Dr abd elkhalek strange تخيل لو كنت

[ahmed 22]

صباح الخير
معاكم اخوكم في الله دكتور عبدالخالق سترينج
جراح سابقا وزميل جراحة جامعة المنوفية ..
سوبر هيرو حاليا .. بفضل الله

طبعا الكل مستغرب من اسمي .. انا اصلا مصري
طبعا احنا كمصريين مش بنغلب .. يعني انا سافرت امريكا
وغيرت اسمي وزورت الباسبور وحوار كبير سعادتك مش وقته نكلم فيه ..
وبنيت امجادي في الجراحة
وعالم السوبر هيروز ..

وكان بداية الهامي لما كنت في مقابلة مع الاتش ار بتاع مستشفي المنيرة
سألني عن شايف نفسك فين كمان عشر سنين ..؟
وفعلا كان سؤال عميق غير حياتي
وسبحان الله بقيت زي ما حلمت

بس خلاص الغربة وحشة و زي اي مصري اصيل
قلت لازم ارجع بلدي وافيدها في اقرب فرصة
وفعلا خلصت مهمتي في القضاء علي المعفن اللي اسمه ثانوس
مع شوية الافينجرز العرر ..
اللي نسيوا اني السبب الرئيسي في الفوز في المعركة دي ..
وماحدش افتكرني في ايي مداخلة تليفزيونية مع الاستاذ احمد موسي

قابلتني بس مشكلة بسيطة قبل ما ارجع
ان حجر الزمن اتدمر للاسف في الجوانتي اللي الايرون مان كان لابسه
وطبعا احنا بنعزي الشعب الامريكي في وفاته ..
للاسف الجوانتي كان عرة صناعة صيني ..

فقلت لازم اتصرف
فقلت للمخرج بتاع الفيلم اديني حجر الزمن لفة انزل بيه البلد عندنا
عشان لازم ارجع بلدي وارد الدين لاهلي وناسي .. وفعلا وافق
وقلت لازم اعمل مقر ليا في المنوفية البلد المعجزة
وسبب البلاوي في المنطقة
تفرق ايه عن المنوفية عن بكين ونيويورك ولندن يعني
ياما طلعت رؤساء عظام كلهم لابسونا فانلات ما شاء الله

فقلت اسألكم ونستطيع رأيكم ايها الشعب
عن النقطة الزمنية المحورية اللي حابين نرجع ليها ونغير منها التاريخ بتاعنا ؟؟

[big bốss]

هههههههههه

حرام عليك ثانوس معفن و الانفجرز عرر

دا الواحد كان بينتظر سنه كامله علشان يشوف سلسلة افلام مارفل

حاجه محترمه بجد

نيجى لنقطة رجوعك للزمن عايزين نرجع انت و انفنجرز لما

كنتوا بتقاتلوا اخو ثور و انتصرتوا عليه 😂

[ندوشه 2011]

اقتباس المشاركة الأصلية كتبت بواسطة big bốss هههههههههه حرام عليك ثانوس معفن و الانفجرز عرر دا الواحد كان بينتظر سنه كامله علشان يشوف سلسلة افلام مارفل حاجه محترمه بجد نيجى لنقطة رجوعك للزمن عايزين نرجع انت و انفنجرز لما كنتوا بتقاتلوا اخو ثور و انتصرتوا عليه 😂

ههههههههههاي انت واد فظيع وربنا ومالكشي حل

[فداااااااااااء]

من فترة الاحتلال الرومانى اعتقد التاريخ اتغير منذ هذه الفترة لمصر
لكن التوبك اشبه بالخزعبلاية

[حـيـــــآة ❤]

والله منا عارفه دحنا عاوزين نرجع كتير اوي

[Aya 7ekaya]

الموضوع واضح أنه عميق و فى صراعات كتير
المهم ف الموضوع عجبنى انك قدرت تكيف فكرة المسابقه مع فكرتك و طلعت ب حاجه مختلفه
شابووو

[big bốss]

انا حاسس البنات مش فاهمين حاجه يا احمد هههههههع

شكلهم مش متابعين افلام مارفل

[Aya 7ekaya]

اقتباس المشاركة الأصلية كتبت بواسطة big bốss انا حاسس البنات مش فاهمين حاجه يا احمد هههههههع شكلهم مش متابعين افلام مارفل

واضح انك داخل تبوظ الموضوع 😁

[حـيـــــآة ❤]

اقتباس المشاركة الأصلية كتبت بواسطة big bốss انا حاسس البنات مش فاهمين حاجه يا احمد هههههههع شكلهم مش متابعين افلام مارفل

نينينيني


.

[big bốss]

اقتباس المشاركة الأصلية كتبت بواسطة aya 7ekaya واضح انك داخل تبوظ الموضوع 😁

هههههه انا عملت منه موضوع تانى 😂