؟؟؟؟؟؟

[ahmed 22]

هل الطغاة يحبون اوطانهم بطريقتهم ؟؟

[دمعه حائره]

الطغاه في الدول الاخري ايوه بيحبوا اوطانهم
ومش بيكونوا طغاه علي شعوبهم واكبر دليل
شوف شارون ونينتياهو عملوا لوطنهم وشعبهم ايه
وطغوا علي وطن وشعب آخر لمصلحتهم
هو في النهايه اسمه طاغيه وسفاح وظالم لكن قتل مين
لكن للاسف الطغاه في العرب بيكونوا علي شعوبهم ومصالحهم
وكل شغلهم الشاغل ازاي يعملو تاريخ لنفسهم ويحافظوا على الكرسي
يعني اغلب الحكام طغاه لكن فيه طاغيه لمصلحه وطنه
وفيه اللي طاغيه علي وطنه

[عاشق ولهان]

بضم صوتي مع منه

قالت كل اللي كنت هقوله

تحياتي وتقديري لك ولمنه

[حازم34]

ان الله لايحب الطغاه ابدا ويمهلهم واذا أخذهم بيكون اخذ عزيز مقتدر..... الطغاه ابدالايعملون لصالح شعبوهم سواء في الصهاينه او العرب الطغاه في الصهاينه يجعلون شعوبهم تعيش مرحله الخوف والطغاه دايما في العرب على شعوبهم وينهبون خيرات البلاد ويظلمون العباد فتبا لهم ولامثالهم ومن يؤيدهم لأنهم سواء

[فصيح]

الطغاة لا يحبون أوطانهم ولكن فقط يحبون أنفسهم
( النرجسية )
بكل ما تحوي من غرور وشعور بالاهمية وإنهم هم من يعلمون ويفهمون
وكل البشر تابع لهم ، التاريخ يحدثنا عن الكثير منهم ، كلهم يعملون لمجدهم هم
وايضا القرآن يعظنا بنماذج منهم ،، لو كان حب الأوطان شاغلهم ما كانت شعوبهم تعاني

سلمت لسؤالك وطرحك أخي العزيز احمد

[فداااااااااااء]

ينقسموا الى نوعين طغاة يحبون اوطانهم فيقسون على الجميع دون استثناء من اجل النهوض بالوطن الذى سقط
زى كدا ماحصل على ما اذكر فى كوريا الجنوبية ايام التسعينات لما حكمت حكم عسكرى فاشي ولكن من اجل النهوض بالبلد لما الم بها
وطغاة محبون لانفسهم على حساب اوطانهم وشعوبهم زى كوريا الشمالية ومن على شاكلتها ومثل الحكام العرب الا ما رحم ربي

[ahmed 22]

اقتباس المشاركة الأصلية كتبت بواسطة دمعه حائره الطغاه في الدول الاخري ايوه بيحبوا اوطانهم ومش بيكونوا طغاه علي شعوبهم واكبر دليل شوف شارون ونينتياهو عملوا لوطنهم وشعبهم ايه وطغوا علي وطن وشعب آخر لمصلحتهم هو في النهايه اسمه طاغيه وسفاح وظالم لكن قتل مين لكن للاسف الطغاه في العرب بيكونوا علي شعوبهم ومصالحهم وكل شغلهم الشاغل ازاي يعملو تاريخ لنفسهم ويحافظوا على الكرسي يعني اغلب الحكام طغاه لكن فيه طاغيه لمصلحه وطنه وفيه اللي طاغيه علي وطنه

والله وجهة نظر تحترم وكلام جميل
يمكن ماكنتش حتي بفكر في شارون او نتنياهو كمثال وانا بكتب السؤال ...
اعتقد حتي اني وصلت من كلامك ان الامر مرتبط بتكوين الدولة نفسها
اللي من خلالها بيخرج طاغية علي شعبه او طاغية مع شعبه ضد العالم
اسرائيل دولة عنصرية بامتياز ولكن تجاه كل من هو غير صهيوني
ولكن هتلاقي حق الامتياز لكل مواطن حاليا في اسرائيل الدولة
اللي الشعب بالقائد بتاعها بيدور في الفلك الخاص بتحقيق اهدافها ..
يمكن ده بسبب غريزة البقاء اللي اتكونت عندهم نتيجة انهم اتزرعوا
في وطن مكروهين فيه من كل دولة بتقابل حدودهم ..
بس هما عامة يليق بيهم لفظ معتدي او مغتصب اكتر من طاغية
لانهم لو اتوجدوا في حضرة طاغية كان الامر اسهل كتير
انهم يتم استرداد الارض المحتلة ..بمجرد سقوطه ..
ودي نقطة قوتهم ..

[ahmed 22]

اقتباس المشاركة الأصلية كتبت بواسطة عاشق ولهان بضم صوتي مع منه قالت كل اللي كنت هقوله تحياتي وتقديري لك ولمنه

يا باشا كفاية طلتك في الموضوع
نورت ..

[محمود الصاروخ]

لو بيحبو الوطن مش هيهنو الشعب اللي بيحب وطنهم اكتر منهم
الموضوع حب للنفس وللكراسي مش اكتر
بص علي حال مصر وانت تعرف

[ahmed 22]

اقتباس المشاركة الأصلية كتبت بواسطة حازم34 ان الله لايحب الطغاه ابدا ويمهلهم واذا أخذهم بيكون اخذ عزيز مقتدر..... الطغاه ابدالايعملون لصالح شعبوهم سواء في الصهاينه او العرب الطغاه في الصهاينه يجعلون شعوبهم تعيش مرحله الخوف والطغاه دايما في العرب على شعوبهم وينهبون خيرات البلاد ويظلمون العباد فتبا لهم ولامثالهم ومن يؤيدهم لأنهم سواء

والله ماضحكش عليك انا يمكن سبب سؤالي عامة
هي حكايات كتير قريتها عن هتلر مثلا في الحرب العالمية الثانية
او حتي موسوليني واعتقد انها حقيقية
زي مثلا لما اقتربت هزيمة هتلر .. قام جامع المهندسين
وقام باعتهم مكان بعيد عن الحرب
ورغم اختلاف المستشارين بتوعوا قالهم
ان دول مستقبل بناء المانيا بعد الحرب
ويجب الحفاظ عليهم ولو متنا احنا ..

اعتقد ان سيكولوجية الطغاة عامة محتاجة واقفة تفكير
بس والله انا حاليا قلت ايا كان اجابة السؤال
ومهما كان كلام كتير ممكن اقوله
مش هيفرق كتير في النتيجة النهائية
ان في تجاوز شديد في حق شعب
مش هيغفر ليه مثلا لحظات تناقض في حياة دكتاتور