فضفضه إيمانيه.... مع big bốss

[*فجر الاسلام*]

[=

وقلوبنا دي مليانه بالحب والإيمان ع الفطره احنا اتخلقنا بنعشق الرحمن ودينا ده علمنا الرحمه والإحسان الحب اللي بقلوبنا مايوصفوش إنسان هتفضفض ارواحنا علي طريق كله امان طريق للخالق يقربنا ومش هيبعدنا الشيطان #فضفضه_إيمانيه السلام عليكم ورحمة الله وبركاته اهلا بكم احبابي في الله النهارده معانا البيج بوص عضو نشيط جدا وماشاء الله موقع البلد ف بعض ما علينا عفا الله عما سلف قولت اجيبوا في برنامجي المتواضع اللي اتوقف سنين بسبب ظروفي تعالوا نشوف اجابة البيج بوص فضفض باللي بقلبك وكلمنا عن ربنا ربنا رحيم جدا بينا اليس هو الرحمن الرحيم ربنا كريم و غفور و مهم العبد فعل من ذنوب برضو بيقبله و يرحمه ...... لما بتقرأ القرآن بتحس بإيه؟ قلبى بيوجعنى لانى اخطئت كتير و تناسيت اسلامى فتره بس الحمد الله ادركت نفسي قبل موتى و الحمد الله بقيت بستمتع بصلاتى و قرانى ...... قولنا اكتر قصه في القرآن بتحبها واللي إتعلمتها منها؟ قصة سيدنا موسي مع الخضر بتعلمنا ان كل حاجه فى حياتنا لها حكمه مش ماشيه بالحظ ....... اوصفلنا الصلاه بالنسبالك ونصيحه للي مش بيصلي؟ الصلاه بتريحنى مع انى كنت سنوات مش بصلى بس كانت الدنيا وخدانى بس دلوقتى ربنا هدانى و بصلى امامى و الفجر حاضر ربنا بيهدى من يشاء ..... حبيبنا وشفيعنا سيدنا محمد اكتر صفه بتحبها فيه ونفسك تبقي منتشره في المجتمع؟ وجه كان مبتسم و بشوش و الصفه لو انتشرت ما بنا هتزرع الحب و الهدوء ....... لو هو قدامك دلوقتي تقولوا إيه؟ شفاعتك يا رسول الله اجرنا ...... لو قولنالك ترشحلنا داعي اسلامي نسمعو يكون مين؟ متسمعيش حد اسمعى القران و بس ...... كلمنا عن الصبر وهل انت انسان صبور؟ اه الحمد الله المصايب بترف على دماغى و لسه بضحك 😂 ..... لما بتدعي وربنا بيستجاب بسرعه بيبقي إحساسك إيه؟ بتكسف اوى انا كنت بعمل ايه و ربنا استجاب ليا و متخلاش عنى ....... طيب لو الإستجابه إتأخرت بيبقي إيه شعورك؟ انا كنت بدعى ربنا يهدينى 10 سنين و الحمد الله هدانى و دى كانت فرحة عمرى ......... اي احساسك لما بتسمع الايه دى وَلَسَوْفَ يُعْطِيكَ رَبُّكَ فَتَرْضَىٰ حسيتها كتير علشان كدا بدات الحوار فوق ان ربنا رحمن رحيم ..... كلنا مقصرين في حق ربنا لمابتبعد عنه وبترجع بتحسه بإيه وقولنا نصيحه ازاي نتقرب لربنا اكتر؟ فكر هتقابل ربنا ازاى لما تموت و عملت ايه زاد لاخرتك و انت هتعيد حسباتك من جديد الساده الاعضاء الكلام مش بيخلص عن دينا قدامه بيعجز لسانا مهما قولنا وقولنا لسه في كلام في قلوبنا اسفين علي الإطاله نتمنالكم السعاده والموضوع ينال إعجابكم وانتظروا فضفضه إيمانيه جديده

[/

[فصيح]

الله يفتح عليك يا نور
ويهديك ويهدينا إليه
إنه ولى ذلك والقادر عليه
برنامج مريح للنفس ،
دمتي موفقه فجر
الله يسعدك

[big bốss]

اقتباس المشاركة الأصلية كتبت بواسطة فصيح الله يفتح عليك يا نور ويهديك ويهدينا إليه إنه ولى ذلك والقادر عليه برنامج مريح للنفس ، دمتي موفقه فجر الله يسعدك

ربنا يهدينا نحن و اياكم

نورت يا كبير

[حـيـــــآة ❤]

حلو اوي البرنامج والاسئله
ورينا يريح قلبك نور
منورين

[big bốss]

اقتباس المشاركة الأصلية كتبت بواسطة حـيـــــآة ❤ حلو اوي البرنامج والاسئله ورينا يريح قلبك نور منورين

نحن و اياكم

نورتى

[فداااااااااااء]

جميلة الفكرة والطرح فجر
وفضفضة جميلة من اخى بيج وربنا يهدينا جميعا ويعفو عنا

سلمتم

[big bốss]

اقتباس المشاركة الأصلية كتبت بواسطة فداااااااااااء جميلة الفكرة والطرح فجر وفضفضة جميلة من اخى بيج وربنا يهدينا جميعا ويعفو عنا سلمتم

يا عينى على التقوى و الايمان 😂

نورتى يا حجه بررررنت

[فداااااااااااء]

اقتباس المشاركة الأصلية كتبت بواسطة big bốss يا عينى على التقوى و الايمان 😂 نورتى يا حجه بررررنت

والله لو عملو معاك الف فضفضة ايمانية بردوا بلسان طويل

[شروق محمود]

مفيش اطاله ولا حاجه
الاسئله والاجابات جميله
ربنا يهدينا جميعا يارب

[.Lamar]

اجابات متزنة واحلى حاجة انك رجعت لربنا من تانى
ربنا يهديك ويثبتك ويديم عليك فضله
تسلمى يا فجر