نقاش : ما بين العبودية و طاعة الزوج

[Aya 7ekaya]

السلام عليكم
مابين العبودية و طاعة الزوج !
ربنا منح القوامة للرجل لان قراراته قد تكون منطقية بعيده عن العواطف عكس طبيعه المرأة و أمره باستخدامها لتحقيق المصالح فى الحياة و حماية اسرته
ام لقهر المرأة و اعطاء الرجل الفرصه فى التحكم فى شخص غيره و إرضاء شعور الاعلى داخله !
مفهوم طاعة الزوج والقوامة فى مجتمعنا مفهوم مختلف من شخص لآخر
و على الاختلاف ده بيقوم الاساس .. اللى ممكن يحقق حياة هادئه ومستقرة او ممكن يجعل الزواج مجرد سجن تتمنى الزوجه فيه لو يعود الزمن بيها لمرحلة الحرية قبل الزواج
فهل يحق للزوج التدخل فى كل شؤون زوجته كعلاقتها بصديقتها و اختيار الوان ملابسها و مواعيد نومها و التحكم فى ماتقرر نشره أو الاعجاب به على مواقع التواصل الاجتماعي مالم يتعارض مع الاخلاق و الدين!(تحت مسمى طاعة الزوج)
وابه حدود حرية الزوجه فيما لا يتعارض مع مفهوم الطاعه ؟
......

[دمعه حائره]

التصرفات دي مبتجيش فجأه كده بيكون فيه بوادر تبين الشخصيه دي
الغلط اللي بيقع فيه اغلب المخطوبين تقول هيتغير او هتتغير بعد الجواز
وده مبيحصلش في جانب مظلم ومخفي عنهم بيظهر كل واحد علي حقيقيه
لو كان مخبي الشخصيه دي
وعلي فكره ده موجود في الستات بردو تلاقي اللي بتعمل مشكله
عاوزه البسورد بتاع الموبيل ترفض انه يضيف بنات علي الفيسبوك
او يكلم زميله ليه واتساب وفي كل حاجه هتلاقيها عامله قلق
يعني التحكم موجود في الطرفين مين يقبل او يرفض
منقدرش نعمنها كل واحد وعلي قد قوه تحمله وحجم تنازلاته
ولازم كل واحد ياخد باله من الحاجات دي قبل الجواز
مش يركز في الجهاز والنيش وتنسي هي هتعيش مع مين
وفي النهايه محدش بيقبل بالتحكمات والتسلط ده سواء رجل او ست
موضوع مهم وعاوزه اتكلم فيه اكتر تسلمي ايوش

[د/ عبد الله]

ربنا بيقول: الرجال قوامون على النساء بما فضل الله بعضهم على بعض وبما أنفقوا من أموالهم.
يعني قوامة الرجل على المرأة بسبب ان ربنا فضله على المرأة ببعض الحاجات منها قوة العقل وقوة البأس وقوة البدن وغيره وكمان لانه هو المسئول عن النفقة من ماله.
ولان اي مكان لازم يكون ليه مدير فالراجل هو مدير البيت
والمدير مسئوليته انه ينظم الشغل وياخد قرارات لازم تتنفذ لان هو اللي هيتسأل عن النتايج.
والمدير الشاطر هو اللي يحبب اللي تحت منه فيه وياخد رأيهم وان كان صح يعمل بيه
الخلاصة..
القوامة ربنا اداها لراجل والراجل يعني عقل ناضج يعرف ازاي يحتوي المرأة ويحكم البيت من غير ما يحجر على حريتها وينتهك حقوقها.
اما اذا كانت المرأة بتتعدى حدود الحرية دي او تصرفاتها بتثير غيرة زوجها فمن حقه يمنعها منها.

[بحر القمر]

كلكم راع وكلكم مسؤل عن رعيته
فالرجل بحكم قوته وخلقته مسؤل تماما عن حماية اهله واسرته بما يرضي الله وبما يتناسب مع القيم والاصول وطبعا الاخلاق
والانثى راعيه ووجب عليها رعاية اسرتها والاهتمام داخليا بها يعني بالمنزل مع مراعاة الله في زوجها قولا وفعلا


ان حدثت مراعاة الله بين الطرفين حتميا لابد من الاستمرار والنجاح وبدون اي نسبه لان منطقية النسبه هنا نفسها استمرارية العباده للمولى عز وجل



موضوع مهم اختي
ربي يكرمك ويوفقك

[دمعه حائره]

معلش يادكتور عبد الله موضوع القوامه ده بختلف معاك فيه
فيه فرق كبير انه يكون مسؤول عن البيت ويحافظ عليه او يصرف عليه
وبين انه يتحكم في النفس اللي بتتنفسه مراته او بنته
معاك حق انه لو شايف تصرفات غلط يقومها ويرشدهم
لكن فيه ناس عندها عقده وعاوزه تتحكم وخلاص
اعتقد ده بعيد تماما عن مفهوم القوامه
انا قرأت عن القوامه كتير وكتبت فيها مقال سابق
والراجل لو عاقل فعلا مينزلش بتفكيره للحاجات دي
فيه اسس بيتبني عليها البيت وهو لو قال الشروط دي من الاول
محدش هيوافق يتجوزه
والكبت بالشكل ده بيخلق انحراف سلوكي عند الطرف التاني

[ahmed 22]

الاساس اللي بيتبني عليه الزواج في الوقت الحالي غلط
سواء في التجميل بقا و الانهاك اللي بيحصل قبل الجواز ...
وبالتالي بيترتب عليه صعوبة العشرة بعد الجواز ..
الواجبات مش متحددة او تايهة مع الاخلاق في النص ..
والحقوق بس هي اللي بتتطلب ..
كل واحد او واحدة شايف ان ليه حق ..
بس مش شايف ان عليه واجب المفروض يقوم بالأسرة ..
الآنا بقا صوتها عالي ... لأن مفهوم الاسرة اتحطم
في ظل الوضع المجتمعي اللي عايشينه

البيت نفسه اللي بيطلع منه الطرفين مابقاش يخرج اب وأم ..
بقا بيخرج طفل وطفلة .. ماعندهمش اي احساس بالمسؤلية
وماقيش طفل بيختار صح .. بيتعلق بس باللعبة اللي بتطلع ليه
ويروح يشتريها بفلوس ابوه اللي بيطلبها ابوها ..
عشان يخليه فرحان بيها زي الاهطل ..
لحد ما تظهر عيوبها في عنيه المعيوبة اساسا
فيبدأ يفكر ازاي يتملكها بعيوبها فيطلع مفهوم الست نكدية ..
او يعيش لحد ما يوم القدر يساعده انه يرميها
فتطلع هي في دراما قهر المرآة ...

[Aya 7ekaya]

اقتباس المشاركة الأصلية كتبت بواسطة دمعه حائره التصرفات دي مبتجيش فجأه كده بيكون فيه بوادر تبين الشخصيه دي الغلط اللي بيقع فيه اغلب المخطوبين تقول هيتغير او هتتغير بعد الجواز وده مبيحصلش في جانب مظلم ومخفي عنهم بيظهر كل واحد علي حقيقيه لو كان مخبي الشخصيه دي وعلي فكره ده موجود في الستات بردو تلاقي اللي بتعمل مشكله عاوزه البسورد بتاع الموبيل ترفض انه يضيف بنات علي الفيسبوك او يكلم زميله ليه واتساب وفي كل حاجه هتلاقيها عامله قلق يعني التحكم موجود في الطرفين مين يقبل او يرفض منقدرش نعمنها كل واحد وعلي قد قوه تحمله وحجم تنازلاته ولازم كل واحد ياخد باله من الحاجات دي قبل الجواز مش يركز في الجهاز والنيش وتنسي هي هتعيش مع مين وفي النهايه محدش بيقبل بالتحكمات والتسلط ده سواء رجل او ست موضوع مهم وعاوزه اتكلم فيه اكتر تسلمي ايوش

معاكى حق الحاجات دى كتير بيتغافل عنها قبل الجواز و بعدها بيندمو و الزواج بيفشل
التسلط صفه لا يتقبلها انسان وزى ماقولتى ممكن تبقى فى الستات و بردو بتوصل لنفس النتيجه
نورتينى ي منونه
دمتى بود

[Aya 7ekaya]

اقتباس المشاركة الأصلية كتبت بواسطة د/ عبد الله ربنا بيقول: الرجال قوامون على النساء بما فضل الله بعضهم على بعض وبما أنفقوا من أموالهم. يعني قوامة الرجل على المرأة بسبب ان ربنا فضله على المرأة ببعض الحاجات منها قوة العقل وقوة البأس وقوة البدن وغيره وكمان لانه هو المسئول عن النفقة من ماله. ولان اي مكان لازم يكون ليه مدير فالراجل هو مدير البيت والمدير مسئوليته انه ينظم الشغل وياخد قرارات لازم تتنفذ لان هو اللي هيتسأل عن النتايج. والمدير الشاطر هو اللي يحبب اللي تحت منه فيه وياخد رأيهم وان كان صح يعمل بيه الخلاصة.. القوامة ربنا اداها لراجل والراجل يعني عقل ناضج يعرف ازاي يحتوي المرأة ويحكم البيت من غير ما يحجر على حريتها وينتهك حقوقها. اما اذا كانت المرأة بتتعدى حدود الحرية دي او تصرفاتها بتثير غيرة زوجها فمن حقه يمنعها منها.

القوامة تكليف مش مكافأه تكليف يعنى مسؤوليه لصفات معينه وضعها ربنا ف الرجل عدم وجودها فى المرأة لا يعنى نقص لكن الحياه محتاجه الطرفين
الراجل بحكمته و المرأة بعاطفتها .. مش حابه اتطرق كتير النقطه دى لان فى رجاله بتاخد الدين بما يناسب رغباتهم ف بيعتبر أنه من حقه إذلال الزوجه بحجه القوامة وده يتنافى مع معناها ولو قولنا الانفاق ( بما أنفقوا ) ف كده لو الزوجه بتشتغل و تنفق على البيت مع زوجها يبقى هى مشاركة ليه فى القوامة ؟ اعتقد معناها اكبر من كده وربنا ماوضعش شىء الا بحكمه لكن أحيانا البشر بيستخدموا شرع ربنا بشكل خطأ
اتفق معاك ف إن المدير الشاطر اللى بيحب اللى معاه فيه وممكن يوصل لنفس النتيجه اللى كان عايز يوصلها بالعنف ده نتيجه افضل كمان بالاضافه لحياة هادئه مستقره
نورتنى د عبدالله شكرا لمرورك

[د/ عبد الله]

اقتباس المشاركة الأصلية كتبت بواسطة دمعه حائره معلش يادكتور عبد الله موضوع القوامه ده بختلف معاك فيه فيه فرق كبير انه يكون مسؤول عن البيت ويحافظ عليه او يصرف عليه وبين انه يتحكم في النفس اللي بتتنفسه مراته او بنته معاك حق انه لو شايف تصرفات غلط يقومها ويرشدهم لكن فيه ناس عندها عقده وعاوزه تتحكم وخلاص اعتقد ده بعيد تماما عن مفهوم القوامه انا قرأت عن القوامه كتير وكتبت فيها مقال سابق والراجل لو عاقل فعلا مينزلش بتفكيره للحاجات دي فيه اسس بيتبني عليها البيت وهو لو قال الشروط دي من الاول محدش هيوافق يتجوزه والكبت بالشكل ده بيخلق انحراف سلوكي عند الطرف التاني

ما انا قلت يا منة ان الراجل يعني عقل ناضج يعرف يدير البيت صح من غير ما يحبس حرية اللي معاه
اما التصرفات الي بتقولي عليها فدي مش تصرفات راجل ناضج
وتصرفات الاشخاص مش حاكم على المبدأ
احنا متفقين ان القوامة مسئولية لازم يتعامل معاها صح

[Aya 7ekaya]

اقتباس المشاركة الأصلية كتبت بواسطة ahmed 22 الاساس اللي بيتبني عليه الزواج في الوقت الحالي غلط سواء في التجميل بقا و الانهاك اللي بيحصل قبل الجواز ... وبالتالي بيترتب عليه صعوبة العشرة بعد الجواز .. الواجبات مش متحددة او تايهة مع الاخلاق في النص .. والحقوق بس هي اللي بتتطلب .. كل واحد او واحدة شايف ان ليه حق .. بس مش شايف ان عليه واجب المفروض يقوم بالأسرة .. الآنا بقا صوتها عالي ... لأن مفهوم الاسرة اتحطم في ظل الوضع المجتمعي اللي عايشينه البيت نفسه اللي بيطلع منه الطرفين مابقاش يخرج اب وأم .. بقا بيخرج طفل وطفلة .. ماعندهمش اي احساس بالمسؤلية وماقيش طفل بيختار صح .. بيتعلق بس باللعبة اللي بتطلع ليه ويروح يشتريها بفلوس ابوه اللي بيطلبها ابوها .. عشان يخليه فرحان بيها زي الاهطل .. لحد ما تظهر عيوبها في عنيه المعيوبة اساسا فيبدأ يفكر ازاي يتملكها بعيوبها فيطلع مفهوم الست نكدية .. او يعيش لحد ما يوم القدر يساعده انه يرميها فتطلع هي في دراما قهر المرآة ...

عندك حق فى خلل كبير فى مفهوم الزواج الحالى و سوء التربيه عامل كبير فيه
وده بيطلع اجيال ماتنفعش تأسس بيوت و النتيجه اطفال مدمرين نفسيا و اب وام بيفكروا ف نفسهم و نسب طلاق عاليه جدا
وده لأننا بعدنا عن الطريق اللى ربنا رسمه لكل واحد فينا و حبينا نجود من نفسنا و تعاملنا مع الزواج أنه صراع لازم طرف واحد يكون هو الكسبان
شكرا احمد لمرورك نورتنى