستر والسعاده

[د/ عبد الله]

والله يا ياسر الموضوع ده يلخصه جملة واحدة:

هنّا على أنفسنا فكنا على الناس أهون.

[.Lamar]

هما فاكرين انهم جايين بفلوسهم
حتى وقفتنا معاهم دافعين تمنها
الملخص ان لو بلدك وحكومتك معملتلكش كرامة
هتتهان فى اى مكان
ودة اللى بيحصل وهيحصل

تسلم اخى على الموضوع المميز

[حـيـــــآة ❤]

انا مع د/ عبدالله
دايما بقول ان كل شعب بحس ان ليه حقوق ومسؤولينهم بيحافظوا على حقوقهم
الا احنا اهم حاجة الأجانب
كل مخلوق بيعمل قيمة لنفسه
والناس هتعاملك ع القدر ال انت عامله لنفسك للاسف

[big bốss]

حلال فيهم الى عمله صدام حسين

رحمة الله عليك يا ابو عدى و قصي

[ahmed 22]

مافيش بلد هتخلي من عنصريين تجاه بلدك او دينكاو حتي لون بشرتك ..
حتي لو جمعكم الدين والدم والعكس صحيح ..
انما في كياسة بين الشعوب بتخليهم متحفظين
لأن قوانين بلادهم اقوي من العنصرية ..
الكياسة دي مابقتش موجودة بينا كعرب ..
لأن الناس بتتنمر علي حاجتك .. وبقت تتطور الموضوع
انها تتعدي عليك لمجرد ضعفك ..
ولأن بلدهم مقوية شوكتهم ..
ومافيش قانون هيخليهم اضعف منك
لانهم ماصدقوا شافوا نفسهم عليك لضغائن قديمة
لأن القائمين علي بلدك مش عاملين كرامة ليك
وباسبورك المصري مش حاميك في غربتك .
.
حتي ثقافتك الاعلامية والسينمائية مبنية علي دراما الكفيل
اللي فاتح بيوت كتير .. ..
انت من الاخر مصدر ليهم كل حاجة ممكن البعض منهم
يخيل ليه انه يأذيك بيها ..
ومصدر ليهم دايما انهم اصحاب فضل ...
وهما بيتكرموا بعطفهم عليك ...

كرامتنا من دارنا .. واحنا ماعملناش كرامة لينا
لا حكوميا ولا اعلاميا ولا حتي بينا وبين بعض كمواطنين
شايفين الاهانة بتتكرر من نفس الجهة كل مرة
وكل بيسكت تحت مظلة اكل العيش

وعلي فكرة برضه احنا مش ملايكة اوي
احنا جزء منا عنصريين برضه تجاه الخليجيين عامة
وشايفينهم شوال رز ماشي بيفرق فلوس
لما يزوروا البلد وبيصرفوا فلوسهم

هما بيتاجروا بحاجتنا .. واحنا بنتاجر بحاجتهم لحاجتنا ..
كله عايش في مية البطيخ ..

[دمعه حائره]

اعتقد دي حوادث فرديه والشعوب بريئه منها
لكن تقع المسؤولية الكبري علي سفاره مصر هناك
وحكومه مصر داخل البلد اللي اهدرت حق المواطن جوا بلده
منتظر يحصله ايه برا

[إيلاانا]

من الخطأ أن نحكم على دولة أو على شعب من خلال شخص أو شخصين أو أكثر
من الغلط أيضًا أن نقول نسيوا ونسيوا لا تغضب مني لكن صدقني هناك من يظلم حتى من بلده وقد يؤخذ حقه وهو ابن الوطن والبلد
نحن أمة محمد أمرنا الله أن نكون يدًا واحده
أنا معك فيما حدث واوجعت قلوبنا كلنا لكنه هو لا يمثل غير نفسه
وكلنا كخليج نحب مصر ونحب شعبها الجميل الذي لا يمكن الاستغناء عنهم بلدًا وشعبًا
هون عليك ي اخي ولا تقهر نفسك ما عرفتك هكذا أبدًا

تقليد وخالص احترامي ودعواتي لك.
أسعدك الله وحفظك

إيلانا

[*فجر الاسلام*]

متهانين في بلدنا من ناسنا واهلنا
الطبيعي محدش يحترمنا ومش البلد دي بس
في تجاوزات في معظم البلاد العربيه
وكان المصري كائن خلق ليهان
لنا الله

[ايمان طلعت]

حصل مرة واتنين وتلاته ومفيش اي رد ولا حق اتجاب
فعادي يتكرر تاني
لنا الله هو من يعطي كل ذي حق حقه